________________
મળ્યાની ખુશાલીમાં પોતાના શરીર પર રહેલા મુગટ સિવાયના બધા અલંકારો તે દાસીને ભેટ આપે છે. તેથી તેણીનું દાસપણું દૂર થાય છે.
સવાર પડે છે અને પ્રભુના પિતાજી પુત્રના જન્મનો દસ દિવસનો મહોત્સવ કરે છે. તે મહોત્સવની ઉજવણી આ રીતે થાય છે –
(૧) બંદીઓને કેદખાનામાંથી છોડી દેવાય છે.
(૨) માન અને ઉન્માનની વૃદ્ધિ કરાય છે. માન = અનાજ વગેરે માપવાનું માપ-પાલી વગેરે. ઉન્માન = ત્રાજવામાં તોલવું.) (૩) નગરને સુશોભિત કરાય છે.
(૪) નટો, નૃત્ય કરનારા, દોરડા પર ખેલ કરનારા, મલ્લો, વિદૂષકો, કૂદકા મારનારા, કથા કરનારા, સૂક્તિઓ બોલનારા, રાસડા લેનારા, વાંસ પર ચડીને ખેલ કરનારા, વીણા વગાડનારા વગેરેને બોલાવાય છે.
(૫) ખેતર ખેડવું, ખાંડવું, દળવું વગેરેનો નિષેધ કરાય છે. (૬) વેચાતાં કરિયાણા ઉપર ‘દાણ' લેવાતું નથી.
(૭) ગાય વગેરેનો વાર્ષિક કર લેવાતો નથી.
(૮) દુકાનોમાંથી જેને જે જોઈએ તે વિના મૂલ્યે લઈ લે છે, રાજા તે વસ્તુઓનું મૂલ્ય ચૂકવી દે છે.
(૯) ખરીદવાનો અને વેચવાનો નિષેધ કરાય છે.
(૧૦) રાજપુરુષો કોઈના ઘરમાં પેસતાં નથી. (૧૧) રાજપુરુષો દંડરૂપે કોઈનું ધન લેતાં નથી.
(૧૨) બધાનું દેવું રાજા ચૂકવી દે છે.
(૧૩) સતત નાટક, નૃત્ય, સંગીત વગેરે ચાલતાં હોય છે. (૧૪) લોકો આનંદકિલ્લોલ કરે છે.
(૧૫) પૂજા-પૂજનો વગેરે કરાય છે.
(૧૬) પ્રભુના પિતાજી લોકો વડે અપાતાં વધામણા સ્વીકારે છે અને સામે પહેરામણીઓ આપે છે.
...૨૩...
