Page #1
--------------------------------------------------------------------------
________________ ajJAtakartRkaM zrIzatruJjayacaityaparipATikA-stotram // . saM.A. vijayaaravindasUriH A stotranA kartAe potAnuM nAma pragaTa karyu nathI paNa AMtarika vigatonA AdhAre samajI zakAya che ke A badhAM mandiro vastupAlanI hayAtImAM ke te pachI taratanA samayamAM banAvyAM haze, paNa Aje te mandiro kayA sthAne che te nakkI kara, joIo. A mandiro teramI sadInA anta bhAgamAM ane caudamI sadInA pUrvArdhamAM banyAM hovAM joIo. paNa 1368mAM alAvadInakhIlajInA vakhatamAM tenA lazkare naSTa karyAM haze. te vakhate jAvaDinA bharAvelA AdIzvara bhagavAnane paNa khaNDita karyA haze, eTale samarAzAhane navA bharAvavAno vakhata Avyo hato te aitihAsika siddha thayelI hakIkata che. A stotra pragaTa thayenu amArA jovAmAM AvyuM nathI eTale A bhAvavAhI stotra pragaTa karavA mokalyuM che. zrIzatruJjayacaitya paripATikA (vasantatilakA) nanendramaNDalamaNImayamaulimAlA, -mIlanmarIcicayacumbitapAdapITham / natvA yugAdijinamAdimatIrtharAjam, zatruJjayaM giripati prayataH stavImi // 1 // puNyaM cinoti narajanmaphalaM tanoti, pApaM lunAti nayanAni satAM punAti / dUre'pi darzanapathaM samupAgato yaH, zrImAnasau vijayatAM giripuNDarIkaH // 2 // zrIpAdaliptapurapAvanapArzvanAtha-zrIvardhamAnajinarAjayugaM namanti / nemIzvaraM ca bhavikA yadadhovibhAge, zrImAnasau vijayatAM giripuNDarIkaH // 3 // zRGgaM ca yasya bhavikA adhirUDhavantaH, prAsAdapaMktimamalAmavalokayantaH / lokottaraM kimapi saukhyamaho labhante, zrImAnasau vijayatAM giripuNDarIkaH // 4 //
Page #2
--------------------------------------------------------------------------
________________ December - 2003 117 lakSatrayIvirahitA draviNasya koTI-stisro vivicya kila vAgbhaTamantrirAjaH / yasmin yugAdijinamandiramuddadhAra, zrImAnasau vijayatAM giripuNDarIkaH / / 5 // karpUrapUradhavalA kila yatra dRSTA, mUttiH prabhojinagRhaprathamapraveze / samyagdRzAmamRtapAraNamAtanoti, zrImAnasau vijayatAM giripuNDarIka: // 6|| zrImUlanAyakajinaH praNataH stuto vA, saMpUjitazca bhavikairbhavakoTibaddham / yatrocchinatti sahasA'khilakarmajAlaM, zrImAnasau vijayatAM giripuNDarIkaH // 7 // aSTottare ca kila varSazate vyatIte, zrIvikramAdatha bahudaviNavyayena / yatra nyavIvizata jAvaDirAdidevaM, zrImAnasau vijayatAM giripuMDarIka: / / 8 / / mammANinAmamaNizailataTIsamuttha-jyotIrasAkhyavararatnamayazca yatra / dRSTo'tha pUrva iva bhAti yugAdidevaH, zrImAnasau vijayatAM giripuNDarIkaH // 9 / / yatrAcite bhagavatIha karau kRtArthoM, vANI stute ca saphalA praNate ca bhAlam / draSTavyadarzanaphale nayane ca dRSTe, zrImAnasau vijayatAM giripuNDarIkaH // 10 // yatrAdimo bhagavataH kila dakSiNAGge, vAme ca jAvaDinivezitamUrtiranyaH / zrIpuNDarIkayugalaM bhavabhItibhedi, zrImAnasau vijayatAM giripuNDarIkaH // 11 // ikSvAkuvRSNikulajA munikoTikoTyaH, saMkhyAtigAH zivasukhazriyamatra bhejuH / ityAha yatra tilakaM kila koTikoTeH, zrImAnasau vijayatAM giripuNDarIkaH // 12 // paJcApi pANDutanayA sahitA jananyA, kuntyAkhyayA zivamaguH zikhare yadIye / tanmUrtayaH SaDiti zAsati yatra lepyAH, zrImAnasau vijayatAM giripuNDarIkaH // 13 // yatra priyAluriti caityataruzciratnaH, zrIsaMghapuNyamahimAdbhutadugdhavarSI / zastaM samastyanupamAkhyasarovaraM ca, zrImAnasau vijayatAM giripuNDarIkaH / / 14|| zrIpAdukAM bhagavataH praNipatya yatra, bhAlasthale tilakitA nakhajairmayUkhaiH / bhavyA bhavanti subhagA zivasaukhyalakSyAH, zrImAnasau vijayatAM giripunnddriikH||15|| hiMsAjuSo'pi pazavo'pi mayUramukhyAH, spRSTvA yadIyazikharaM paripUtadehAH / AsAdayanti tarasA surasampado'pi, zrImAnasau vijayatAM giripuNDarIkaH // 16 //
Page #3
--------------------------------------------------------------------------
________________ 118 anusaMdhAna-26 dvAviMzatijinavarA ajitAdayaste, svasvaprabhAJcitasapAdukalepyabimbaiH / atraiyaruH zrutimiti draDhayanti yatra, zrImAnasau vijayatAM giripuNDarIkaH // 17 // vAme ca pArzva iha satyapurAvatAraH, syAd dakSiNe zakunikAGkitasadvihAraH / aSTApado bhagavataH kila yatra pRSThe, zrImAnasau vijayatAM giripuNDarIkaH // 18 // nandIzvarasya giranAragirIzvarasya, zrIstambhanasya bhavikA avatAratIrtham / saMvIkSya yatra paramAM mudamuTThahanti, zrImAnasau vijayatAM giripuNDarIkaH // 19 // svargAdhirohabhavane jagatAM kRpAlu-yaMtra prabhurvinaminA naminA ca sevyaH / tatkhaDgabimbanakRtApararUpayugmaH, zrImAnasau vijayatAM giripuNDarIkaH // 20 // zrISoDazo jinapatiH prathamo jinendraH, zreyAMsanemijinavIrajinendramukhyAH / zRGga dvitIyamiha yatra pavitrayanti, zrImAnasau vijayatAM giripuNDarIkaH // 21 // trailokyalocanacakorakacandrikAbhA, susvAminI zivagatA marudevinAmnI / yatra prayacchati nijaM sukhasaMvibhAgaM, zrImAnasau vijayatAM giripuNDarIkaH // 22 // yatraiSa bhavyajanakalpitakalpavRkSaH zrIsaGgharakSaNamaharnizabaddhakakSaH / aSTAsu dikSu vitanoti kapardiyakSaH, zrImAnasau vijayatAM giripuNDarIkaH // 23 // ityevaMvidhapuNDarIkazikharistotraM pavitraM mudA / zrImannAbhinanarendranandanajinadhyAnaikatAnavrataH // zraddhAbandhuramAnasa: paThati yaH sandhyAdvaye nityazaH / sthAnastho'pi nirantaraM sa labhate tattIrthayAtrAphalam // 24 // // iti zrIzatruJjayacaityaparipATikA samAptA / / C/o. yaza moTarsa 1387/1, mukhIvAsa, mIThAkhalI, amadAvAda-380006