________________
દેવસિક પ્રતિક્રમણની વિધિના હેતુઓ ૦૬૦૩ ભાવજિનને વંદન કરું છું. બીજો અધિકાર “જે અઈયા સિદ્ધા'થી “વંદામિ' સુધી ગણાય છે તેમાં દ્રવ્ય જિનને વંદના કરું છું. ત્રીજો અધિકાર “અરિહંત ચેઈઆણંથી ગણાય છે તેમાં એક ચૈત્યમાં રહેલા સ્થાપના-જિનને વંદન કરું છું ઃ ચોથો અધિકાર “લોગસ્સ ઉજ્જો અગરે એ પદોથી ગણાય છે. તેમાં નામજિનને વંદના કરું છું.
પાંચમો અધિકાર “સવ્વલોએ અરિહંત-ચેઈઆણં' એ પદોથી શરૂ થાય છે, તેમાં ત્રણ ભુવનના સ્થાપનાદિનને વંદના કરું છું. છઠ્ઠો અધિકાર “પુષ્પરવરદીવઢે થી શરૂ થાય છે, તેમાં હું વિહરમાણ,-જિનને વંદું છું. સાતમો અધિકાર એ જ સૂત્રના “તમતિમિર-પાલ-વિદ્ધસણસ્સ' પદથી શરૂ થાય છે, તેમાં શ્રુતજ્ઞાનને વંદના કરું છું. આઠમો અધિકાર “સિદ્ધાણં બુદ્ધાણં” એ પદોથી થાય છે, તેમાં સર્વ સિદ્ધોની સ્તુતિ કરું છું.
નવમો અધિકાર એ જ સૂત્રના “જો દેવાણ વિ દેવો પદથી “તારે નર વ નારિ વા' સુધીનો ગણાય છે, તેમાં વર્તમાન તીર્થના અધિપતિ શ્રીવીરભગવાનની સ્તુતિ કરું છું. દસમો અધિકાર એ જ સૂત્રનાં “ઉન્જિતસેલ-વિહરે એ પદોથી શરૂ થાય છે, તેમાં રેવતાચલમંડન શ્રીઅરિષ્ટનેમિ ભગવાનને વંદન કરું છું. અગિયારમો અધિકાર એ જ સૂત્રનાં “ચત્તારિ અટ્ટ દસ દો અ' એ પદોથી શરૂ થાય છે, તેમાં અષ્ટાપદ પર્વત પર રહેલા ચોવીસે જિનને (પ્રતિમાને) વંદના કરું છું અને બારમો અધિકાર “વેયાવચ્ચગરાણ' એ પદોથી થાય છે, તેમાં સમ્યગ્દષ્ટિ દેવોનું સ્મરણ કરું છું.
દેવ-વંદન કરનારે આ બારે અધિકારો બરાબર સમજી લઈ તે પ્રમાણે વંદન કરવામાં લક્ષ્ય રાખવું. - આ પછી યોગમુદ્રાએ બેસીને “સક્કન્ધય-સુત્ત” એટલે “નમોત્થણ'નો પાઠ બોલવામાં આવે છે, તે દેવવંદન-અધિકારે શ્રીતીર્થકર ભગવંતને અંતિમ વંદન સમજવું.
પછી “ભગવદાદિવંદન-સૂત્ર વડે વિદ્યમાન શ્રીશ્રમણસંઘને તથા ઈચ્છકારી સમસ્ત શ્રાવકને વાંદું એ શબ્દો વડે શ્રાવક-શ્રાવિકાને હાથ જોડીને પ્રણામ કરવામાં આવે છે.
Jain Education International
For Private & Personal Use Only
www.jainelibrary.org
