Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH 27 bhattapariNNA-cautthaM paiNNayaM muni dIparatnasAgara Date : // 2012 Jain Aagam Online Series-27
Page #2
--------------------------------------------------------------------------
________________ | 27 gaMthANukkamo kamako visaya gAhA aNukkamo piTThako maMgalaM-nANamahattaNa sAsayAsAsaya-sukhaM 5-7 maraNa-bheAi 8-11 8-11 AloyaNA, pAyacchitta 12-23 12-23 vaya-sAmAiya-ArovaNAi 24-33 24-33 AcaraNa-khAmaNA 34-173 34-173 uvaesa-Ai [dIparatnasAgara-saMzodhitaH] [1] [27|bhatapariNA]
Page #3
--------------------------------------------------------------------------
________________ bAlabrahmacArI zrI neminAthAya namaH 27 bhattapariNNA namo namo nimmaladaMsaNassa [8] -- namiUNa mahAisayaM mahAnubhAvaM muniM mahAvIraM / bhaNimo bhattapariNNaM niasaraNaTThA paraTThA ya / / [2] bhavagahaNabhamaNarINA lahaMti nivvuisuhaM jamallINA / taM kappaddumakAnana-suhayaM jinasAsanaM jayai / / [3] manuyattaM jinavayaNaM ca dullahaM pAviUNa sappurisA sAsayasuhikkarasiehiM nANavasiehiM hoyavvaM // [4] jaM ajjaM suhaM bhaviNo saMbharaNIyaM tayaM bhave kallaM / maggaMti niruvasaggaM apavaggasuhaM buhA teNaM / / [5] naravibuhesarasokkhaM dukkhaM paramatthao tayaM biMti / pariNAmadArUNamasAsayaM ca jaM tA alaM tena // [6] jaM sAsaya-suhasAhaNa-mANAArAhaNaM jiniMdANaM / tA tIe jaiyavvaM jinavayaNa - visuddhabuddhIhiM || [7] taM nANa- daMsaNANaM caritta tavANa jinapaNIyANaM / [dIparatnasAgara-saMzodhitaH] jaM ArAhaNamiNamo ANAArAhaNaM biMti || [8] pavvajjAe abbhujjao'vi ArAhao ahAsutaM / abbhujjayamaraNeNaM avigalamArAhaNaM lahai / / [9] taM abbhujjayamaraNaM amaraNadhammehiM vanniyaM tivihaM / bhattaparinnA iMgiNi pAovagamaM ca dhIrehiM / / [10] bhattaparinnAmaraNaM duvihaM saviyAramo ya aviAraM / saparakkamassa muNiNo saMlihiyataNussa saviAraM [11] aparakkamassa kAle appahuppaMtaMmi jaM tamaviyAraM / tamahaM bhattaparinnaM ahAparinnaM bhaNissAmi || [12] dhiibalaviyalANamakAla maccukaliANamakakaraNANaM / niravajjamajjakAliya-jaINa juggaM niruvasaggaM / / [13] pasama suhasappivAso asoa-hAso sajIviyanirAso / visayasuha - vigayarAgo dhammujjama jAyasaMvego / / [14] nicchiamaraNAvattho vAhigghattho jaI gihattho vA / bhavio bhattaparinnAi nAyasaMsAraneggunno || [15] pacchAyAvaraparaddho piyadhammo dosadUsaNasayaho / arahai pAsathAI vi dosadosillakalio'vi / / cautthaM paiNNayaM [2] OM hrIM namo pavayaNassa ! || [ 27|bhattapariNNA]
Page #4
--------------------------------------------------------------------------
________________ gAhA-16 [16] vAhi-jara-maraNamayaro niraMtaruppattinIra nibo / pariNAmadArUNaduho aho duraMto bhavasamuddo / / [17] ia kaliUNa saharisaM, gurupAmUle'bhigamma vinaeNaM / bhAlayalamiliya-karakamala-seharo vaMdiu~ bhaNai / / [18] AruhiyamahaM supurisa ! bhattaparinnA-pasattha-bohitthaM / nijjAmaeNa guruNA icchAmi bhavannavaM tariThaM / / [19] kAruNNAmaya-nIsaMda-suMdaro so'vi se guru bhaNai / AloyaNa-vaya-khAmaNa-purassaraM taM pavajjesu / / [20] icchAmotti bhaNitA bhatti-bahmAna-suddha-saMkappo / guruNo vigayAvAe pAe abhivaMdiU~ vihiNA / / [21] sallaM uddhariumano saMveguvveya tivvasaddhAo / jaM kuNai suddhiheuM so tenA''rAhao hoi / / [22] aha so AloyaNadosavajjiyaM ujjyaM jahA''yariyaM / ___ bAluvva bAlakAlAu dei AloyaNaM samma / / [23] Thavie pAyacchite gaNiNA gaNisaMpayAsamaggeNaM / sammamanumanniya tavaM apAvabhAvo puNo bhaNai / / [24] dAruNaduhajjalayara niyarabhImabhavajalahi-tAraNasamatthe / nippaccavAya poe mahavvae amha ukkhivasu / / [25] jai vi sa khaMDiyacaMDo akkhaMDamahavvao jaI jai vi / pavvajjavaThaTThAvaNa-muTThAvaNamarihai tahAvi / / [26] paNo sukayANattiM bhiccA paccappiNaMti jaha vihiNA / jAvajjIvapaiNNANattiM guruNo tahA so'vi / / [27] jo sAiyAracaraNo AuTiyadaMDakhaMDiyavao vA / taha tassa vi sammamuvaTThiyassa uTThAvaNA bhaNiyA [28] tatto tassa mahavvaya pavvayabhAronamaMtasIsassa / sIsassa samArovai sugurU vi mahavvae vihiNA / / [29] aha hojja desavirao sammattarao rao ya jinadhamme / tassa vi aNuvvayAiM ArovijjaMti suddhAiM / / [30] aniyANodAramano harisavasa-visaTThakaMTaya-karAlo / pUei guru saMghaM sAhammiya-mAya bhattIe || [31] niyadavvamapuvva jiNiMdabhavana jinabiMba varapaiTThAsu / viyarai pasatthaputthaya sutittha titthayarapUyAsu / / [32] jai so'vi savvaviraI kayAnurAo visuddhamai-kAo / chinnasayaNANurAo visayavisAo viratto a / / chinnara [dIparatnasAgara-saMzodhitaH] [3] [27|bhatapariNA]
Page #5
--------------------------------------------------------------------------
________________ gAhA-33 ? | [33] saMthArayapavvajjaM pavvajjai so'vi niyama niravajjaM / savvavirai-ppahANaM sAmAiya-caritta-mAruhai / / [34] aha so sAmAiyadharo paDivannamahavvao ya jo sAhU / desavirao a carime paccakkhAmi ti nicchaio / / [35] guruguNagurUNo guruNo payapaMkaya namiyamatthao bhaNai / bhayavaM! bhattaparinnaM tumhAnumayaM pavajjAmi [36] ArAhaNAi khemaM tasseva ya appaNo ya gaNivasaho / divveNa nimitteNaM paDilehai iharahA dosA / / [37] tatto bhavacarime so paccakkhAi ti tivihamAhAraM / ukkosiyANi davvANi tassa savvANi daMsijjA [38] pAsittu tAI koI tIraM pattassimehiM kiM majjha desaM ca koi bhoccA saMvegagao viciMtei / / [39] kiM ca taM novabhuttaM me, pariNAmAsuI suI / ___ diTThasAro suhaM jhAi, coyaNesA'vasIyao [40] uyaramalasohaNaTThA samAhipAnaM maNunnameso'vi / mahuraM pajjeavvo maMdaM ca vireyaNaM khamao / / [41] ela-taya-nAga-kesara-tamAlapattaM sasakkaraM duddhaM / pAUNa kaDhiyasIyala samAhipAnaM tao pacchA / / [42] mahuravireyaNameso kAyavvo phopphalAidavvehiM / nivvAvio ya aggI samAhimeso suhaM lahai / / [43] jAvajjIvaM tivihaM AhAraM vosirai ihaM khavago / nijjavago Ayario saMghassa niveyaNaM kuNai / / [44] ArAhaNa-paccaiaM khamagassa ya niruvasagga-paccaiaM / to ussaggo saMgheNa hoi savveNa kAyavvo / / [45] paccakkhAviMti tao taM te khamayaM caThavvihAhAraM / saMghasamudAyamajjhe ciivaMdanapuvvayaM vihiNA / / [46] ahavA samAhihe sAgAraM cayai tivihamAhAraM / / to pANayaM pi pacchA vosiriyavvaM jahAkAlaM / / [47] to so namaMtasirasaMghaData-karakamalaseharo vihiNA | khAmei savvasaMghaM saMvegaM saMjaNemANo / / [48] Ayariya uvajjhAe sIse sAhammie kula gaNe ya / je me kei kasAyA savve tiviheNa khAmemi / / [49] savve avarAhapae khAmemi ahaM khameTha me bhayavaM ahamavi khamAmi suddho guNasaMghAyassa saMghassa / / [dIparatnasAgara-saMzodhitaH] [4] [27|bhatapariNA]
Page #6
--------------------------------------------------------------------------
________________ gAhA-50 [50] iya vaMdana-khAmaNa garihaNAhiM bhavasayasamajjiyaM kammaM / uvanei khaNeNa khayaM miyAvaI rAyapatti vva / / [51] aha tassa mahavvayasuTThiassa jinavayaNabhAviyamaissa / paccakkhAyAhArassa tivva saMvega-suhayassa / / [52] ArAhaNalAbhAo kayatthamappANayaM muNaMtassa / kalusakalataraNalaTThiM anusaLiM dei gaNivasaho / / [53] kuggahaparuDhamUlaM mUlA ucchiMda vaccha ! micchattaM / __ bhAvesu paramatataM sammataM suttanIIe / / [54] bhattiM kuNasu tivvaM guNAnurAeNa vIyarAyANaM / taha paMcanamukkAre pavayaNasAre raiM kuNasu / / [55] suvihiyahiyanijjhAe sajjhAe ujjuo sayA hosu / niccaM paMca mahavvayarakkhaM kuNa AyapaccakkhaM [56] ujjhasu niyANasallaM mohamahallaM sukammanissallaM | ___ damasu ya muniMdasaMdoha nidie iMdiyamayaMde / / [57) nivvANasuhAvAe viinna nirayAidAruNAvAe | ____ haNasu kasAyapisAe visayatisAe saisahAe || [58] kAle apahappaMte sAmanne sAvasesie iNhiM / moha-mahAriu-dAraNa-asilaThiM suNasu anusaThiM / / [59] saMsAramUlabIyaM micchattaM savvahA vivajjehi / sammataM daDhacitto hosu namukkArakusalo ya / / [60] magatiNhiyAhiM toyaM mannati narA jahA sataNhAe / sokkhAI kuhammAo taheva micchatta mUDhamano / / [61] navi taM karei aggI neva visaM neva kiNhasappo ya / jaM kuNai mahAdosaM tivvaM jIvassa micchattaM [62] pAvai iheva vasanaM turumiNidattuvva dArUNaM puriso / micchattamohiamano sAhupaosAu pAvAo / / [63] mA kAsi taM pamAyaM sammatte savvakkhanAsaNae / jaM sammata-paiTThAiM nANa-tava-viria-caraNAI / / [64] bhAvAnurAya pemAnurAya suguNAnurAyaratto ya / dhammAnurAyaratto ya hosu jinasAsane nicca / / [65] daMsaNabhaTTho bhaTTho na ha bhaTTho hoi caraNapabbhaTTho / daMsaNamanupattassa ha pariyaDaNaM natthi saMsAre / / [66) daMsaNabhaTTho bhaTTho daMsaNabhaTThassa natthi nivvANaM / sijjhaMti caraNarahiA daMsaNarahiA na sijjhaMti / / [dIparatnasAgara-saMzodhitaH] [5] [27|bhatapariNA]
Page #7
--------------------------------------------------------------------------
________________ gAhA-67 ? || [67] suddhe sammatte avirao'vi ajjei titthayaranAma / jaha AgamesibhaddA harikulapahu seNiAIyA / / [68] kallANaparaMparayaM lahaMti jIvA visuddhasammattA / sammaiMsaNarayaNaM na'gdhai sasurA'sure loe / / [69] telukkassa pahutaM labhrUNavi parivaDaMti kAleNaM / sammattaM puNa lar3e akkhayasukkhaM lahai mokkhaM / / [70] arihaMta siddha ceiya pavayaNa Ayariya savvasAhUsuM / tivvaM karesu bhattiM tigaraNasuddheNa bhAveNaM / / [71] egA vi sA samatthA jinabhattI duggaiM nivAre / dulahAI lahAveThaM AsiddhiM paraMpara suhAI / / [72] vijjA vi bhattimaMtassa siddhimuvayAi hoi phalayA ya / kiM puna nivvuivijjA sijjhihii abhttimNtss| [73] tesiM ArAhaNanAyagANa na karijja jo naro bhattiM / dhaNiyaM pi ujjamaMto sAliM so Usare vavai / / [74] bIeNa vinA sassaM icchar3a so vAsamabbhaeNa vinA / ArAhaNa-micchaMto ArAhaya-bhattimakaraMto / / [75] uttamakulasaMpattiM suhanipphatiM ca jinabhattI / maNiyAraseTThIjIvassa daDurasseva rAyagihe / / [76] ArAhaNApurassaramaNanna-hiyao visuddhalesAo | saMsArakkhayakaraNaM taM mA muMcI namukkAraM / / [77] arihaMtanamukkAro ikko'vi havijja jo maraNakAle / so jinavarehiM diTTho saMsArUccheaNa-samattho / / [78] miTho kiliTThakammo namo jiNANaM ti sukayapaNihANo / kamaladalakkho jakkho jAo coro tti sUlihao / / [79] bhAva namukkAra vivajjiyAI jIveNa akayakaraNAI / gahiyANi ya mukkANi ya anaMtaso davva-liMgAI / / [80] ArAhaNApaDAgAgahaNe hattho bhave namokkAro / taha sugaimaggagamane raha vva jIvassa appaDiho / / [81] annANI'vi ya govo ArAhitA mao namukkAraM / caMpAe seTThisuo sudaMsaNo vissuo jAo / / [82] vijjA jahA pisAyaM suThuvauttA karei purisavasaM / nANaM hiyayapisAyaM suThTha-vauttaM taha karei / / [83] uvasamai kiNhasappo jaha maMteNa vihiNA pautteNaM / taha hiyaya kiNhasappo suThuvautteNa nANeNaM / / [dIparatnasAgara-saMzodhitaH] [6] [27|bhatapariNA]
Page #8
--------------------------------------------------------------------------
________________ gAhA-84 ? || [84] jaha makkaDao khaNamavi majjhattho acchiu~ na sakkei / taha khaNamavi majjhattho visaehiM vinA na hoi mano / / [85] tamhA sa uThThiThamano manamakkaDao jinovaeseNaM / kAuM suttanibaddho rAmeyavyo suhajjhANe / / [86] sUI jahA sasuttA na nassaI kayavaraMmi paDiyA vi / / jIvo'vi taha sasutto na nassaI gao vi saMsAre [87] khaMDasilogehi javo jai tA maraNAu rakkhio rAyA / patto a susAmaNNaM kiM puNa jinavuttasuteNaM [88] ahavA cilAiputto patto nANaM tahA'marataM ca / uvasama vivega saMvara payasumaraNamitta-suyanANo / / [89] parihara chajjIvavahaM sammaM manavayaNakAyajogehiM / jIvavisesaM nAuM jAvajjIvaM payatteNaM / / [90] jaha te na piyaM dukkhaM jANiya emeva savvajIvANaM / savvAyaramuvautto attovammeNa kuNasu dayaM / / [91] tuMgaM na maMdarAo AgAsAo visAlayaM natthi / jaha taha jayaMmi jANasu dhammamahiMsAsamaM natthi / / [92] savve vi ya saMbaMdhA pattA jIveNa savvajIvehiM / to mAraMto jIve mArai saMbaMdhino savve / / [93] jIvavaho appavaho jIvadayA appaNo dayA hoi / tA savva jIva-hiMsA paricattA attakAmehiM / / [94] jAvaiyAI dukkhAI haMti cauggaigayassa jIvassa / savvAiM tAI hiMsA-phalAI niThaNaM viyANAhi || [95] jaMkiMci suhamuyAraM pattaNaM payai suMdaraM jaM ca / AruggaM sohaggaM taM tamahiMsAphalaM savvaM / / [96) pANo'vi pADiheraM patto chUDho'vi suMsumAradahe / egeNa vi egadina'jjieNa'hiMsAvayaguNeNaM / / [97] parihara asaccavayaNaM savvaMpi caThavvihaM payatteNaM / saMjamavaMtA vi jao bhAsAdoseNa lippaMti / / [98] hAseNa va loheNa va koheNa bhaeNa vAvi tamasaccaM / mA bhaNasu bhaNasu saccaM jIvahiyatthaM pasatthamiNaM [99] vissasaNijjo mAyA va hoi pujjo gurUvva loyassa | sayaNu vva saccavAI puriso savvassa hoi pio || [100] hoTha va jaDI sihaMDI muMDI vA vakkalI va naggo vA / loe asaccavAI bhaNNai pAsaMDa-caMDAlo [dIparatnasAgara-saMzodhitaH] [7] [27|bhattapariNNA]
Page #9
--------------------------------------------------------------------------
________________ gAhA-101 [101] aliaM saiMpi bhaNiyaM vihaNai bahaAI saccavayaNAI / paDio narayaMmi vasU ekkeNa asacca-vayaNeNaM / / [102] mA kuNasu dhIra ! buddhiM appaM va bahuM va paradhanaM ghettuM / daMtaMtarasohaNayaM kiliMcamitaM pi avidinnaM / / [103] jo puna atthaM avaharai tassa so jIviyaM pi avaharai / jaM so atthakaeNaM ujjhai jIaM na uNa atthaM / / [104] to jIvadayAparamaM dhamma gahiUNa giNha mA'dinnaM / jina-gaNaharapaDisiddhaM logavirUddhaM ahammaM ca / / [105] coro paralogaMmi vi nAraya-tiriesa lahai dukkhAI / manuyataNe vi dIno dAriddovadduo hoi / / [106] corikkanivittIe sAvayaputto jahA suhaM lahaI / kiDhi-morapiccha-cittiya-guTThI-corANa calaNesu / / [107] rakkhAhi baMbhaceraM baMbhaguttIhiM navahiM parisuddhaM / niccaM jiNAhi kAmaM dosapakAmaM viyANitA / / [108] jAvaiyA kira dosA ihaparaloe dahAvahA hoti / AvahaI te savve mehuNasannA manUsassa / / [109] rai-arai-tarala-jIhA-jueNa saMkappa-ubbhaDa-phaNeNaM / visaya-bilavAsiNA maya-mehaNa bibboya-roseNaM / / [110] kAmabhuyaMgeNa daTThA lajjA-nimmoya-dappa-dADheNaM / nAsaMti narA avasA dussaha-dukkhAvaha-viseNaM / / [191] lallakkanirayaviyaNAo ghorasaMsArasAyarUvvahaNaM / saMgacchai na ya picchai tucchattaM kAmiyasuhassa / / [112] vammahasarasayaviddho giddho vaNiTha vva rAyapattIe / pAukkhAlayagehe duggaMdhe'negaso vasio || [113] kAmAsatto na muNai gammA'gamma pi vesiyANu vva / siTThI kuberadatto niyayasuyAsurayarairatto / / [114] paDipilliya kAmakaliM kAmagghatthAsu muyasu anubaMdhaM / mahilAsu dosavisa-vallarIsu payaiM niyacchaMto / / [115] mahilA kulaM suvaMsaM piyaM suyaM mAyaraM ca piyaraM ca / visayaMdhA agaNaMtI dukkhasamuddammi pADei / / [116] nIyaMgamAhiM supaoharAhiM uppiccha maMtharagaIhiM / mahilAhiM ninnayAhi va girivaragurUyA vi bhijjati [117] suThTha vi jiyAsu suThTha vi piyAsu suThTha vi parUDhapemAsu / mahilAsu bhuaMgIsu va vIsaMbhaM nAma ko kuNai ? || [dIparatnasAgara-saMzodhitaH] [8] [27|bhattapariNNA]
Page #10
--------------------------------------------------------------------------
________________ gAhA-118 ? || [118] vIsaMbhanibbharaM pi ha uvayAraparaM parUDhapaNayaM pi / kayavippiyaM piyaM jhatti niti nihaNaM hayAsAo / / [119] ramaNIyadaMsaNAo somAlaMgIo guNanibaddhAo / navamAlaimAlAo haraMti hiyayaM mahiliyAo / / [120] kiM tu mahilANa tAsiM daMsaNasuMderajaniyamohANaM / AliMgaNamairA dei vajjhamAlANa va vinAsaM / / [121] ramaNINa daMsaNaM ceva suMdaraM hoU saMgamasuheNa / ____ gaMdhocciya suraho mAlaIi malaNaM puNa vinAso / / [122] sAkeapurAhivaI devaraI rajjasokkhapabbhaTTho / paMgulahetuM chUDho bUDho ya naIi devIe / / [123] soyasarI duriyadarI kavaDakuDI mahiliA kilesakarI / vairaviroyaNaaraNI dukkhakhaNI sukkhapaDivakkhA / / [124] amuNiyamaNa-parikammo samma ko nAma nAsiGa tarai / vammahasarapasarohe dichicchohe mayacchINaM [125] ghanamAlAo va dUrUnnamaMtasupaoharAo vaDdati / mohavisaM mahilAo AlakkavisaM va purisassa / / [126] pariharasu tao tAsiM diThiM diTThIvisassa va ahissa / jaM ramaNi-nayanabANA caritapANe vinAseMti [127] mahilAsaMsaggIe aggI iva jaM ca appasArassa / mayaNaM va mano muNiNo'vi haMta sigghaM cia vilAi [128] jai vi paricattasaMgo tavatanyaMgo tahA vi parivaDai / mahilAsaMsaggIe kosAbhavaNUsiya vva risI / / [129] siMgArataraMgAe vilAsavelAi jovvaNajalAe / pahasiyapheNAe munI nArinaIe na buDDaMti [130] visayajalaM mohakalaM vilAsabibboyajalayarAiNNaM / mayamayaraM utiNNA tArUNNamahaNNavaM dhIrA / / [131] abhiMtara-bAhirae savve gaMthe tumaM vivajjehi / kayakAriya'numaIhiM kAya-mano-vaya jogehiM / / [132] saMganimittaM mArei bhaNai alIyaM karei corikkaM | sevai meNa mucchaM apparimANaM kuNai jIvo / / [133] saMgo mahAbhayaM jaM viheDio sAvaeNa saMteNaM / putteNa hie atthaMmi maNivaI kuMcieNa jahA / / [134] savvaggaMthavimukko sIIbhUo pasaMtacitto ya / jaM pAvai muttisuhaM na cakkavaTTI vi taM lahai / / ? || [dIparatnasAgara-saMzodhitaH [9] [27|bhatapariNA]
Page #11
--------------------------------------------------------------------------
________________ gAhA-135 [135] nissallasseha mahavvayAI akkhaMDa nivvaNaguNAI / uvahammati ya tAI niyANasalleNa muNiNo'vi [136] aha rAgadosagabbhaM mohaggabbhaM ca taM bhave tivihaM / dhammatthaM hInakulAi-patthaNaM mohagabbhaM taM / / [137] rAgeNa gaMgadatto doseNaM vissabhUimAIyA / moheNa caMDapiMgalamAIA haMti diLaMtA / / [138] agaNiya jo mukkhasuhaM kuNai niyANaM asArasuhaheuM / so kAyamaNikaeNaM verUlliamaNiM paNAser3a / / [139] dukkhakkhaya kammakkhaya samAhimaraNaM ca bohilAbho ya / eyaM pattheyavvaM na patthaNijjaM tao annaM / / [140] ujjhiyaniyANasallo nisibhattaniyatti samii guttIhiM / paMcamahavvayarakkhaM kayasivasukkhaM pasAhei / / [141] iMdiyavisayapasattA paDaMti saMsArasAyare jIvA / pakkhi vva chinnapakkhA susIla-guNa-pehuNa-vihUNA / / [142] na lahai jahA lihaMto muhilliyaM aTThiyaM rasaM suNao / sosai tAluyarasiaM vilihaMto mannae sukkhaM / / [143] mahilApasaMgasevI na lahai kiMci vi suhaM tahA puriso / so mannae varAo sayakAyaparissamaM sukkhaM [144] suThuvi maggijjaMto kattha vi kayalIi natthi jaha sAro / iMdiavisaesu tahA natthiM suhaM suThTha vi gaviThaM / / [145] soeNa pavasiyapiA cakkhUrAeNa mAharo vaNio / ghANeNa rAyaputto nihao jIhAe sodAso / / [146] phAsidieNa duTTho naTTho somAliyAmahIpAlo / ekkikkeNa vi nihayA kiM puna je paMcasu pasatthA [147] visayAvikkho nivaDai niravikkho tarai dutarabhavohaM / devI-devasamAgaya-bhAgya-jaalaM va bhaNiaM ca / / [148] chaliA avayakkhaMtA nirAvayakkhA gayA aviggheNaM / tamhA pavayaNasAraM nirAvayakSeNa hoyavvaM / / [149] visae aviyakkhaMtA paDaMti saMsArasAyare ghore / visaesu niravayakkhA taraMti saMsArakaMtAraM / / [150] tA dhIra ! ghIibaleNaM dudaMte damasu iMdiya-maiMde / teNakkhaya-paDivakkho harAhi ArAhaNa-paDAgaM / / [151] kohAINa vivAgaM nAUNa ya tesi niggaheNa guNe / niggiNha teNa supurisa ! kasAyakaliNo payatteNaM ? || [dIparatnasAgara-saMzodhitaH] [10] [27|bhatapariNA]
Page #12
--------------------------------------------------------------------------
________________ gAhA-152 ? || [152] jaM aitikkhaM dakkhaM jaM ca sahaM uttamaM tiloIe / taM jANaM kasAyANaM vuDhikkhayahe'yaM savvaM / / [153] koheNa naMdamAI nihayA mAnena pharasurAmAI / mAyAi paMDarajjA loheNaM lohanaMdAI / / [154] iya uvaesAmayapANaeNa palhAiammi citaMmi / jAo sunivvuo so pAUNa va pANiyaM tisio / / [155] icchAmo anusaLiM bhaMte ! bhavapaMka-taraNa-daDhalaLiM / jaM jaha vuttaM taM taha karemi vinaoNao bhaNai / / [156] jar3a kaha vi asuhakammodaeNa dehammi saMbhave viyaNA / ahavA taNhAIyA parIsahA se udIrijjA / / [157] niddhaM maharaM palhAyaNijjaM hiyayaMgamaM aNaliyaM ca / to sehAveyavvo so khavao paNNavaMteNaM / / [158] saMbharasu suyaNa ! jaM taM majjhaMmi caThavvihassa saMghassa | bUDhA mahApaiNNA ahayaM ArAhaissAmi / / [159] arihaMta-siddha-kevalipaccakkhaM savva-saMgha-sakkhissa | paccakkhANassa kayassa bhaMjaNaM nAma ko kuNai [160] bhAluMkIe karuNaM khajjato ghoraviyaNato'vi / ArAhaNaM pavanno jhANeNa avaMtisukumAlo / / TRE1] maggillagirimmi sakosalo'vi siddhatthadaDayao bhayavaM / vagghIe khajjaMto paDivanno uttamaM alaiM / / [162] guThe pAovagao subaMdhuNA gomae paliviyammi / ijjhaMto cANakko paDivanno uttamaM aThaM / / [163] rohIDagammi sattIhao vi kuMceNa agginivadaio / taM veyaNamahiyAsiya paDivanno uttamaM aTTha / / [164] avalaMbiUNa sattaM tumaM pitA dhIra ! dhIrayaM kuNasu / bhAvesu ya negunnaM saMsAra-mahA-samudassa / / [165] jamma-jarA-maraNajalo aNAimaM vasaNasAvayAinno / jIvANa dukkhaheU, kaTheM rUddo bhavasamuddo / / / [166] dhanno'haM jeNa mae anorapAraMmi bhavasamuddammi / bhavasayasahassadulahaM laddhaM saddhammajANamiNaM / / [167] eassa pabhAveNaM pAlijjaMtassa sai payatteNaM / jammatare'vi jIvA pAvaMti na dukkha-dogaccaM / / [168] ciMtAmaNI aUvvo eamapuvvo ya kapparukkhutti / evaM paramo maMto eyaM paramAmayasaricchaM / / [dIparatnasAgara-saMzodhitaH] [11] [27|bhatapariNA]
Page #13
--------------------------------------------------------------------------
________________ gAhA-169 [169] aha maNimaMdira-suMdara-phuraMta-jinaguNa-niraMjaNujjoo / paMcanamukkArasame pANe paNao visajjei / / [170] pariNAmavisuddhIe sohamme suravaro mahiDhIo | ArAhiUNa jAyai bhattaparinnaM jahannaM so / / [171] ukkoseNaM gihattho accuyakappaMmi jAyae amaro / nivvANasuhaM pAvai sAhU savvaTThasiddhiM vA / / [172] iya joIsara jinavIra bhaddabhaNiyAnusAriNImiNamo / bhattaparinnaM dhannA paDhaMti nisaNaMti bhAveti / / [173] sattarisayaM jiNANa va gAhANaM samayakhittapannataM / ArAhato vihiNA sAsayasukkhaM lahai mokkhaM / / muni dIparatnasAgareNa saMzodhitaH sampAditazca "bhattapariNNA paiNNayaM sammattaM" 27 // "bhattapariNA-cautthaM paiNNayaM" sammataM [dIparatnasAgara-saMzodhitaH] [12] [27|bhatapariNNA]