Book Title: Nandishwar Stotram Author(s): Shilchandrasuri Publisher: ZZ_Anusandhan View full book textPage 2
________________ अनुसन्धान-५५ भूमितलदससहस्सा चउणवइसया य सहस्समुवरितले । पिहला अडवीसं सत्तिगं दसंसो य खयवुड्डी ॥४॥ पुव्वदिसि देवरमणो निच्चुज्जोओ दाहिणद(दि)साए । अवरदिसाय सयंप्पभ रमणिज्जो उत्तरे पासे ॥५॥ अंजणनगाउ चउदिसि जोअणलक्खम्मि लक्खविक्खंभा । पुक्खरिणीओ य सहस्सं पहानिम्मलच्छसच्छजला ॥६॥ नंदिसेणा अमोहा य गुत्तभा य सुदंसणा । नंदुत्तरा य नंदा [य] सुनंदा नंदिवद्धणा ॥७॥ भद्दा विसालभुमया बारसी पुंडरिगिणीया । विजया य वेजयंती जयंती अ अपराजिया ॥८॥ पुव्वाइक[य]नामा पुक्खरिणीणं तओ य पंचसए । गंतूण लक्खलीहा-वणसंदा(डा)ए पंचसयपिहला ॥९॥ पुव्वेण असोगवणं दाहिणओ ताण सत्तवन्नवणं । चंपगवणमवरेणुत्तरेण सव्वाणुभूइवणं ॥१०॥ पल्लसमा जोयण दस सहस्समोगाढा (?) । चउसट्ठिसहस्समुच्चा फलिहमया पुक्खर(रि)णिमज्झे ॥११॥ सोलस दहिमुहगिरिणो अंजण-दहिमुहनगोवरितलेसु । जोयणसयदीह तहद्धवित्थडा दुगसयरिमुच्चा ॥१२॥ बहुविविहरूवरूवग-विचित्तवित्थिन्नभत्तिसयकलिया । पत्तेयं जिणभुवणा तोरणजुय मंगलाइजुया ॥१३॥ देवासुरनागसुवन्ननामगा नामसमसुरारक्खा । । दारा सोलद्धद्धच्चपिहुपवेसा य चउरो सिं ॥१४॥ पय(इ)दारं कलसाई मुहमंडव-पिच्छमंडवक्खाडा । मणिपीढषू(यू) भपडिमा-चिइतरुज्झय पुक्खरिणिओ य ॥१५॥ अट्ठच्च सोलसावि य पिहला मणिपीठिया जिणहरंतो । तदुयारिग देवच्छंदा रयणमया सेहियपमाणा ॥१६॥ तत्थुसभवद्धमाणा चंदाणण वारिसेणनामाणं । सासयजिणपडिमाणं पलियंकनिसन्नमट्ठसयं ॥१७॥Page Navigation
1 2 3
