Book Title: Tattvarthadhigam Sutram Part 05
Author(s): Rajshekharsuri, Dharmshekharvijay, Divyashekharvijay
Publisher: Arihant Aradhak Trust
View full book text
________________
સૂત્ર-૪૪ શ્રી તત્વાર્થાધિગમસૂત્ર અધ્યાય-૫
૧૫૭ અને સિદ્ધાત્માનો ઉપયોગ મુખ્ય સ્વભાવ છે. સંસારી આત્મા સદા યોગવાળો હોય છે અને સિદ્ધ આત્મા સદા ઉપયોગવાળો હોય છે.)
યોગ-ઉપયોગ આદિમાન પરિણામ છે. કારણ કે ઉત્પન્ન થતા કાળ સુધી રહેનારા છે, અર્થાત્ નિયતકાળ સુધી જ રહેનારા છે. આદિમાન હોવા છતાં પ્રવાહથી તો અનાદિમાન જ છે.
તત્ર' ઇત્યાદિ, તે બેમાં ઉપયોગ પૂર્વે બીજા અધ્યાયમાં ૩૫યોગો તક્ષણમ્ (સૂ.૮) ઇત્યાદિથી કહ્યો છે. યોગ તો હવે પછી છઠ્ઠા અધ્યાયના પહેલા સૂત્રમાં યુવાન: કર્મયો: ઇત્યાદિથી કહેવાશે. (પ-૪૪)
ભાવાનુવાદકારની પ્રશસ્તિ આ પ્રમાણે પપૂ. આચાર્ય શ્રી હરિભદ્રસૂરિ મહારાજા વડે શરૂ કરાયેલી (અને છઠ્ઠી અધ્યાયના ૨૩મા સૂત્રમાં વિનયસન્નતા પદ સુધી પૂર્ણ કરાયેલી) પછી છઠ્ઠી અધ્યાય સુધી આચાર્ય શ્રી યશોભદ્રસૂરિ વડે પૂર્ણ કરાયેલી અને ત્યાર પછી સાતમા અધ્યાયથી બાકી રહેલી ટીકા) તેમના શિષ્ય વડે પૂર્ણ કરાયેલી તત્ત્વાર્થાધિગમ સૂત્રની પાંચમા અધ્યાયની ડુપડુપિકા નામની ટીકાનો સિદ્ધાંત મહોદધિ પરમ પૂજય આચાર્યદેવ શ્રીમદ્ વિજય પ્રેમસૂરીશ્વરજી મહારાજાના પટ્ટાલંકાર પરમ ગીતાર્થ પરમ પૂજ્ય આચાર્યદેવ શ્રીમદ્ વિજય હીરસૂરીશ્વરજી મહારાજાના પટ્ટાલંકાર ગચ્છસ્થવિર પરમ પૂજ્ય આચાર્યદેવ શ્રીમદ્ વિજય લલિતશેખરસૂરીશ્વરજી મહારાજાના પટ્ટાલંકાર પંચસૂત્ર, પંચવસ્તુ, પંચાશક, ધર્મબિંદુ, યોગબિંદુ, ઉપદેશપદ, ઉપદેશમાલા (પુષ્પમાલા), શ્રાદ્ધદિનકૃત્ય, વીતરાગસ્તોત્ર, શીલોપદેશમાલા, અષ્ટક પ્રકરણ, નવપદ પ્રકરણ, યોગદષ્ટિ સમુચ્ચય, શ્રાવકધર્મવિધિપ્રકરણ, ચૈત્યવંદન મહાભાષ્ય, યતિલક્ષણ સમુચ્ચય, ગુરુતત્ત્વવિનિશ્ચય, સંબોધ પ્રકરણ, પ્રશમરતિ પ્રકરણ, શ્રાવક પ્રજ્ઞપ્તિ આદિ અનેક ગ્રંથોના ભાવાનુવાદકાર પરમ પૂજય આચાર્યદેવ શ્રીમદ્ વિજય રાજશેખરસૂરીશ્વરજી મહારાજકૃત ગુર્જર (ગુજરાતી) ભાવાનુવાદ પૂર્ણ થયો.
