________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
બોલો સીમંધરસ્વામી ભગવાન કી જય... જય... જય... જય... જય... જય... જય... છડી :
સોને કી છડી... રૂપેકી મશાલ, જરીયન કા ઝાંમા, મોતિયન કી માલા, જીવદયા પ્રતિપાલક, સત્યકી નંદન, દેવાધિદેવ સીમંધરસ્વામીને ઘણી ખમ્મા... ઘણી ખમ્મા... ઘણી ખમ્મા.
જુઓ, પરમાત્મા આ તરફ પધારી રહ્યાં છે... એ પહેલાં જ એક સ્તુતિનો સહુ પાઠ કરી લઈએ. સ્તુતિઃ આંખો તમારું રૂપ જોતાં આજ અતિપાવન બની....
વાણી તમારા ગીત ગાને આજ મનભાવન બની... અંગો તમોને નમન કરતાં આજ પામ્યાં સફળતા...
મનસ્થિર બન્યું પ્રભુ ધ્યાનમાં આજે ત્યજીને ચપળતા // કેવું છે અદ્ભુત પરમાત્માનું સ્વરૂપ? કલ્પના કરતાંય અધિક સુંદર આ સૌન્દર્ય છે. પૂર્વધારણાથીય અધિક ભવ્ય આ રૂપ-સ્વરૂપ છે.
પરમાત્મા તીર્થંકર દેવોના જગદતિશાયી દેહસ્વરૂપ વિશે આપણે ભરતક્ષેત્રમાં અનેકવાર અનેકવર્ણનો વાંચ્યાં છે, સાંભળ્યાં છે. એ વર્ણનોથીય અધિક ભવ્યતા આજે પરમાત્માના રૂપમાં નિરખવા મળે છે.
વચનાતીત છે આ રૂપ.
શબ્દોને મર્યાદા નડે છે. પરમાત્માના રૂપને અને પુન્યને કોઈ મર્યાદા નથી પડતી... તીર્થંકરદેવોના પ્રભાવની આટલી બધી પ્રભાવકતાનો નશો આપણે તો ક્યારેય અંદાજ્યો નથી. આજે આપણા પરમ સૌભાગ્યના દ્વારા ખૂલી ગયાં છે. અંતરમાં અમૃતવર્ષા થઈ રહી છે.
અરે! એકાએક આંખના નિમેષ માત્રમાં શું થઈ ગયું? અચિંત્ય શક્તિશાળી દેવોએ સમવસરણની રચના પણ કરી દીધી. રજત, સુવર્ણ અને રત્નના ત્રણ તોતિંગ ગઢોમાં ગોઠવાયેલાં આ સમવસરણનો કેવળ બહિરંગ આકાર પણ કેટલો ભવ્ય છે... જુઓ... અતિશય અભુત છે આ પ્રાસાદ...
For Private and Personal Use Only
