Book Title: Jain Adarsh Prasango Part 14 Author(s): Bhadreshwarvijay Publisher: Bhadreshwarvijay View full book textPage 2
________________ પ્રાકથન આ પુસ્તકમાં વર્તમાનના શ્રાવકોનાં સત્ય એવાં શ્રેષ્ઠ પ્રેરક દ્રષ્ટાંતો છે. શ્રી મહાવીર ભગવાને ફરમાવ્યું છે કે પાંચમા આરાના અંત સુધી ધર્મ રહેશે તે અનુભવાય છે. અમાસના ધણા વાદળિયા આકાશમાં પણ પાંચ-પંદર હજાર તારા ટમટમતા હોય ત્યારે પ્રકૃતિપ્રેમીનો મનમોરલો નાચી ઊઠે છે, તેમ આજના વિલાસી વાતાવરણમાં પણ આવા હજારો ધર્મીઓને જાણી ધર્મપ્રેમીઓના આત્મા ભાવવિભોર થઈ જાય છે ! આજે સર્વત્ર સ્વાર્થ, પ્રપંચ, માત્ર પૈસાનું જ ધ્યેય, વિષય-ક્ષાર્થીની અત્યંત આસક્તિ વગેરે લગભગ બધે ફેલાઈ ગયાં છે પણ આવા ધર્મપ્રેમીઓ, સાધકો, આરાધકો, પરોપકારી, ગુણી જીવો પણ ઘણાં સંઘોમાં હોય છે ! આપણા આત્માને પ્રેરણા કરતા આવા સત્ય પ્રસંગો ઘણાં બધાંને ગમે છે. આ આરાધકો જેવાં જ આપણે પણ માનવી છીએ ! પુરૂષાર્થથી આપણામાં પણ આવી વધતી-ઓછી આરાધના જરૂર આવે. પૂજા, વ્યાખ્યાન, સામાયિક, તત્ત્વ-અભ્યાસ આટલું તો મેળવવું બધા જ શ્રાવકો માટે જરૂરી ગણાય. આથી ભર્વાભવ તમને પણ પ્રાયઃ જિનશાસન, આરાધક-ભાવ, ધર્મસામગ્રી વગેરે મળશે. પોતાનાથી આરાધના ન થાય તેઓ પણ જો આવા ધર્મીઓની ભાવથી અનુમોદના કરે તો આરાધના વહેલી મોડી જીવનમાં આવે. નોકરી કરનારને કંપની તરફથી અમેરિકા જવા મળે તો શું કરે ? થોડું – ઘણું કમાઈ લે કે ફરે ? ધર્મે તમને અનંતકાળે જિનશાસન આપ્યું છે. હવે શું કરવું છે - આત્મકમાણી કરવા ધર્મ ? કે પશુની જેમ તુચ્છ ભોગવિલાસ, સ્વાર્થ વગેરે ? અનેક સાધુ ભગવંતો, શ્રાવકો વગેરેએ ઉદારતાથી પ્રસંગો અમને મોકલી સુંદર પરોપકાર કર્યો છે. તેઓની અનુમોદના... જૈન આદર્શ પ્રસંગો-૧૪ ૨Page Navigation
1 2 3 4 5 6 7 8 9 10 11 12 13 14 15 16 17 18 19 20 21 22 ... 48
