________________
ઘેન તમને ચડ્યું છે અને એ પાછું પરાકાષ્ટાએ પહોંચ્યું છે નહિ તો આમ પાગલ થઈને રજપૂત-કન્યાની ભીખ માંગતા તમે ભિખારીની જેમ હાથ લંબાવો ખરા ?
અહમદશાહે હવે જરા ગુસ્સામાં આવી જઈને કહ્યું ઃ સત્રસાલ ! તમે મારા પ્રીતિના પુકાર માનવાય તૈયાર નથી અને ભીતિના ભણકારાનેય વશ થવા તૈયાર નથી ! તો મારે કરવું શું ? રૂપસુંદરીને બેગમ બનાવ્યા વિના હું કોઈ પણ હિસાબે રહેવાનો નથી ! આ મારો મક્કમ નિરધાર છે. માટે હજીય કહું છું કે, માની જાવ !
સત્રસાલે રોકડું પરખાવતા કહી દીધું કે, તમારી પ્રીતિના પાશમાં બંધાઈ જાય, એ બીજા અને તમારી ભીતિથી બીએ એ પણ બીજા ! આ રજપૂત નહિ. તમે ભીતિ અને પ્રીતિના દાવ નાંખવામાં ઘર ભૂલ્યા છો.
અહમદશાહે મગજનો પારો હવે ગુમાવ્યો. વળતી જ પળે એમણે પોતાના સેનાપતિને આજ્ઞા કરી કે, રજપૂતાઈની શેખી મારનારા આ ચૂહાને પકડીને પાંજરામાં પૂરી દો, જેથી એને વિચાર કરવાની તક મળે કે, ગુજરાતના સૂબાની આજ્ઞાનો લોપ કેવું ભયંકર ભાવિ નોતરી શકે છે !
માતરમાં જે સત્રસાલ સિંહની જેમ શૂરા હતા. એ સત્રસાલની સહાયમાં અત્યારે કોઈ ન હતું. એથી વળતી જ પળે એમને કેદ કરવામાં સફળતા મળી ! વીરતાની વીરહાકથી રણના કણ-કણને કંપાવતા કેસરીને જાણે પાંજરામાં પૂરી દેવામાં આવ્યો !
અહમદશાહ માટે હવે રૂપસુંદરીને મેળવવાનો માર્ગ નિષ્કંટક બની ગયો હતો. સત્રસાલની સિંહ જેવી શક્તિને પાંજરે પૂરીને વળતી જ પળે એમણે એક ખેપિયો માતર ભણી રવાના કર્યો. સાંઢણી પર સવાર થઈને માતર પહોંચેલો એ ખેપિયો સીધો જ રાણી સમક્ષ હાજ૨ થઈ ગયો. એની પાસેનો પત્ર વાંચીને રાણીની રજપૂતાઈ ઢીલી-ભેંસ જેવી થઈ ગઈ. પત્રમાં લખ્યું હતું કે, સત્રસાલને કેદ કરવામાં આવ્યા છે. સંસ્કૃતિની રસધાર : ભાગ-૫
૯૬
