Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH mahApaccakravANaM-taiyaM paiNNayaM muni dIparatnasAgara Date : |2012 Jain Aagam Online Series-26
Page #2
--------------------------------------------------------------------------
________________ 26 gaMthANukkamo kamaMko | visaya sutaM / gAhA aNukkamo piLaMko maMgalaM vosiraNa-khAmaNA 3- 7 niMdA-garihA Ai 8-12 8-12 bhAvaNA 13-17 13-17 micchatta-cAya, AloyaNA-pAyacchitAi 18-36 18-36 viviha-dhammovaesa-Ai 37-142 37-142 dIparatnasAgara-saMzodhitaH [26|mahApaccakkhANa
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa | 26 mahApaccakkhANaM-taiyaMpaiNNayaM | [1] esa karemi paNAmaM titthayarANaM anuttaragaINaM / savvesiM ca jiNANaM siddhANaM saMjayANaM ca / / [2] savvadukkhappahINANaM siddhANaM arahao namo / saddahe jinapannataM paccakkhAmi ya pAvagaM / / [3] jaM kiMci vi duccariyaM tamahaM niMdAmi savvabhAveNaM / samAiyaM ca tivihaM karemi savvaM nirAgAraM / / [4] bAhirabbhaMtaraM uvahiM, sarIrAdi sabhoaNaM / manasA vaya kAeNaM, savvaM tiviheNa vosire / / [5] rAga-baMdhaM paosaM ca, harisaM dInabhAvayaM / ussuattaM bhayaM sogaM, raimaraiM ca vosire / / [6] roseNa paDiniveseNa akayaNNuyAe taheva'sajjhAe / jo me kiMci vi bhaNio tamahaM tiviheNa khAmemi / / [7] khAmemi savvajIve, savve jIvA khamaMtu me | Asave vosirittANaM, samAhiM paDisaMdhae / / [8] niMdAmi niMdaNijjaM garihAmi ya jaM ca me garahaNijjaM / Aloemi ya savvaM jinehiM jaM jaM ca paDikuThaM / / [9] uvahI sarIragaM ceva, AhAraM ca cavvihaM / / mamattaM savvadavvesu, parijANAmi kevalaM / / [10] mamattaM parijANAmi, nimmamate uvaTThio / AlaMbaNaM ca me AyA, avasesaM ca vosire / / [11] AyA me jaM nANe AyA me daMsaNe carite ya / AyA paccakkhANe AyA me saMjame joge / / [12] mUlaguNe uttaraguNe je me nA''rAhiyA pamAeNaM / te savve niMdAmi paDikkame AgamissANaM / / [13] ekko'haM natthi me koI, na cA'hamavi kassaI / evaM adIna manaso, appANamanusAsae / / [14] ekko uppajjae jIvo, ekko ceva vivajjai / ekkassa hoI maraNaM, ekko sijjhai nIrao / / [15] ekko karei kamma phalama vi tassekkao samanhavai / ekko jAyai marai ya paraloaM ekkao jAi / / dIparatnasAgara-saMzodhitaH [2] [26|mahApaccakkhANa
Page #4
--------------------------------------------------------------------------
________________ gAhA-16 [16] ekko me sAsao appA, nANa daMsaNa saMjuo / sesA me bAhirA bhAvA, savve saMjoga lakkhaNA / / [17] saMjogamUlA jIveNa, pattA dukkhaparaMparA / tamhA saMjoga saMbaMdha, savvaM tiviheNa vosire / / [18] assaMjamamannANaM micchataM savvo'vi ya mamattaM / jIvesu ajIvesu ya taM niMde taM ca garihAmi / / [19] micchattaM parijANAmi savvaM assaMjamaM alIyaM ca / savvatto ya mamattaM cayAmi savvaM khamAvemi / / [20] je me jANaMti jinA avarAhA jesu jesu ThANesu / te'haM AloemI uvaTThio savvabhAveNaM / / [21] uppannA'nuppannA mAyA anumaggao nihaMtavvA / AloyaNaniMdaNagarihaNAhiM na puNa ti yA bIyaM / / [22] jaha bAlo jaMpaMto kajjamakajjaM ca ujjuyaM bhaNai / taM taha AloijjA mAyA-maya vippamukko 3 / / [23] sohI ujjuya-bhUyassa, dhammo suddhassa ciTThar3a / nivvANaM paramaM jAi, ghayasittuvva pAvae || [24] na ha sijjhaI sasallo jaha bhaNiyaM sAsane dhuyarayANaM / uddhariya savvasallo sijjhai jIvo dhuyakileso / / [25] subahaMpi bhAvasallaM je AloyaMti gurusagAsaMmi / nissallA saMthAragamuviMti ArAhagA huMti / / [26] appaM pi bhAvasallaM je nAssloyaMti gurusagAsaMmi / dhaMtaM pi suyasamiddhA na ha te ArAhagA hoti / / [27] navi taM satthaM ca visaM ca duppautto va kuNai veyAlo / jaMtaM va duppauttaM sappuvva pamAyao kuddho [28] jaM kuNai bhAvasallaM anuddhiyaM uttamaTThakAlaMmi / dullabhabohIyattaM anaMta saMsAriyataM ca / / [29] to uddharaMti gAravarahiyA mUlaM punabbhavalayANaM / micchAdasaNasallaM mAyAsallaM niyANaM ca / / [30] kayapAvo'vi manUso Aloiya niMdiya gurusagAse / hoi airega lahao ohariya bharuvva bhAravaho / / [31] tassa ya pAyacchitaM jaM magagaviU guru uvaisati / taM taha anusariyavvaM anavattha pasaMgabhIeNaM / / [32] dasadosavippamukkaM tamhA savvaM agUhamANeNaM / jaM kiMpi kayamakkajaM taM jahavattaM kaheyavvaM / / dIparatnasAgara-saMzodhitaH [3] [26|mahApaccakkhANa
Page #5
--------------------------------------------------------------------------
________________ gAhA-33 [33] savvaM pANAraMbhaM paccakkhAmi ya aliyavayaNaM ca / savvamadinnAdANaM abbaMbha pariggahaM ceva / / [34] savvaM pi asanapAnaM caThavvihaM jo ya bAhiro uvahI / abhiMtaraM ca uvahiM savvaM tiviheNa vosire || [35] kaMtAre bhikkhe AyaMke va mahayA samuppanne / jaM pAliyaM na bhaggaM taM jANasu pAlanAsuddhaM / / [36] rAgeNa va doseNa va pariNAmeNa va na dUsiyaM jaM tu | taM khalu paccakkhANaM bhAvavisuddhaM muNeyavvaM / / [37] pIyaM thaNayacchIraM sAgarasalilAu bahutaraM hujjA | saMsAraMmi anaMte mAINaM annamannANaM / / [38] bahuso'vi mae ruNNaM puNo puNo tAsu tAsu jAIsu / nayanodayaM pi jANasu bahuyayaraM sAgarajalAo / / [39] natthi kira so paeso loe vAlaggakoDimitto'vi | saMsAre saMsaraMto jattha na jAo mao vA vi [40] culasII kila loe joNIpamuhAI sayasahassAI / ekkekkaMmi ya eto anaMtakhutto samuppanno / / [41] uDDhamahe tiriyaMmi ya mayAI bayAI bAlamaraNAI / to tAI saMbharaMto paMDiyamaraNaM marIhAmi / / [42] mAyA mitti piyA me bhAyA bhaginI ya puta dhUyA ya / eyAiM asaMbharaMto paMDiyamaraNaM marIhAmi / / [43] mAyA pii baMdhUhiM saMsAratthehiM pUrio logo / bahujoNivAsiehiM na ya te tANaM ca saraNaM ca / / [44] ekko karei kamma ekko anuhavai dukkayavivAgaM | ekko saMsarai jio jara maraNa cauggaIguvilaM / / [45] uvveyaNayaM jammaNa maraNaM naraesu veyaNAo vA / eyAI saMbharaMto paMDiyamaraNaM marIhAmi || [46] uvveyaNayaM jammaNa maraNaM tiriesa veyaNAo vA / eyAI saMbharaMto paMDiyamaraNaM marIhAmi / / [47] uvveyaNayaM jammaNamaraNaM manuesu veyaNAo / eyAI saMbharaMto paMDiyamaraNaM marihAmi / / [48] uvveyaNayaM jammaNa maraNaM cavaNaM ca devalogAo / eyAiM saMbharaMto paMDiyamaraNaM marihAmi / / [49] ekkaM paMDiyamaraNaM chiMdai jAI sayAI baha yAI / taM maraNaM mariyavvaM jeNa mao sammao hoi / / dIparatnasAgara-saMzodhitaH [26|mahApaccakkhANa
Page #6
--------------------------------------------------------------------------
________________ gAhA-50 ? || sAccatA jAtA [50] kaiyA Nu taM sumaraNaM paMDiyamaraNaM jinehiM paNNataM / suddho uddhiyasallo pAovagao marIhAmi [51] bhavasaMsAre savve cavvihA poggalA mae baddhA / pariNAmapasaMgeNaM aThavihe kammasaMghAe || [52] saMsAracakkavAle savve te puggalA mae bahaso | AhAriyA ya pariNAmiyA ya na ya'haM gao tittiM [53] AhAranimitteNaM ahayaM savvesu narayaloesu / uvavannomi ya bahuso savvAsu ya micchajAIsu / / [54] AhAranimitteNaM macchA gacchati dArUNe narae | saccitto AhAro na khamo manasA vi pattheuM / / [55] taNa kaTTeNa va aggI lavaNajallo vA naIsahassehiM / na imo jIvo sakko tippeu~ kAmabhogehiM [56] taNakaTTeNa va aggI lavaNajallo vA naIsahassehiM / na imo jIvo sakko tippeThaM atthasAreNaM / / [57] taNa kaTTeNa va aggI lavaNajallo vA naI sahassehiM / na imo jIvo sakke tippeTha bhoaNavihIe / / [58] valayAmuhasAmANo duppAro va narao aparimejjo / na imo jIvo sakko tappeThaM gaMdhamallehiM / / [59] aviyaddho'yaM jIvo aIyakAlammi AgamissAe / saddANa ya rUvANa ya gaMdhANa rasANa phAsANaM / / [60] kappataru saMbhavesu devuttarakuruvaMsa ppasUesu / uvavAeNa ya tito na ya naravijjAhara suresu / / [61] khaieNa va pIeNa va na ya eso tAio havai appA / ____jaha duggaiM na vaccai to nUnaM tAio hoi [62] deviMdacakkavaTTitaNAI rajjAiM uttamA bhogA | patto anaMtakhutto na ya'haM tittiM gao tehiM / / [63] khIradagecchurasesuM sAUsu mahodahIsu bahuso'vi / uvavanno na ya taNhA chinnA me sIyalajaleNaM [64] tiviheNa ya suhamaThalaM tamhA kAmaraivisayasokkhANaM / bahuso suhamanubhUyaM na ya suhataNhA paricchinnA / / [65] jA kAi patthaNAo kayA mae rAga dosavasaeNa / paDibaMdheNa bahuvihaM taM niMde taM ca garihAmi / / [66] haMtUNa mohajAlaM chettUNa ya aTThakammasaMkaliyaM / jammaNamaraNa'rahaTTa bhettUNa bhavAo vimuccihisi / / dIparatnasAgara-saMzodhitaH [5] [26|mahApaccakkhANa
Page #7
--------------------------------------------------------------------------
________________ gAhA-67 [ 67 ] paMca ya mahavvayAiM tivihaM tiviheNa cArUheuNaM / mana vaya kAyagutto sajjo maraNaM paDicchijjA / / [68] kohaM mAnaM mAyaM lohaM pijjaM taheva dosaM ca / caiUNa appamatto rakkhAmi mahatvae paMca || [69] kalahaM abbhakkhANaM pesunnaM pi ya parassa parivAyaM / parivajjaMto gutto rakkhAmi mahatvae paMca // [70] paMciMdiyasaMvaraNaM paMceva nirUbhiUNa kAmaguNe | accAsAyaNabhIo rakkhAmi mahavvae paMca || [71] kiNhA nIlA kAU lesA jhANAI aTTa ruvAI | parivajjaMto gutto rakkhAmi mahatvae paMca || [72] teU pamhA sukkA lesA jhANAiM dhamma sukkaI / uvasaMpanno jutto rakkhAmi mahatvae paMca || [73] manasA maNasaccaviU vAyAsacceNa karaNasacceNa / tiviheNavi saccaviU rakkhAmi mahatvae paMca || [74] sattabhayavippamukko cattAri niraMbhiUNa ya kasAe / aTThamayaTThANajaDho rakkhAmi mahatvae paMca || [ 75 ] guttIo samiI bhAvanAo nANaM ca daMsaNaM ceva / uvasaMpanno jutto rakkhAmi mahAvvae paMca || [76] evaM tidaMDavirao tikaraNasuddho tisallanissallo / tiviheNa appamatto rakkhAmi mahavvae paMca || [77] saMgaM parijANAmi sallaM tiviheNa uddhareUNaM / guttao samiIo majjhaM tANaM ca saraNaM ca / / [78] jaha khuhiyaM cakkavAle poyaM rayaNabhariyaM samumi / nijjAmagA dhareMtI kayakaraNA buddhisaMpannA || [79] tavapoyaM guNabhariyaM parIsahummIhiM khuhiumAraddhaM / taha ArAhiMti viU uvaesa'valaMbagA dhIrA || [80] jai tAva te supurisA AyAroviyabharA niravayakkhA / pabbhAra kaMdaragayA sAhaMtI appaNo aTTha / / [81] jai tAva te supurisA girikaMdarakaDagavisamadugge / dhiidhaNiyabaddhakacchA sAhiMtI appaNo aThThe || [82] kiM puna anagArasahAyageNa annonnasaMgahabaleNaM / paraloe NaM sakko sAheuM appaNo aTTha [83] jinavayaNamappameyaM mahuraM kaNNAhuiM suNaMteNaM / sakko hu sAhumajjhe sAheThaM appaNo aTThaM / / [dIparatnasAgara-saMzodhitaH] [6] ? 11 [26] mahApaccakkhANaM]
Page #8
--------------------------------------------------------------------------
________________ gAhA 84 [84] dhIrapurisapannattaM sappurisaniseviyaM paramaghoraM / dhannA silAyalagayA sAhiMtI appaNo aThThe || [85] bAhiMti iMdiyAiM puvvamakAriyapaiNNacArINaM / akayaparikamma kIvA maraNe suha saMgatAyaMmi / / [86] puvvamakAriyajogo samAhikAmo ya maraNakAlaMmi / na bhavai parIsahaso visayasuhasamuio appA / / [87] puvviM kAriyajogo samAhikAmo ya maraNakAlaMmi / sa bhavai parIsahasaho visayasuhanivArio appA [88] puvviM kAriyajogo aniyANo IhiUNa ivvaM / tAhe maliyakasAo sajjo maraNaM paDicchijjA / / [89] pAvINa pAvANaM kammANaM appaNo sakammANaM / sakkA palAi je taveNa sammaM paThatteNaM // [90] ekkaM paMDiyamaraNaM paDivajjiya supuriso asaMbhaMto / khippaM so maraNANaM kAhI aMtaM anaMtANaM // [91] kiM taM paMDiyamaraNaM ? kAni va AlaMbaNANi bhaNiyANi eyAI nAUNaM kiM AyariyA pasaMsaMti [92] anasanapAovagamaM AlaMbaNa jhANa bhAvanAo a / eyAiM nAUNaM paMDiyamaraNaM pasaMsaMti / / [93] iMdiyasuhasAulao ghoraparIsaha parAiya parajjho / akayaparikamma kIvo mujjhai ArAhaNAkAle / / [94] lajjAi gAraveNa ya bahusuyamaeNa vA vi duccariyaM / jena haMti gurUNaM na hu AhA huMti / / [95] sujjhai dukkarakArI jANai maggaMti pAvae kitiM / anigUhiMto niMdai tamhA ArAhaNA seyA / / [96] na vi kAraNaM taNamao saMthAro navi ya phAsuyA bhUmI / appA khalu saMthAro hoi visuddhaM mano jassa [97] jinavayaNa anugayA me hou maI jhANajogamallINA / jaha taMmi desakAle amUDhasanno cayai dehaM || [98] jAhe hoi pamatto jinavayaNarahio anAutto / tAhe iMdiyacorA kariMti tava saMjamavilovaM / / [99] jinavayaNamanugayamaI jaM velaM hoi saMvarapaviTTho / aggIva vAusahio samUlaDAlaM Dahai kammaM // [100] jaha Dahai vAusahio aggI rukkhe vihariya vanakhaMDe | taha purisakArasahio nANI kammaM khayaM neI [dIparatnasAgara-saMzodhitaH] [7] ? / / ? | || || || [26] mahApaccakkhANaM]
Page #9
--------------------------------------------------------------------------
________________ gAhA-101 [101] jaM annANI kamma khavei bahaAhiM vAsakoDIhiM / taM nANI tihiM gutto khavei UsAsamitteNaM / / [102] na hu maraNaMmi uvagge sakko bArasaviho suyakkhaMdho / savvo anuciMte dhaNiyaMpi samatthacitteNaM / / [103] ekkaMmi vi jaMmi pae saMvegaM kuNai vIyarAyamae / so tena mohajAlaM chiMdai ajjhappaogeNaM / / [104] ekkaMmi vi jaMmi pae saMvegaM kuNai vIyarAyamae / taM tassa hoi nANaM jeNa virAgattaNamuvei / / [105] ekkaMmi vi jaMmi pae saMvegaM kuNai vIyarAyamae / vaccai naro abhikkhaM taM maraNaM teNa mariyavvaM / / [106] jeNa virAgo jAyai taM taM savvAyareNa kAyavvaM / muccai ha saMvegI anaMtao hoi saMvegI / / [107] dhamma jinapannataM sammamiNaM saddahAmi tiviheNaM / tasa thAvara bhUyahiyaM paMthaM nivvANa nagarassa / / [108] samaNo mitti ya paDhamaM bIyaM savvattha saMjao mi ti / savvaM ca vosirAmi jinehiM jaM jaM ca paDikuThaM / / [109] uvahI sarIragaM ceva, AhAraM ca cavvihaM / / manasA vaya kAeNaM, vosirAmi ti bhAvao / / [110] manasA aciMtaNijjaM savvaM bhAsAi abhAsaNijjaM ca / kAeNa akaraNijjaM savvaM tiviheNa vosire [111] assaMjamattogasaNaM uvahI vivegakaraNaM uvasamo ya / ___ appaDirUvajogavirao khaMtI muttI vivego ya / / [112] eyaM paccakkhANaM ATharajana AvaIsu bhAveNa / ___ annayaraM paDivaNNo jaMpato pAvai samAhiM / / [113] eyaMsi nimittaMmI paccakkhAUNa jai kare kAlaM / to paccakhAiyavvaM imeNa ikkeNa vi paeNaM / / [114] mama maMgalamarihaMtA siddhA sAhU suyaM ca dhammo ya / tesiM saraNovagao sAvajjaM vosirAmi ti / / [115] arahaMtA maMgalaM majjha, arahaMtA majjha devayA / arahaMte kittaitANaM, vosirAmi tti pAvagaM / / [116] siddhA ya maMgalaM majjha, siddhA ya majjha devayA / siddhe ya kittaittANaM vosirAmi ti pAvagaM / / [117] AyariyA maMgalaM majjha AyariyA majjha devayA / Ayarie kittaittANaM vosirAmi ti pAvagaM / / dIparatnasAgara-saMzodhitaH [8] [26|mahApaccakkhANa
Page #10
--------------------------------------------------------------------------
________________ gAhA-118 ?, || ?, || [118] ujjhAyA maMgalaM majjha, ujjhAyA majjha devayA / ujjhAe kittaittANaM vosirAmi ti pAvagaM / / [119] sAhUya ya maMgalaM majjha, sAha ya majjha devayA / sAhU ya kittaittANaM vosirAmi ti pAvagaM / / [120] siddhe uvasaMpanno arahaMte kevalitti bhAveNaM / eto egayareNa vi paeNa ArAhao hoi / / [121] samuiNNaveyaNao puna samaNo hiyaeNa kiM pi ciMtijjA | AlaMbaNAI kAiM kAUNa munI duhaM sahai [122] veyaNAsu uinnAsu, kiM me sattaM niveyae | kiM vA''laMbaNaM kiccA, taM dukkhamahiyAsae [123] anuttaresu naraesu, veyaNAo anuttarA / pamAe vaTTamANeNaM, mae pattA anaMtaso / / [124] mae kayaM imaM kamma, samAsajja abohiyaM / porANagaM imaM kamma, mae pattaM anaMtaso / / [125] tAhiM dukkhavivAgAhiM, uvaciNNAhiM tahiM tahiM / na ya jIvo ajIvo u, kayapuvvo 3 ciMtae || [126] abbhujjayaM vihAraM itthaM jinaesiyaM viupasatthaM / nAuM mahApurisa seviyaM ca abbhujjayaM maraNaM / / [127] jaha pacchimaMmi kAle pacchima titthayaradesiyamayAraM / pacchA nicchayapatthaM uvemi abbhujjayaM maraNaM [128] battIsa maMDiyAhiM kaDajogI jogasaMgahabaleNaM / ujjamiUNa ya bArasaviheNa tavanehapANeNaM / / [129] saMsAraraMgamajjhe dhii-bala-vavasAya-baddha-kacchAo / haMtUNa mohamallaM harAhi ArAhaNa-paDAgaM / / [130] porANagaM ca kamma khavei annaM navaM ca na ciNAi / kammakalaMkalavalliM chiMdai saMthAramArUDho || [131] ArAhaNovautto sammaM kAUNa suvihio kAlaM / ukkosaM tinni bhave gaMtUNa labhijja nivvANaM / / [132] dhIrapurisapannataM sappurisa-niseviyaM paramaghoraM / oiNNo ha si raMga harasa paDAyaM aviggheNaM / / / [133] dhIra ! paDAgAharaNaM kareha jaha taMmi desakAlaMmi / sutta'tthamanuguNaMto dhii-niccala-baddha-kacchAo / / [134] catAri kasAe tinni gArave paMca iMdiyaggAme / haMtA parIsaha-camUM harAhi ArAhaNa-paDAgaM / / dIparatnasAgara-saMzodhitaH [9 [26|mahApaccakkhANa
Page #11
--------------------------------------------------------------------------
________________ gAhA-135 jinaka [135] mA''yA bahu va ciMtijjA jIvAmi ciraM marAmi va lahuMti / jai icchasi tariThaM je saMsAramahoyahimapAraM / / [136] jai icchasi nitthariThaM savvesiM ceva pAvakammANaM / jinavayaNa-nANa-daMsaNa-caritta-bhAvujjuo jagga / / [137) daMsaNa-nANa-caritaM tave ya ArAhaNA caukkhaMdhA / sA ceva hoi tivihA ukkosA majjhima jahannA / / [138] ArAheUNa viU ukkosArAhaNaM caukkhaMdhaM / kammaraya vippamukko teNeva bhaveNa sijjhijjA / / [139] ArAheUNa viU jahannamArAhaNaM caukkhaMdhaM / satta'TThabhavaggahaNaM pariNAmeUNa sijjhijjA / / [140] samma me savvabhUesu, veraM majjhaM na keNaI / khAmemi savvajIve, khamAmi'haM savvajIvANaM / / / [141] dhIreNa vi mariyavvaM kAuriseNa vi avassa mariyavvaM / duNhaMpi ya maraNANaM varaM khu dhIrattaNe mariThaM / / [142] eyaM paccakkhANaM anupAleUNa suvihio samma / vemANio va devo havijja ahavA vi sijjhijjA muni dIparatnasAgareNa saMzodhitaH sampAditazca "mahApaccakkhANaM paiNNayaM sammattaM" "mahApaccakkhANaM-taiyaM paiNNayaM' sammataM [dIparatnasAgara-saMzodhitaH [10] [26/mahApaccakkhANa)