________________
મારા પર દયા લાવીને ચેતન બનાવો.
જે પ્રભુ ભક્તિ વિમુખ નર જગમેં, તે ભ્રમ ભૂલ્યા ભટકેજી; સગત તેહ ન વિગત લહીએ, પૂજાદિકથી ચટકેજી. વિ. ૭ જે જીવ પ્રભુની સેવાભક્તિથી દૂર રહે છે તે જગતની અંદર ભ્રાન્તિમાં-મિથ્યાત્વમાં પડીને સંસાર પરિભ્રમણ કરે છે. પ્રભુની સેવા પૂજાથી દૂર રહે છે, (ચટકે છે) તેઓ સંગત એટલે કર્મના સંબંધોને દૂર કરીને કર્મરહિત થઈ શકતા નથી.
કીજે પ્રસાદ ઉચિત ઠકુરાઈ, સ્વામી અખય ખજાનોજી; રૂપવિબુધનો મોહન પભણે, સેવક વિનંતિ માનોજી. વિ. ૭ હે પ્રભુ ! આપની પાસે ત્રણે જગતની ઊંચામાં ઊંચી ઠકુરાઈ છે. એટલે કે હે સ્વામી ! આપની પાસે આત્મસંપદારૂપ લક્ષ્મીનો, જેનો નાશ ન થાય તેવો ખજાનો પ્રાપ્ત થયેલો છે. માટે આ સેવકની વિનંતી માનીને આપની આત્મસંપદારૂપ લક્ષ્મીની જે ઠકુરાઈ મેળવી છે તેનો પ્રસાદ આપો.
* ૧૪. શ્રી અનંતનાથ સ્તવન અનંત જિહં શું વિનતિ, મેં તો કીધી હો ત્રિકરણથી આજ; મિલતા નિજ સાહેબ ભણી, કુણ આણે હો મૂરખ મને લાજ. અ. ૧
શ્રી અનંતનાથ જિનેશ્વર ભગવંતને મેં મારા મન, વચન, અને કાયાના ત્રણેય યોગ વડે વિનંતિ કરી છે. વિનંતિ કરવાથી પ્રભુ જો મળતા હોય તો એવો કયો મૂરખ હોય કે તે માટે મનમાં લાજ રાખે પ્રભુને મેળવવામાં આનંદ જ માને.
શ્રી મોહનવિજયજી કૃત ચોવીસી
૧૯૯
Jain Education International
For Personal & Private Use Only
www.jainelibrary.org
