Shatrunjaya mandan Rushabhdev Stuti

Author(s): Bhuvanchandravijay
Publisher: ZZ_Anusandhan

Page 2

(४१)
जिणेवर हिव विवहारि-रासिहि वासिहि आविअउ कम्मि अणंतउ कालु अणंतकाइ कुलि ठाविअउ ॥३ दुविह पुढवि दग तेअ वाय वणस्सइ विगलतिअ जलचर पमुह दु भेअ पज्जत्तापज्जत्त ठिअ इअ अडयाल पयार तिरिअ तणी गइ संकमिउ तह दंसण विण देव हडं असंखभव परिभविउ ।।४ संकड-कुंभीपाय-असिवण-वेअरणी-रसिहं सामलिपत्ति विचित्ति छेअण-पहरण-सयवसिहिं सत्तय लक्ख निवासि जिणवर मई तुम्ह आण-विणु दुसह सहिअ दुहरासि पज्जात्तापज्जत्ति पुणु॥५ भरहेरवइ विदेहि ए तिन्निय पंच य गुणिआ अदाइअ दीवेसं कम्मभमि पनरह भणिआ हेमवयं हरिवास तह रम्मय एस्नवय चउपण गुणिया वीस तीस हवई दस कुरु साहिअ॥ ६ सत्तसत्त इग पासि सत्त सत्त बीजई गमई हिमगिरि दाढ चउकि तिम सिहरी अ सेलिहिं हवई छपन्नंतर दीव इअ भणिअइं जिणसासणिहिं लवण समुद्द-मझारि निवसई सासइ आसणिहिं।। ७ कम्म कम्मह भूमि छपनंतर दीव जुअ पज्जत्तापज्जत्त भेदिहिं बिहुं आग्गलि बि सय इग सय मुच्छिअ भेअ मिलिअ तिडुत्तर तिनि सय इउ मणुअत्तणि नाह [ह]- उं हिंडिअ तुह पय रहिय॥८
(भाषा) परमाहम्मिअ पंनरस, भवणेसर दस जाणि । सोलह विंतर जोइसिअ, चर-थिर दस य वक्खाणि ॥ ९ नव लोगतिअ किब्बिसिय, तित्रि अ कप्पह बार। जिंभय दस गेविज नव, पंचाणुत्तर सार।। १०