Trishashti Shakala Purush Charitam Part 6

Author(s): Hemchandracharya,
Publisher: Jinshasan Aradhana Trust

Page 457

त्रिषष्टिशलाकापुरुषचरिते ॥ ४०९ ।।
पूर्वं पूर्वजसिद्धराजनृपतेर्भक्तिस्पृशो याञ्चया, सांगं व्याकरणं सुवृत्तिसुगमं चक्रुर्भवन्तः पुरा । मद्धेतोरथ योगशास्त्रममलं लोकाय च द्वयाश्रयछन्दोऽलंकृतिनामसंग्रहमुखान्यन्यानि शास्त्राण्यपि ॥ १८ ॥ लोकोपकारकरणे स्वयमेव यूयं, सज्जाः स्थ यद्यपि तथाप्यहमर्थयेऽदः ।
मादृग्जनस्य परिबोधकृते शलाका-पुंसां प्रकाशयत वृत्तमपि त्रिषष्टेः ॥ १९ ॥ तस्योपरोधादिति हेमचन्द्राचार्यः शलाकापुरुषेतिवृत्तम् । धर्मोपदेशैकफलप्रधानं, न्यवीविशच्चारुगिरां प्रपंचे ॥ २० ॥ जंबूद्वीपारविन्दे, कनकगिरिरसावश्नुते कर्णिकात्वं यावद्यावच्च धत्ते, जलनिधिरवनेरन्तरीयत्वमुच्चेः । यावद्व्योमाध्वपान्थौ, तरणिशशधरौ, भ्राम्यतस्तावदेतत् काव्यं नाम्ना शलाका-पुरुषचरितमि त्यस्तु जैनं धरित्र्याम् ॥ २१ ॥
इति प्रशस्तिः
दशमं पर्व प्रशस्तिः ।
।।४०९ ।।