Nandanvan Kalpataru 2009 10 SrNo 23

Author(s): Kirtitrai
Publisher: Jain Granth Prakashan Samiti

Page 124

NAROLDHANAORAANAROIN
पणमिमो । अज्ज अम्हाणं दिवसो सहलो, जं पिउपायदंसणं जायं" । माया वि ? तं समायारं लोगमुहाओ जाणिऊण सिग्धं तत्थ आगया । सहसा आगयं मायरं d दट्टणं ते दुण्णि वि माइपाएसु पडिआ। माया वि पमोएण थण्णझरंतथणा क अच्छीहितो अंसूणि मुचंती नियपुत्ते सहरिसं आलिंगइ । जिणदत्तनरिंदो वि मायरपियरे सीहासणे ठविऊण कहेइ - "तुम्हाणं पुण्णप्पहावेण मए रज्जं लद्धं । तुम्ह संति एवं रज्जं, तम्हा तुम्हे अंगीकुणेह । अम्हे वि तुम्हं चरणे सेविहामो"। मायापिउणो कहिति - "हे पुत्ता ! आजीवणं सम्मं आराहिअस्स जिणधम्मस्स एयं फलं । तओ तुम्हे वि जिणिंददेवगुरुधम्माराहणे सया तप्परा होह" । पुत्तावि का धम्मसम्मुहा जाया ।
___ठक्कुरो वि 'सेट्ठिणो एए पुत्ता, जे मए वहाइ चंडालाय अप्पिआ' इअ नाऊण सभीओ सपुत्तजिणदासस्स पाए नमइ, नियावराहं खमेइ । नरिंदो वि तस्स सव्वमवराहं खमेइ, आसयदाणाओ ठक्कुरस्स वि पच्चुवयारकरणत्थं गामे देइ ।
जिणदत्तनरिंदो मायापियबंधुजुत्तो नियनयरंमि समागओ । तओ सो बंधुजुत्तो पिउस्स निब्बंधेण सीहासणे उवविसिअ नाएण रज्जं पालेइ । जिणमईए 1 जुत्तो जिणदासो वि जिणपडिमाओ अच्चंतो, आयरियमुहाओ जिणवरकहिअधम्म सुणंतो, वयाइं पालंतो सुहेण कइ वि वासे गमेइ। पज्जते धम्मघोससूरिणो पासे सभज्जो दिक्खं घेत्तूण, सम्मं आराहिअ देवलोगं पत्तो । कमेण सिज्झिस्सइ ।
सो जिणदत्तो नरिंदो जिणरक्खिअजुत्तो जिणवरचेइअलंकियाइं नयराई कुणंतो, साहम्मिअजणवच्छल्लं समायरंतो, दीणाणाहे उद्धरंतो सद्धम्मकिच्चेहि जिणसासणं पहावंतो, सावयधम्म परिपालंतो सुहेण कालं गमेइ । आउसपज्जंते
पुत्तस्स रज्जं अप्पिऊणं सबंधुजुत्तो पव्वज्जं गुरुणो समीवे गिण्हित्ता सम्म * परिपालिऊण सग्गसुहं पत्तो, कमेण सिद्धिं पाविस्सइ ।
उवएसो
जिणदासस्स दिटुंतं, उवगारसमस्सिअं । सुणित्ता भविआ ! तुम्हे, दाणधम्मे जएज्जह ॥३॥
सूरीसरमुहाओ
-LAAPARA-NAMAANPARMANA
१. आश्रय - ॥