Book Title: Harmann Jacobi no Patra
Author(s): Harmann Jacobi
Publisher: ZZ_Anusandhan
Catalog link: https://jainqq.org/explore/229449/1

JAIN EDUCATION INTERNATIONAL FOR PRIVATE AND PERSONAL USE ONLY


Page #1
--------------------------------------------------------------------------
________________ 20 harmana jekobIno patra pro. haramana jekobI zrI zrI zrI 105 zrImuninemivijayAnandasAgarAvAcAryaziromaNI prati boSAnagaravAstavyasya yAkobinAmnaH saMskRtAdhyApakasya dharmalAbhapuraHsaraM vijJaptiriyam  /  zrImadbhyAM parihAryamImAMsAkhyapatre mAMsamatsyabhakSaNaniSedho bhUyiSThajainAgamasammato'khilajainamunisadAcArAGgIkRtazceti yad bahusUtraprapaJcena niraNAyi tatra sarveSAmaikamatyameva  /  asmAbhistu yathedAnIntanAnAM jainAnAM mAMsabhakSaNaM niSiddhaM, na tadA ( thA ) sarvadA''sIditi pratyapAdi  /  tathA hi- ariSTanemivivAhAvasare tacchvazureNograsenanAmnA mahArAjena vivAhotsavocitAnnasampAdanArthaM prabhUtA mRgAH paJjarabaddhA asthApiSatetyuttarAdhyayana sUtrasthadvAdazAdhyayane zrUyate  /  ugrasenAdInAM tvArhatatvaM tIrthakarasambandhAdanumIyate  /  evaM ca teSAM mAMsabhakSaNaM na niSiddhamAsIditi pratibhAti  /  anusandhAna- 41 nanu gRhasthA eva te, na ca gRhasthAcAranimittako vivAdo, bhikSUNAmAcArasyA''cArAGge'dhikRtatvAditi cet satyam  /  kiM tarhi ? jainamunisamAcArasyA'pi na sarvadaikabhAvAzrayatvamAsIditi pUrvamevA'smAbhiruktam  /  adyatanAnAM hi jainamunInAM sthavirakalpaniyamaH  /  pUrvaM tu jinakalpaH pravavRte  /  dRSTAntatvena mayA jinakalpa udAhRtaH, na tu AcArAGgasUtre jinakalpaH prastuta iti vivakSayA  /  evaM samAcArasyA'nyathAbhAvamApadyamAnatvadarzanAt kadAcit kasmiMzcit pUrvasamaye mAMsabhakSaNamapi nA'tyantaM niSiddhamAsIdityaviruddhA kalpanA  /  etena nyAyenA''cArAGgasUtrasthitasUtrasyA'rtho'nusandhAtavyaH  /  kiJca, mAMsa-matsyazabdayoH pizita- mInAtiriktapadArthe na vAcakatvam  /  yattu 'matsyA cakrAGgI zakulAdinI 'ti zrIhemacandraviracitakoze matsyAzabdasya vanaspativizeSe rUDhatvadarzanAt pUrvoktasUtrasthamatsyazabdo'pi vanaspativizeSArthaM gamayatItyucyate, tadasamIcInameva  /  strItvenoddiSTasya matsyAzabdasya vanaspativizeSArthAbhidhAyitvAt pUrvoktasUtrasthitasya maccheNetizabdasya puMstvasyA' sandigdhatvAt  / 

Page #2
--------------------------------------------------------------------------
________________ October-2007 21 yadi ca matsyazabdasya mukhyArthavyatirekeNA'rthAntarAbhidhAyitvaM syAt tadA tasya zabdArthAntarasya bAdhakameva mAMsazabdasya tena saha sAmAnAdhikaraNyaM syAt / 'arthaH prakaraNaM liGgaM zabdasyA'nyasya sannidhi'riti zabdArthasyA'navacchede sannidhereva vizeSasmRtihetutvasmaraNAt / itthaM mAMsazabdasannidhermatsyazabdasyA'tyantavijAtIyavanaspativizeSArthAbhidhA bAdhyate mInaparyAyatvaM ca sidhyati / rUDhyabhAve'pi matsyazabdo lakSaNayA'rthAntaraM nIyata iti cet - na, zakyasambandhAbhAvAt prayojanAbhAvAcca ! na hi mInArtha-phalavizeSArthayoH kazcit sambandhaH pratIyate / na ca kiJcit prayojanamupalabhyate yena vanaspativizeSArtho mInapadArthasaGketitamatsyazabdenocyateti / ___yacca - bhujiratra bAhyaparibhogArthe, nA'bhyavahArArthe vartata - ityucyate, tadapyasat; prakaraNavazAd bhujidhAtorabhyavahArArthasyA''vazyakatvAt / bhojanapAnavidhiniSedhau hi AcArAGgasUtrasya dazamoddezake prastutau na tu cikitsaadi| anyacca, matsyazabdena saha samprayuktasya bhojanazabdasyA'bhyavahAravAcakatvAbhyupagame tasyaiva bhojanazabdasya mAMsazabdena saha samprayuktasya sa evA'rtho'vazyamabhyupetavyaH / na hi padmAvatI kAmamaJjarI vA vRNuSveti vAkye padmAvatIkarmakavaraNakriyA-kAmamaJjarIkarmakavaraNakriyayorekapadenA'bhihitayoH svIkuruSvetyavaguNThayeti bhinnArthatvamupapadyate / zleSeNa tat syAditi cet - na, zliSTapadaprayogasya kAvyaviSaye bAhulyena darzanAt na tu jinAgame / api ca, mAMsabhojanasya bAhyaparibhogatayA kalpane zrImantau praSTavyaubAhyaparibhoge mAMsasya parivyApAditapizitabhakSaNa iva prayokturjIvahiMsA bhavati vA naveti ? asti cet, prayoktuH karmabandhaprasaGgAt sUtrasthitavidherdoSatvaM duSpariharaNIyam / atha nA'sti, Antaraprayoge'pi sA na bhavatIti dik / evaM sati matsya-mAMsa- bhojanapadAnAM fish meat eat ityAGgladezIyapadairasmanmate'vazyamevA'nuvAdaH kartavyaH ! yadi cA'smadajJAtayuktyA prastutamAgadhIyapadAnAmarthAntarakalpanA zakyakriyA tadA tayaiva saiva tatpratibimbabhUtAnAmAGgladezIyapadAnAmapyadhyetRbhiH kriyatAmiti / __ yadi cA''cArAGgasUtrAnuvAdasya dvitIyAvRttiH prakAzyate tadA zrImadbhyAM darzitaH sUtrArthaSTippanyAmudAhAriSyate iti prAgevA'smAbhiH pratijJAtamiti vijJaptiH / /