Book Title: Pratikraman Prayaschitt ka Manovaigyanik Paksh
Author(s): Kanaknandi Acharya
Publisher: Z_Jinavani_002748.pdf

View full book text
Previous | Next

Page 9
________________ 257 15,17 नवम्बर 2006 जिनवाणी 5. एदं कत्थ होदि? अप्पावराहे गुरूहि विणा वट्टमाणम्हि होदि ! . 6. सगावराहं गुरुणमालोचिय गुरुसक्खिाया अवराहादो पडिणियत्ती उभयं णाम पायच्छित्तं  /  7. एदं कत्थ होदि? दुस्सुमिणदंसणादिसु  /  8. गण-गच्छ-दव्व खेत्तादीहिंतो ओसारणं विवेगो णाम पायच्छित्तं। एदं कत्थं होदि? जम्हि संते अणियत्तदोसो सो तम्हि होदि  /  उववासादीहि सह गच्छादिचागविहाणमेत्थेव णिवददि, उभयसद्दाणुवुत्तीदो। 10. झाणेण सह कायमुज्झिदूण मुहूत्त-दिवस-पक्ख-मासादिकालमच्छणं विउस्सम्गो णाम पायच्छित्तं  /  एत्थ वि दुसंजोगादीहि भंगुप्पत्ती वत्तव्वा; उभय-सद्दस्स देसामासियत्तादो  /  11. सो कस्स होदि? कयावराहस्स णाणेण दिठ्ठणवठ्ठस्स वज्जसंघडणस्स सीदवादादवसहस्सओधसूरस्स साहुस्स होदि। 12. खवणायंबिल-णिव्वियडि-पुरिमंडलेयद्यणाणि तवो णाम  /  एत्थ दुसंजोगा जोजेयव्वा  /  एवं कस्स होदि? तिव्विंदियस्स जोव्वणभरत्थस्स बलवंतस्स सत्तसहायस्स कयावराहस्स होदि ! 14. दिवस-पक्ख-मास-उदु-अयण-संवच्छरादिपरियायं छत्तूण इच्छिद- परियायादो हेट्ठिमभूमीए ठवणं छेदोणाम पायछित्तं। 15. एदं कस्स होदि? उववासादिखमस्स ओघबलस्स ओघसूरस्स गब्वियस्स कयावराहस्स साहुस्स होदि  /  16. सव्वं परियायमवहारिय पुणो दीक्खणं मूलं णाम पायच्छित्तं।  /  17. एदं कस्स होदि? अवरिमिय अवराहस्स पासत्थोसण्ण-कुसील-सच्छंदादि-उव्वदृष्ट्रियस्स होदि  /  18. परिहारो दुविहो अणवठ्ठओ परंचिओ चेदि  /  तत्थ अणवठ्ठो जहणणेण छम्मास कालो उक्कस्सेण बारसवासपेरंतो। कायभूमीदो परदो चेव कयविहरी पडिवंदणविहिदो गुरुवदिरित्तासेसजणेसु कयमोणाभिग्गहो खवणायंबिलपुरिमड्डे यणणिब्वियदीहि सोसिय-रसरूहिर-मांसो होदि! जो सो पारंचिओ सो एवंविहो चेव होदि, किन्तु साधम्मियवज्जियक्खेत्ते समाचरेयव्वो  /  एन्थ उक्कस्सेण छम्मासक्खवणं पि उवइडं। एदाणि दो वि पायच्छित्ताणि णरिंदविरुद्धाचरिदे आइरियाणं णव-दसपुव्वहराणं हादि  /  ___19. मिच्छत्तं गंतूण ट्ठियस्स महव्वयाणि घेत्तूण अत्तागम-पयत्थसद्दहणा चेव (सद्दहणं) पायच्छित्तं  /  Jain Education International For Private & Personal Use Only www.jainelibrary.org

Loading...

Page Navigation
1 ... 7 8 9