Book Title: Prachin Gujaratna Sanskritk Itihasni Sadhan Samagri
Author(s): Jinvijay
Publisher: Shardaben Chimanbhai Educational Research Centre
View full book text
________________
૫૪
સાધન-સામગ્રી
હતી એટલે લખનાર માત્ર રાજા તરીકેનું સામાન્ય સૂચન સિવાય બીજું શું કરી શકે ?
હવે, સં. ૧૧૬૪માં લખેલા એક બીજા તેવા પુસ્તકના પુષ્પિકા લેખમાં, તેને, ‘સમસ્તરાજાવલીવિરાજિત મહારાજાધિરાજ પરમેશ્વર શ્રીજયસિંહદેવ' આવા ઉલ્લેખપૂર્વક સંબોધ્યો છે. તે પરથી જણાય છે કે એ વખતે, તે પોતાનું રાજ્યતંત્ર સ્વતંત્રતાપૂર્વક ચલાવવા જેટલો સમર્થ થઈ ગયો હતો અને શાસનની સર્વસત્તા તેના હાથમાં આવી ગઈ હતી.
એ પછીના બે વર્ષનો એટલે સં ૧૧૬૬નો પુષ્પિકાલેખ મળ્યો છે. તેમાં તેને મહારાજાધિરાજ સાથે ત્રૈલોક્યગંડના વિશેષણથી સંબોધ્યો છે. એથી જણાય છે કે, એ બે વર્ષ દરમ્યાન જ તેણે તે નવું પદ ધારણ કરવા જેવું, બર્બરને જીતવાનું પરાક્રમસૂચક, કાર્ય કર્યું હોવું જોઈએ. એ પછીના સંવત ૧૧૭૯ના ફાગણ માસના એક પુષ્પિકાલેખમાં પણ તેને ‘સમસ્ત રાજાવલીવિરાજિત મહારાજાધિરાજ શ્રીમત્રિભુવનગંડ' આવા વિશેષણથી ઉલ્લેખ્યો છે. તે વખતે મહામાત્ય પદે સાંતૂમંત્રી હતો એ પણ એ લેખથી જણાય છે.
તે પછી એ જ વર્ષના ભાદ્રપદ માસનો એક લેખ મળે છે જેમાં ‘સમસ્તનિજરાજાવલીસમલંકૃત મહારાજાધિરાજ પરમેશ્વર ત્રિભુવનગંડ' એ બધાં વિશેષણો ઉપરાંત ‘સિદ્ધચક્રવર્તિ’નું વિશેષણ લગાડેલું છે. એથી અનુમાન કરી શકાય કે એ જ વર્ષમાં તેણે એ નવું વિશેષણ ધારણ કર્યું હોવું જોઈએ. એ વખતે મહામાત્ય પદે આશુક મંત્રી હતો તેથી એમ પણ કલ્પના કરી શકીએ કે એ જ વર્ષે મંત્રી સાંતૂ રાજકાજથી નિવૃત્ત થયો હશે.
સંવત ૧૧૯૧નો, એક ભાદ્રપદશુદિ ૮ મંગલવારનો, તથા બીજો ફાલ્ગુન વદિ ૧ શનિવારનો લેખ મળ્યો છે. તેમાં પણ ઉપર પ્રમાણે જ બધાં વિશેષણો લગાડેલાં છે.પરંતુ એ પછીનાં વર્ષનો એટલે કે ૧૧૯૨ના જેઠ માસનો લેખ મળ્યો છે જેમાં, એ બધાં વિશેષણો ઉપરાંત ‘અવંતીનાથ’નું નવું વિશેષણ લગાડેલું મળે છે. આપણે જાણીએ છીએ કે
