________________
સુદૃઢ સંકલ્પનું ફળ
અડગ નિશ્ચય અને મનનો સાચો દૃઢ સંકલ્પ એક સાધારણ માણસને પણ મહાન બનાવવામાં કેવો કીમતી ફાળો આપે છે તે આપણને ઈંગ્લેન્ડના વડાપ્રધાન વિન્સ્ટન ચર્ચિલના જીવનમાં જોવા મળે છે.
ચર્ચિલ નાનપણમાં ભણવામાં કંઈ ખાસ હોશિયાર નહોતા. ગણિત, ભાષાઓ આદિ વિષયોમાં તેમને કોઈ અભિરુચિ નહોતી.
પણ એકવાર તેમને મનમાં થયું કે મારે ગણિતના વિષયમાં ખાસ રસ લેવો જોઈએ અને ભાષાઓ પણ વિશેષરૂપે શીખવી જોઈએ. પછી તો તેમણે એ ભાષાઓ અને ગણિત શીખવા માટે મહેનત કરવા માંડી. જે વિષયોમાં તેમને રસ નહોતો તે જ વિષયો પાછળ તેમણે તનતોડ મહેનત કરવા માંડી.
આને પરિણામે જતે દિવસે તેઓ ગણિતના નિષ્ણાત બની ગયા. અને એક સમયે તેઓ ઈંગ્લેન્ડના નાણાપ્રધાન પણ બન્યા! એ હોદ્દા પર ચાર વર્ષ સુધી રહીને દેશના નાણાપ્રધાન તરીકેની કીર્તિ તેમણે, પોતાના દૃઢ સંકલ્પના બળથી પ્રાપ્ત કરી. મેં એક મિત્ર પરના પત્રમાં તેમણે લખેલ શબ્દો જોઈએ :
“બીજા અધિકારીઓ જે વેળા આરામ લેતા તે વેળા હું ઈતિહાસ, અર્થશાસ્ત્ર અને તત્ત્વચિંતનના પુસ્તકો વાંચતો! મહાન લેખકોની અમર શિષ્ટ સાહિત્યકૃતિઓ વાંચવાનું પણ હું ચૂકતો નહિ. રોજ સોળથી સત્તર કલાક કામ કરવામાં હું મારી જાતને ધન્ય માનતો. ખંત, પરિશ્રમ, કાર્યનિષ્ઠા અને અચલ આત્મવિશ્વાસ જ માણસને મહાન બનાવે છે તે હું મારા જાતઅનુભવથી કહી શકું છું.''
Jain Education International
For Private & Personal Use Only
www.jainelibrary.org
