Book Title: Prachin Gujaratna Sanskritk Itihasni Sadhan Samagri Author(s): Jinvijay Publisher: Shardaben Chimanbhai Educational Research Centre View full book textPage 4
________________ પ્રકાશકીય ઇસ્વીસન ૧૯૩૩માં ગુજરાતી સભાના ઉપક્રમે વ્યાખ્યાન માળાનું આયોજન થયું હતું. ત્યારે પુરાતત્ત્વવિદ્ મુનિશ્રી જિનવિજયજીએ એક અભ્યાસપૂર્ણ અને માહિતીસભર પહેલું વ્યાખ્યાન આપ્યું હતું. તેનો વિષય હતો - પ્રાચીન ગુજરાતના સાંસ્કૃતિક ઇતિહાસની સાધન સામગ્રી. આ વ્યાખ્યાન વર્ષો પૂર્વે છપાયું હતું. પરંતુ તે સુલભ ન હોવાને કારણે તેનું પુનર્મુદ્રણ કરવામાં આવ્યું છે. આ પુસ્તકમાં પ્રત્યેક ગુજરાતીને જાણવી ઘટે તેવી અનેક ઉપયોગી વિગતો આપી છે અને ભવ્ય ઇતિહાસના પ્રસંગોનો ઉલ્લેખ કર્યો છે. પ્રસ્તુત પુસ્તકના પ્રકાશનથી વિદ્વાનોને, ઇતિહાસરિસિકોને તથા ગુજરાતની પ્રજાને ગુજરાતના સાંસ્કૃતિક વારસાનો પરિચય થશે તેવી આશા છે. પ્રસ્તુત પુસ્તકનું પુરોવચન પં. શ્રી પ્રદ્યુમ્ન વિજયજી ગણીશ્રીએ લખી આપ્યું છે. તે બદલ તેમનો ખૂબ ખૂબ આભાર માનીએ છીએ. શ્રી નારણભાઈ પટેલે પુસ્તકનાં પૂફ કાળજીપૂર્વક જોયાં છે તે માટે તેમનો આભાર માનીએ છીએ તથા કૉપ્યુટર ઉપર પુસ્તકપ્રકાશનનું કામ શ્રી અખિલેશ મિશ્રા(બિહારવાળા)એ કર્યું છે. તે બદલ તેમના આભારી છીએ. ૨૧ ડિસેમ્બર, ૧૯૯૫ જિતેન્દ્ર બાબુલાલ શાહ અમદાવાદ | D |Page Navigation
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 ... 106
