________________
હવે લક્ષ્મણજીનો જીવ, કે જે સર્વરત્નમતિ નામના ચક્રવર્તી તરીકેના તમારા ભવમાં તમારા મેઘરથ નામના પુત્રપણે ઉત્પન્ન થશે, તે ત્યાંથી મૃત્યુ પામીને શુભ ગતિઓને પામશે. શુભ ગતિઓને પામ્યા બાદ, તે પૂર્વવિદેહના વિભૂષણ એવા પુષ્કરદ્વીપમાં રત્નચિત્રા નામની નગરીમાં ચક્વર્તી થશે. ચક્રવર્તી તરીકેની સંપત્તિને ભોગવ્યા બાદ તે દીક્ષિત બનશે, મે કરીને શ્રી તીર્થનાથ બનશે અને અન્તે નિર્વાણને પ્રાપ્ત કરશે.
સીતેન્દ્ર ચોથી નરકમાં જઈને શું જુવે છે કેવળજ્ઞાની શ્રી રામર્ષિના શ્રીમુખે કહેવાએલી આ સર્વ હકીકતોનું શ્રવણ કરીને અને તારકને નમસ્કાર કરીને, સીતેન્દ્ર ત્યાંથી રવાના થયા. ત્યાંથી રવાના થઈને સીતેન્દ્ર ત્યાં ગયા કે જ્યાં શ્રી લક્ષ્મણ દુ:ખ ભોગવતા હતા. શ્રી લક્ષ્મણ પ્રત્યે તેમને પૂર્વનો સ્નેહ હોવાથી તે સ્નેહને વશ બનીને સીતેન્દ્ર ચોથી નરકમાં દુ:ખ ભોગવી રહેલા શ્રી લક્ષ્મણની પાસે ગયાં. સીતેન્દ્ર ત્યાં જઈને જે દ્દશ્ય નિહાળ્યું છે, તેનું વર્ણન પણ આ ચરિત્રના રચયિતા પરમર્ષિએ કર્યુ છે. નરકમાં ગયેલા જીવોને ભોગવવાં પડતાં દુ:ખો પૈકીનાં અમુક દુ:ખોનું આ ઓછું વર્ણન પણ આત્માને પાપથી કંપતો બનાવવાને સમર્થ છે.
જે વખતે સીતેન્દ્ર તે ચોથી નરકપૃથ્વીને વિષે ગયા, તે વખતે સિંહ આદિનાં રૂપોને વિકુર્થીને શંબૂક અને શ્રી રાવણ, શ્રી લક્ષ્મણની સાથે ક્રોધથી યુદ્ધ કરી રહ્યા હતા. આ પછી, ‘આ પ્રકારે યુદ્ધ કરતા તમને દુ:ખ નહિ થાય' એમ બોલતા પરમાધાર્મિકોએ ક્રોધે ભરાઈને તેમને અગ્નિકુંડોમાં નાખ્યા. અગ્નિકુંડોમાં બળતા અને ગલિત અંગવાળા બની ગયેલા તે ત્રણેય ઉચ્ચ સ્વરે પોકાર કરવા લાગ્યા, એટલે પરમાધાર્મિકોએ તેમને અગ્નિકુંડોમાંથી ખેંચી કાઢીને, બળાત્કારે તપેલા તેલની કુંભિમાં મૂક્યા. તે તપેલી તૈલકુંભિમાં પણ જેમના દેહો વિલીન થઈ ગયા છે એવા એ ત્રણેયને તે પછીથી, પરમાધાર્મિકોએ લાંબા કાળ સુધી ભઠ્ઠીમાં નાખી મૂક્યા. ત્યાં ત- ત ્ એવા શબ્દ વડે તેમનાં ગાત્રો ફાટીને દ્રવી જવા લાગ્યા. આ અને આવા બીજા અનેક દુ:ખોને ભોગવી રહેલા લક્ષ્મણ આદિને સીતેન્દ્ર જોયા.
શ્રી રામચન્દ્રજીનો સંસારત્યાગ સાધના અને નિર્વાણ...૧૨
૨૦૧
