Shadshiti Chaturth Karmgranth

Author(s): Ramyarenu
Publisher: Fulchandji Kalyanchandji Zaveri Trust and Others

Page 420

उइरंति पमत्तंता, सगट्ठ मीसट्ट वेयआउ विणा । छग अपमत्ताइ तओ, छ पंच सुहुमो पणुवसंतो ॥ ६१॥ पण दो खीण दु जोगी, णुदीरगु अजोगी थोव उवसंता । संखगुण खीण सुहुमानियट्टिअपुव्व सम अहिया ॥ ६२॥ जोगि अपमत्त इयरे, संखगुणा देससासणा मीसा । अविरइ अजोगिमिच्छा, असंख चउरो दुवेणंता ॥६३॥ उवसमखयमीसोदय-परिणामा दु नव द्वार इगवीसा । तिअभेअ सन्निवाइय, सम्मं चरणं पढमभावे ॥ ६४॥ बीए केवलजुयलं, सम्मं दाणाइलद्धि पण चरणं । तइए सेसुवओगा, पण लद्धी सम्मविरइदुगं ॥ ६५ ॥ अन्नाणमसिद्धत्ता-संजमलेसाकसायगइवेया । मिच्छं तुरिए भव्वा-भव्वत्तजिअत्तपरिणामे ॥ ६६ ॥ चउ चउगइसु मीसग, परिणामुदएहिं चउ सखइएहिं । उवसमजुएहिं वा चउ, केवलिपरिणामुदयखइए ॥ ६७॥ खयपरिणामि सिद्धा, नराण पण जोगुवसमसेढीए । इय पनर सन्निवाइयभेया वीसं असम्भविणो ॥ ६८ ॥ मोहेव समो मीसो, चउ घाइसु अट्ठकम्मसु य सेसा । धम्माइ पारिणामियभावे खंधा उदइए वि ॥ ६९ ॥ सम्माइ चउसु तिग चउ भावा चउ पणुवसामगुवसंते । चउ खीणापुव्वे तिन्नि, सेसगुणठाणगेगजिए ॥ ७०॥ संखिजेगमसंखं, परित्तजुत्तनियपयजुयं तिविहं । एवमणंतं पि तिहा, जहन्नमज्झुक्कसा सव्वे ॥ ७१॥ लहु संखिजं दुच्चिअ, अओ परं मज्झिमं तु जा गुरुअं । जंबुद्दीवपमाणय, चउ पल्लपरूवणाइ इमं ॥ ७२॥ पल्लाणवठ्ठियसलाग पडिसलागमहासलागक्खा । जोयणसहसोगाढा सवेईयंता ससिहभरिया ॥ ७३॥
૩૯૯ રે