Vahoravvani Vidhi

Author(s): Jayandnvijay
Publisher: Guru Ramchandra Prakashan Samiti

Page 9

( આહાર વહોરાવવાની વિધિ છે)
શ્રાવક સવારમાં જિનમંદિર દેરાસર દર્શન કરવા જાય ત્યારે ઉપાશ્રયમાં સદ્દગુરુ ભગવંત બિરાજમાન હોય તો વંદન કરવા માટે અવશ્ય જાય. અને ગુરૂ ભગવંતને બે ખમાસમણા. ઈચ્છકાર. પદસ્થ હોય તો એક ખમાસમણ દેવું. અને પદસ્થ ન હોય તો સીધો અભુઠિઓ ખામવાનો પછી એક ખમાસમણ દઈ એમની પાસે પચ્ચકખાણ લેવું અને પાછું એક ખમાસમણ દેવું.
ઈચ્છકાર સૂત્રમાં ભાત પાણીનો લાભ દેશોજી એમ કહ્યું છે એ પછી જતી વખતે ગુરૂદેવને પાછી વિનંતિ કરે પ્રાર્થના કરે કે ગુરૂદેવ ભાત પાણીનો લાભ આપીને મને કૃતાર્થ કરશોજી. ગોચરીનો સમય થઈ ગયો હોય તો ગુરૂદેવની સાથે ચાલે. શ્રાવકોના ઘરો બતાવે પોતાના ઘરે આવવા માટે પ્રાર્થના કરે પણ "મારા ઘરે આવવું જ પડશે” એમ ન બોલે. ગોચરીનો સમય ન થયો હોય તો વિનંતિ કરીને ઘરે જાય.
શ્રાવકનું ઘર ભોજન કરવાના સમયમાં ખુલ્લું રહેવું જોઈએ. આગમકારોએ શ્રાવકની વ્યાખ્યામાં શ્રાવકને ભોજનના સમયે દ્વાર બંધ ન કરવું એમ લખ્યું છે. શ્રાવકના ઘરના દરવાજા ઓટોમેટિક તો હોવા જ ન જોઈએ. જ્યાં જ્યાં એવા તારો છે, ત્યાં ત્યાં તો વગર લખે "નો એડમિસન ફોર સાધુ” મુનિયો માટે પ્રવેશ બંધ” લખાઈ ગયું છે. કારણકે મુનિયો કાંઈ એ તારો ખોલીને અંદર આવવાના નથી. મુનિયો કાંઈ બેલ વગાડવાના નથી. જાલીનું દ્વાર પણ લગાડવું પડતું હોય તો સાંકળ લાગેલી ન હોવી જોઈએ. અટકાવેલ દ્વારને ખોલીને મુનિભગવંત ધર્મ લાભ આપીને શ્રાવકના બોલાવ્યા પછી અંદર આવી શકે છે.
ગોચરીના સમયમાં ગુરુ ભગવંત શહેર, નગર, ગામથી
***************