________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ભવ્ય ચાતુર્માસ આંબાવાડી જૈન સંઘમાં તૃતીય પરિવર્તન શિબિર વર્ષાવાસની ત્રીજી પરિવર્તન શિબિરમાં શ્રદ્ધાળુને પ્રભાવક પ્રવચનકાર પૂજ્ય આચાર્ય શ્રી પદ્મસાગરસૂરીશ્વરજી મ.સા તથા ક્રાન્તિકારી મુનિ વિમલસાગરજીએ સચોટ વાણીમાં જણાવ્યું હતું કે જેન જેવા ઉચ્ચકુળમાં જન્મ લેવાથી જૈન બની ગયાનો સંતોષ અનુભવતા લોકોને જૈન ધર્મના પાયામાં રહેલા અને ભગવાન મહાવીરે અપનાવેલ અહિંસાના માર્ગ પર ચાલવા માટે સૂક્ષ્મ બાબતોનો ખ્યાલ આપણે રાખી શકતા નથી અને મને ભય છે કે આમ જ ચાલ્યા કરશે તો જૈન ધર્મના પાયા હચમચી ઉઠશે તેમણે ઉમેર્યું હતું કે નૈતિકતા નેવે મુકી, માત્ર પોતાનું પેટ ભરવાનો વિચાર કર્યા કરવો એવું જૈન ધર્મ ક્યારેય શીખવતો નથી. પોતાનો પરિવાર, પોતાના ભાઈ-ભાડું, અડોસ-પડોશ કે સમાજના અન્ય લોકો સાથે આપણો વ્યવહાર સદૂભાવના પૂર્ણ હોવો જોઈએ.
જૈન ધર્મની ઈમારતના ચાર પાયા કહી શકાય તેવા અહિંસા, નૈતિકતા, એકતા અને સંયમ વિગેરેનું પાલન કેવી રીતે થઈ રહ્યું છે, અને કેવી રીતે કરવું જોઈએ તેની માર્મિક રજૂઆત પોતાની અસ્મલિત વાણીમાં શ્રોતાઓને જણાવી પોતાના હૃદયના ભાવ પ્રગટ કર્યા હતા.
શિસ્તનું મહત્ત્વ સમજાવતા તેઓશ્રીએ જણાવ્યું હતું કે શિસ્તના આચરણથી સંયમભાવ પણ પેદા થાય છે અને જે કાર્ય માટે જે સમય નિશ્ચિત થયો હોય તે કાર્ય તે સમયે જ કરવું જોઈએ એ વાતને વિવિધ અને રસમય ઉદાહરણ દ્વારા વ્યક્ત કરતા શ્રોતાજન આફરીન પોકારી ગયા હતા.
વિવિધ ધર્મોની વાતો કરી જે તે ધર્મની મહત્ત્વની વાતોની નોંધ લઈ તેમાંથી ઘણું શીખવાનું મળે છે એમ કહી તેમણે ઉમેર્યું હતું કે 'અજાન' પોકારાતા સૌ મુસ્લીમ બીરાદરો ઈબાદત માટે પોતાના કામ અધૂરા છોડી દોડી જતા હોય છે તેમ આપણે પણ પ્રભુભક્તિ, ગુરૂવંદના, સેવા-પૂજા વિગેરે જેવા ધાર્મિક કાર્યો માટે નિયમિતતા જીવનમાં લાવવી જ રહી.
પૂજ્યશ્રીએ ટકોર કરતા જણાવ્યું હતું કે દરેક જૈન સંઘમાં વર્ષાવાસ માટે સાધુ-સાધ્વીજી ભગવંતો ચાર માસ માટે સ્થિર થયા હોય ત્યારે તેમના પ્રવચનો અને વાણીને જીવનમાં ઉતારવામાં આવે તો જ ચાતુર્માસ સાર્થક થયું ગણાય. પૂજ્યશ્રીએ જણાવ્યું હતું કે હજારો માણસોના જીવ બચાવવાનો સમય આવે ત્યારે આપણે આપણાં જીવની પરવા ન કરવી જોઈએ અને નાનામાં નાના જીવને પણ આપણે સુખ અને શાતા આપવા કાર્યરત રહેવું જોઈએ.
(અનુસંધાન પેજ નં. ૨૫ પર)
For Private and Personal Use Only
