Page #1
--------------------------------------------------------------------------
________________
नमो नमो निम्मलदसणस्स पू. आनंद-क्षमा-ललित-सुशील-सुधर्मसागर गुरूभ्यो नमः
महापच्चक्रवाणं-तइयं पइण्णयं
मुनि दीपरत्नसागर
Date : |2012
Jain Aagam Online Series-26
Page #2
--------------------------------------------------------------------------
________________
२६ गंथाणुक्कमो
कमंको
|
विसय
सुतं ।
गाहा
अणुक्कमो पिळंको
मंगलं
वोसिरण-खामणा
3-
७
निंदा-गरिहा आइ
८-१२
८-१२
भावणा
१३-१७
१३-१७
मिच्छत्त-चाय,
आलोयणा-पायच्छिताइ
१८-३६
१८-३६
विविह-धम्मोवएस-आइ
३७-१४२
३७-१४२
दीपरत्नसागर-संशोधितः
[२६|महापच्चक्खाण
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
नमो नमो निम्मलदंसणस्स
ॐ ह्रीं नमो पवयणस्स
| २६ महापच्चक्खाणं-तइयंपइण्णयं |
[१] एस करेमि पणामं तित्थयराणं अनुत्तरगईणं ।
सव्वेसिं च जिणाणं सिद्धाणं संजयाणं च ।। [२] सव्वदुक्खप्पहीणाणं सिद्धाणं अरहओ नमो ।
सद्दहे जिनपन्नतं पच्चक्खामि य पावगं ।। [३] जं किंचि वि दुच्चरियं तमहं निंदामि सव्वभावेणं ।
समाइयं च तिविहं करेमि सव्वं निरागारं ।। [४] बाहिरब्भंतरं उवहिं, सरीरादि सभोअणं ।
मनसा वय काएणं, सव्वं तिविहेण वोसिरे ।। [५] राग-बंधं पओसं च, हरिसं दीनभावयं ।
उस्सुअत्तं भयं सोगं, रइमरइं च वोसिरे ।। [६] रोसेण पडिनिवेसेण अकयण्णुयाए तहेवऽसज्झाए ।
जो मे किंचि वि भणिओ तमहं तिविहेण खामेमि ।। [७] खामेमि सव्वजीवे, सव्वे जीवा खमंतु मे |
आसवे वोसिरित्ताणं, समाहिं पडिसंधए ।। [८] निंदामि निंदणिज्जं गरिहामि य जं च मे गरहणिज्जं ।
आलोएमि य सव्वं जिनेहिं जं जं च पडिकुठं ।। [९] उवही सरीरगं चेव, आहारं च चव्विहं ।।
ममत्तं सव्वदव्वेसु, परिजाणामि केवलं ।। [१०] ममत्तं परिजाणामि, निम्ममते उवट्ठिओ ।
आलंबणं च मे आया, अवसेसं च वोसिरे ।। [११] आया मे जं नाणे आया मे दंसणे चरिते य ।
आया पच्चक्खाणे आया मे संजमे जोगे ।। [१२] मूलगुणे उत्तरगुणे जे मे नाऽऽराहिया पमाएणं ।
ते सव्वे निंदामि पडिक्कमे आगमिस्साणं ।। [१३] एक्कोऽहं नत्थि मे कोई, न चाऽहमवि कस्सई ।
एवं अदीन मनसो, अप्पाणमनुसासए ।। [१४] एक्को उप्पज्जए जीवो, एक्को चेव विवज्जइ ।
एक्कस्स होई मरणं, एक्को सिज्झइ नीरओ ।। [१५] एक्को करेइ कम्म फलम वि तस्सेक्कओ समन्हवइ ।
एक्को जायइ मरइ य परलोअं एक्कओ जाइ ।।
दीपरत्नसागर-संशोधितः
[2]
[२६|महापच्चक्खाण
Page #4
--------------------------------------------------------------------------
________________
गाहा-१६
[१६] एक्को मे सासओ अप्पा, नाण दंसण संजुओ ।
सेसा मे बाहिरा भावा, सव्वे संजोग लक्खणा ।। [१७] संजोगमूला जीवेण, पत्ता दुक्खपरंपरा ।
तम्हा संजोग संबंध, सव्वं तिविहेण वोसिरे ।। [१८] अस्संजममन्नाणं मिच्छतं सव्वोऽवि य ममत्तं ।
जीवेसु अजीवेसु य तं निंदे तं च गरिहामि ।। [१९] मिच्छत्तं परिजाणामि सव्वं अस्संजमं अलीयं च ।
सव्वत्तो य ममत्तं चयामि सव्वं खमावेमि ।। [२०] जे मे जाणंति जिना अवराहा जेसु जेसु ठाणेसु ।
तेऽहं आलोएमी उवट्ठिओ सव्वभावेणं ।। [२१] उप्पन्नाऽनुप्पन्ना माया अनुमग्गओ निहंतव्वा ।
आलोयणनिंदणगरिहणाहिं न पुण ति या बीयं ।। [२२] जह बालो जंपंतो कज्जमकज्जं च उज्जुयं भणइ ।
तं तह आलोइज्जा माया-मय विप्पमुक्को 3 ।। [२३] सोही उज्जुय-भूयस्स, धम्मो सुद्धस्स चिट्ठड़ ।
निव्वाणं परमं जाइ, घयसित्तुव्व पावए || [२४] न ह सिज्झई ससल्लो जह भणियं सासने धुयरयाणं ।
उद्धरिय सव्वसल्लो सिज्झइ जीवो धुयकिलेसो ।। [२५] सुबहंपि भावसल्लं जे आलोयंति गुरुसगासंमि ।
निस्सल्ला संथारगमुविंति आराहगा हुंति ।। [२६] अप्पं पि भावसल्लं जे नाssलोयंति गुरुसगासंमि ।
धंतं पि सुयसमिद्धा न ह ते आराहगा होति ।। [२७] नवि तं सत्थं च विसं च दुप्पउत्तो व कुणइ वेयालो ।
जंतं व दुप्पउत्तं सप्पुव्व पमायओ कुद्धो [२८] जं कुणइ भावसल्लं अनुद्धियं उत्तमट्ठकालंमि ।
दुल्लभबोहीयत्तं अनंत संसारियतं च ।। [२९] तो उद्धरंति गारवरहिया मूलं पुनब्भवलयाणं ।
मिच्छादसणसल्लं मायासल्लं नियाणं च ।। [३०] कयपावोऽवि मनूसो आलोइय निंदिय गुरुसगासे ।
होइ अइरेग लहओ ओहरिय भरुव्व भारवहो ।। [३१] तस्स य पायच्छितं जं मगगविऊ गुरु उवइसति ।
तं तह अनुसरियव्वं अनवत्थ पसंगभीएणं ।। [३२] दसदोसविप्पमुक्कं तम्हा सव्वं अगूहमाणेणं ।
जं किंपि कयमक्कजं तं जहवत्तं कहेयव्वं ।।
दीपरत्नसागर-संशोधितः
[3]
[२६|महापच्चक्खाण
Page #5
--------------------------------------------------------------------------
________________
गाहा-३३
[३३] सव्वं पाणारंभं पच्चक्खामि य अलियवयणं च ।
सव्वमदिन्नादाणं अब्बंभ परिग्गहं चेव ।। [३४] सव्वं पि असनपानं चठव्विहं जो य बाहिरो उवही ।
अभिंतरं च उवहिं सव्वं तिविहेण वोसिरे || [३५] कंतारे भिक्खे आयंके व महया समुप्पन्ने ।
जं पालियं न भग्गं तं जाणसु पालनासुद्धं ।। [३६] रागेण व दोसेण व परिणामेण व न दूसियं जं तु |
तं खलु पच्चक्खाणं भावविसुद्धं मुणेयव्वं ।। [३७] पीयं थणयच्छीरं सागरसलिलाउ बहुतरं हुज्जा |
संसारंमि अनंते माईणं अन्नमन्नाणं ।। [३८] बहुसोऽवि मए रुण्णं पुणो पुणो तासु तासु जाईसु ।
नयनोदयं पि जाणसु बहुययरं सागरजलाओ ।। [३९] नत्थि किर सो पएसो लोए वालग्गकोडिमित्तोऽवि |
संसारे संसरंतो जत्थ न जाओ मओ वा वि [४०] चुलसीई किल लोए जोणीपमुहाई सयसहस्साई ।
एक्केक्कंमि य एतो अनंतखुत्तो समुप्पन्नो ।। [४१] उड्ढमहे तिरियंमि य मयाई बयाई बालमरणाई ।
तो ताई संभरंतो पंडियमरणं मरीहामि ।। [४२] माया मित्ति पिया मे भाया भगिनी य पुत धूया य ।
एयाइं असंभरंतो पंडियमरणं मरीहामि ।। [४३] माया पिइ बंधूहिं संसारत्थेहिं पूरिओ लोगो ।
बहुजोणिवासिएहिं न य ते ताणं च सरणं च ।। [४४] एक्को करेइ कम्म एक्को अनुहवइ दुक्कयविवागं |
एक्को संसरइ जिओ जर मरण चउग्गईगुविलं ।। [४५] उव्वेयणयं जम्मण मरणं नरएसु वेयणाओ वा ।
एयाई संभरंतो पंडियमरणं मरीहामि || [४६] उव्वेयणयं जम्मण मरणं तिरिएस वेयणाओ वा ।
एयाई संभरंतो पंडियमरणं मरीहामि ।। [४७] उव्वेयणयं जम्मणमरणं मनुएसु वेयणाओ ।
एयाई संभरंतो पंडियमरणं मरिहामि ।। [४८] उव्वेयणयं जम्मण मरणं चवणं च देवलोगाओ ।
एयाइं संभरंतो पंडियमरणं मरिहामि ।। [४९] एक्कं पंडियमरणं छिंदइ जाई सयाई बह याई ।
तं मरणं मरियव्वं जेण मओ सम्मओ होइ ।।
दीपरत्नसागर-संशोधितः
[२६|महापच्चक्खाण
Page #6
--------------------------------------------------------------------------
________________
गाहा-५०
? ||
साच्चता जाता
[५०] कइया णु तं सुमरणं पंडियमरणं जिनेहिं पण्णतं ।
सुद्धो उद्धियसल्लो पाओवगओ मरीहामि [५१] भवसंसारे सव्वे चव्विहा पोग्गला मए बद्धा ।
परिणामपसंगेणं अठविहे कम्मसंघाए || [५२] संसारचक्कवाले सव्वे ते पुग्गला मए बहसो |
आहारिया य परिणामिया य न यऽहं गओ तित्तिं [५३] आहारनिमित्तेणं अहयं सव्वेसु नरयलोएसु ।
उववन्नोमि य बहुसो सव्वासु य मिच्छजाईसु ।। [५४] आहारनिमित्तेणं मच्छा गच्छति दारूणे नरए |
सच्चित्तो आहारो न खमो मनसा वि पत्थेउं ।। [५५] तण कट्टेण व अग्गी लवणजल्लो वा नईसहस्सेहिं ।
न इमो जीवो सक्को तिप्पेउँ कामभोगेहिं [५६] तणकट्टेण व अग्गी लवणजल्लो वा नईसहस्सेहिं ।
न इमो जीवो सक्को तिप्पेठं अत्थसारेणं ।। [५७] तण कट्टेण व अग्गी लवणजल्लो वा नई सहस्सेहिं ।
न इमो जीवो सक्के तिप्पेठ भोअणविहीए ।। [५८] वलयामुहसामाणो दुप्पारो व नरओ अपरिमेज्जो ।
न इमो जीवो सक्को तप्पेठं गंधमल्लेहिं ।। [५९] अवियद्धोऽयं जीवो अईयकालम्मि आगमिस्साए ।
सद्दाण य रूवाण य गंधाण रसाण फासाणं ।। [६०] कप्पतरु संभवेसु देवुत्तरकुरुवंस प्पसूएसु ।
उववाएण य तितो न य नरविज्जाहर सुरेसु ।। [६१] खइएण व पीएण व न य एसो ताइओ हवइ अप्पा ।
____जह दुग्गइं न वच्चइ तो नूनं ताइओ होइ [६२] देविंदचक्कवट्टितणाई रज्जाइं उत्तमा भोगा |
पत्तो अनंतखुत्तो न यऽहं तित्तिं गओ तेहिं ।। [६३] खीरदगेच्छुरसेसुं साऊसु महोदहीसु बहुसोऽवि ।
उववन्नो न य तण्हा छिन्ना मे सीयलजलेणं [६४] तिविहेण य सुहमठलं तम्हा कामरइविसयसोक्खाणं ।
बहुसो सुहमनुभूयं न य सुहतण्हा परिच्छिन्ना ।। [६५] जा काइ पत्थणाओ कया मए राग दोसवसएण ।
पडिबंधेण बहुविहं तं निंदे तं च गरिहामि ।। [६६] हंतूण मोहजालं छेत्तूण य अट्ठकम्मसंकलियं ।
जम्मणमरणऽरहट्ट भेत्तूण भवाओ विमुच्चिहिसि ।।
दीपरत्नसागर-संशोधितः
[5]
[२६|महापच्चक्खाण
Page #7
--------------------------------------------------------------------------
________________
गाहा-६७
[ ६७ ] पंच य महव्वयाइं तिविहं तिविहेण चारूहेउणं । मन वय कायगुत्तो सज्जो मरणं पडिच्छिज्जा ।। [६८] कोहं मानं मायं लोहं पिज्जं तहेव दोसं च ।
चइऊण अप्पमत्तो रक्खामि महत्वए पंच || [६९] कलहं अब्भक्खाणं पेसुन्नं पि य परस्स परिवायं । परिवज्जंतो गुत्तो रक्खामि महत्वए पंच ॥ [७०] पंचिंदियसंवरणं पंचेव निरूभिऊण कामगुणे | अच्चासायणभीओ रक्खामि महव्वए पंच || [७१] किण्हा नीला काऊ लेसा झाणाई अट्ट रुवाई | परिवज्जंतो गुत्तो रक्खामि महत्वए पंच || [७२] तेऊ पम्हा सुक्का लेसा झाणाइं धम्म सुक्कई । उवसंपन्नो जुत्तो रक्खामि महत्वए पंच || [७३] मनसा मणसच्चविऊ वायासच्चेण करणसच्चेण । तिविहेणवि सच्चविऊ रक्खामि महत्वए पंच || [७४] सत्तभयविप्पमुक्को चत्तारि निरंभिऊण य कसाए । अट्ठमयट्ठाणजढो रक्खामि महत्वए पंच || [ ७५ ] गुत्तीओ समिई भावनाओ नाणं च दंसणं चेव । उवसंपन्नो जुत्तो रक्खामि महाव्वए पंच || [७६] एवं तिदंडविरओ तिकरणसुद्धो तिसल्लनिस्सल्लो । तिविहेण अप्पमत्तो रक्खामि महव्वए पंच || [७७] संगं परिजाणामि सल्लं तिविहेण उद्धरेऊणं । गुत्तओ समिईओ मज्झं ताणं च सरणं च ।। [७८] जह खुहियं चक्कवाले पोयं रयणभरियं समुमि । निज्जामगा धरेंती कयकरणा बुद्धिसंपन्ना || [७९] तवपोयं गुणभरियं परीसहुम्मीहिं खुहिउमारद्धं । तह आराहिंति विऊ उवएसऽवलंबगा धीरा || [८०] जइ ताव ते सुपुरिसा आयारोवियभरा निरवयक्खा । पब्भार कंदरगया साहंती अप्पणो अट्ठ ।। [८१] जइ ताव ते सुपुरिसा गिरिकंदरकडगविसमदुग्गे । धिइधणियबद्धकच्छा साहिंती अप्पणो अठ्ठे || [८२] किं पुन अनगारसहायगेण अन्नोन्नसंगहबलेणं । परलोए णं सक्को साहेउं अप्पणो अट्ठ [८३] जिनवयणमप्पमेयं महुरं कण्णाहुइं सुणंतेणं । सक्को हु साहुमज्झे साहेठं अप्पणो अट्ठं ।।
[दीपरत्नसागर-संशोधितः]
[6]
? 11
[२६] महापच्चक्खाणं]
Page #8
--------------------------------------------------------------------------
________________
गाहा ८४
[८४] धीरपुरिसपन्नत्तं सप्पुरिसनिसेवियं परमघोरं । धन्ना सिलायलगया साहिंती अप्पणो अठ्ठे || [८५] बाहिंति इंदियाइं पुव्वमकारियपइण्णचारीणं ।
अकयपरिकम्म कीवा मरणे सुह संगतायंमि ।। [८६] पुव्वमकारियजोगो समाहिकामो य मरणकालंमि ।
न भवइ परीसहसो विसयसुहसमुइओ अप्पा ।। [८७] पुव्विं कारियजोगो समाहिकामो य मरणकालंमि ।
स भवइ परीसहसहो विसयसुहनिवारिओ अप्पा [८८] पुव्विं कारियजोगो अनियाणो ईहिऊण इव्वं ।
ताहे मलियकसाओ सज्जो मरणं पडिच्छिज्जा ।। [८९] पावीण पावाणं कम्माणं अप्पणो सकम्माणं ।
सक्का पलाइ जे तवेण सम्मं पठत्तेणं ॥ [९०] एक्कं पंडियमरणं पडिवज्जिय सुपुरिसो असंभंतो । खिप्पं सो मरणाणं काही अंतं अनंताणं ॥ [९१] किं तं पंडियमरणं
? कानि व आलंबणाणि भणियाणि एयाई नाऊणं किं आयरिया पसंसंति [९२] अनसनपाओवगमं आलंबण झाण भावनाओ अ । एयाइं नाऊणं पंडियमरणं पसंसंति ।। [९३] इंदियसुहसाउलओ घोरपरीसह पराइय परज्झो । अकयपरिकम्म कीवो मुज्झइ आराहणाकाले ।। [९४] लज्जाइ गारवेण य बहुसुयमएण वा वि दुच्चरियं । जेन हंति गुरूणं न हु आहा हुंति ।। [९५] सुज्झइ दुक्करकारी जाणइ मग्गंति पावए कितिं । अनिगूहिंतो निंदइ तम्हा आराहणा सेया ।। [९६] न वि कारणं तणमओ संथारो नवि य फासुया भूमी । अप्पा खलु संथारो होइ विसुद्धं मनो जस्स
[९७] जिनवयण अनुगया मे होउ मई झाणजोगमल्लीणा । जह तंमि देसकाले अमूढसन्नो चयइ देहं || [९८] जाहे होइ पमत्तो जिनवयणरहिओ अनाउत्तो ।
ताहे इंदियचोरा करिंति तव संजमविलोवं ।। [९९] जिनवयणमनुगयमई जं वेलं होइ संवरपविट्ठो । अग्गीव वाउसहिओ समूलडालं डहइ कम्मं ॥ [१००] जह डहइ वाउसहिओ अग्गी रुक्खे विहरिय वनखंडे | तह पुरिसकारसहिओ नाणी कम्मं खयं नेई
[दीपरत्नसागर-संशोधितः]
[7]
? ।।
? |
||
||
||
[२६] महापच्चक्खाणं]
Page #9
--------------------------------------------------------------------------
________________
गाहा-१०१
[१०१] जं अन्नाणी कम्म खवेइ बहआहिं वासकोडीहिं ।
तं नाणी तिहिं गुत्तो खवेइ ऊसासमित्तेणं ।। [१०२] न हु मरणंमि उवग्गे सक्को बारसविहो सुयक्खंधो ।
सव्वो अनुचिंते धणियंपि समत्थचित्तेणं ।। [१०३] एक्कंमि वि जंमि पए संवेगं कुणइ वीयरायमए ।
सो तेन मोहजालं छिंदइ अज्झप्पओगेणं ।। [१०४] एक्कंमि वि जंमि पए संवेगं कुणइ वीयरायमए ।
तं तस्स होइ नाणं जेण विरागत्तणमुवेइ ।। [१०५] एक्कंमि वि जंमि पए संवेगं कुणइ वीयरायमए ।
वच्चइ नरो अभिक्खं तं मरणं तेण मरियव्वं ।। [१०६] जेण विरागो जायइ तं तं सव्वायरेण कायव्वं ।
मुच्चइ ह संवेगी अनंतओ होइ संवेगी ।। [१०७] धम्म जिनपन्नतं सम्ममिणं सद्दहामि तिविहेणं ।
तस थावर भूयहियं पंथं निव्वाण नगरस्स ।। [१०८] समणो मित्ति य पढमं बीयं सव्वत्थ संजओ मि ति ।
सव्वं च वोसिरामि जिनेहिं जं जं च पडिकुठं ।। [१०९] उवही सरीरगं चेव, आहारं च चव्विहं ।।
मनसा वय काएणं, वोसिरामि ति भावओ ।। [११०] मनसा अचिंतणिज्जं सव्वं भासाइ अभासणिज्जं च ।
काएण अकरणिज्जं सव्वं तिविहेण वोसिरे [१११] अस्संजमत्तोगसणं उवही विवेगकरणं उवसमो य ।
___ अप्पडिरूवजोगविरओ खंती मुत्ती विवेगो य ।। [११२] एयं पच्चक्खाणं आठरजन आवईसु भावेण ।
___ अन्नयरं पडिवण्णो जंपतो पावइ समाहिं ।। [११३] एयंसि निमित्तंमी पच्चक्खाऊण जइ करे कालं ।
तो पच्चखाइयव्वं इमेण इक्केण वि पएणं ।। [११४] मम मंगलमरिहंता सिद्धा साहू सुयं च धम्मो य ।
तेसिं सरणोवगओ सावज्जं वोसिरामि ति ।। [११५] अरहंता मंगलं मज्झ, अरहंता मज्झ देवया ।
अरहंते कित्तइताणं, वोसिरामि त्ति पावगं ।। [११६] सिद्धा य मंगलं मज्झ, सिद्धा य मज्झ देवया ।
सिद्धे य कित्तइत्ताणं वोसिरामि ति पावगं ।। [११७] आयरिया मंगलं मज्झ आयरिया मज्झ देवया ।
आयरिए कित्तइत्ताणं वोसिरामि ति पावगं ।।
दीपरत्नसागर-संशोधितः
[8]
[२६|महापच्चक्खाण
Page #10
--------------------------------------------------------------------------
________________
गाहा-११८
?, ||
?, ||
[११८] उज्झाया मंगलं मज्झ, उज्झाया मज्झ देवया ।
उज्झाए कित्तइत्ताणं वोसिरामि ति पावगं ।। [११९] साहूय य मंगलं मज्झ, साह य मज्झ देवया ।
साहू य कित्तइत्ताणं वोसिरामि ति पावगं ।। [१२०] सिद्धे उवसंपन्नो अरहंते केवलित्ति भावेणं ।
एतो एगयरेण वि पएण आराहओ होइ ।। [१२१] समुइण्णवेयणओ पुन समणो हियएण किं पि चिंतिज्जा |
आलंबणाई काइं काऊण मुनी दुहं सहइ [१२२] वेयणासु उइन्नासु, किं मे सत्तं निवेयए |
किं वाऽऽलंबणं किच्चा, तं दुक्खमहियासए [१२३] अनुत्तरेसु नरएसु, वेयणाओ अनुत्तरा ।
पमाए वट्टमाणेणं, मए पत्ता अनंतसो ।। [१२४] मए कयं इमं कम्म, समासज्ज अबोहियं ।
पोराणगं इमं कम्म, मए पत्तं अनंतसो ।। [१२५] ताहिं दुक्खविवागाहिं, उवचिण्णाहिं तहिं तहिं ।
न य जीवो अजीवो उ, कयपुव्वो 3 चिंतए || [१२६] अब्भुज्जयं विहारं इत्थं जिनएसियं विउपसत्थं ।
नाउं महापुरिस सेवियं च अब्भुज्जयं मरणं ।। [१२७] जह पच्छिमंमि काले पच्छिम तित्थयरदेसियमयारं ।
पच्छा निच्छयपत्थं उवेमि अब्भुज्जयं मरणं [१२८] बत्तीस मंडियाहिं कडजोगी जोगसंगहबलेणं ।
उज्जमिऊण य बारसविहेण तवनेहपाणेणं ।। [१२९] संसाररंगमज्झे धिइ-बल-ववसाय-बद्ध-कच्छाओ ।
हंतूण मोहमल्लं हराहि आराहण-पडागं ।। [१३०] पोराणगं च कम्म खवेइ अन्नं नवं च न चिणाइ ।
कम्मकलंकलवल्लिं छिंदइ संथारमारूढो || [१३१] आराहणोवउत्तो सम्मं काऊण सुविहिओ कालं ।
उक्कोसं तिन्नि भवे गंतूण लभिज्ज निव्वाणं ।। [१३२] धीरपुरिसपन्नतं सप्पुरिस-निसेवियं परमघोरं ।
ओइण्णो ह सि रंग हरस पडायं अविग्घेणं ।।। [१३३] धीर ! पडागाहरणं करेह जह तंमि देसकालंमि ।
सुत्तऽत्थमनुगुणंतो धिइ-निच्चल-बद्ध-कच्छाओ ।। [१३४] चतारि कसाए तिन्नि गारवे पंच इंदियग्गामे ।
हंता परीसह-चमूं हराहि आराहण-पडागं ।।
दीपरत्नसागर-संशोधितः
[9
[२६|महापच्चक्खाण
Page #11
--------------------------------------------------------------------------
________________ गाहा-१३५ जिनक [135] माऽऽया बहु व चिंतिज्जा जीवामि चिरं मरामि व लहुंति / जइ इच्छसि तरिठं जे संसारमहोयहिमपारं / / [136] जइ इच्छसि नित्थरिठं सव्वेसिं चेव पावकम्माणं / जिनवयण-नाण-दंसण-चरित्त-भावुज्जुओ जग्ग / / [137) दंसण-नाण-चरितं तवे य आराहणा चउक्खंधा / सा चेव होइ तिविहा उक्कोसा मज्झिम जहन्ना / / [138] आराहेऊण विऊ उक्कोसाराहणं चउक्खंधं / कम्मरय विप्पमुक्को तेणेव भवेण सिज्झिज्जा / / [139] आराहेऊण विऊ जहन्नमाराहणं चउक्खंधं / सत्तऽट्ठभवग्गहणं परिणामेऊण सिज्झिज्जा / / [140] सम्म मे सव्वभूएसु, वेरं मज्झं न केणई / खामेमि सव्वजीवे, खमामिऽहं सव्वजीवाणं / / / [141] धीरेण वि मरियव्वं काउरिसेण वि अवस्स मरियव्वं / दुण्हंपि य मरणाणं वरं खु धीरत्तणे मरिठं / / [142] एयं पच्चक्खाणं अनुपालेऊण सुविहिओ सम्म / वेमाणिओ व देवो हविज्ज अहवा वि सिज्झिज्जा मुनि दीपरत्नसागरेण संशोधितः सम्पादितश्च “महापच्चक्खाणं पइण्णयं सम्मत्तं" “महापच्चक्खाणं-तइयं पइण्णयं' सम्मतं [दीपरत्नसागर-संशोधितः [10] [२६/महापच्चक्खाण)