________________
જ છે ! તારામા બધી તાકાત છે ! તારા સેવકની ભાવના પૂરી કર !” બસ, રસ્તામાં જે મળે તેને પૂછે, “ભાઇ! લોલાડા જવું છે; કોઇ સાધન છે ?” એમ કરતાં, બસ સ્ટેન્ડે પહોંચ્યા. કોઇ સાધન ન મળ્યું. છતાં દાદા પર પૂરી શ્રધ્ધા હતી. દાદા મારા અંતરના અરમાન જરૂર પૂરશે ! સ્ટેન્ડે ઊભા રહ્યા. થોડી જ ક્ષણોમાં એક જીપ આવીને એમની પાસે ઊભી રહી ! તેમણે પૂછ્યું, “કાકા ક્યાં જવું છે ? ” “મારે લોલાડા જવું છે.” “ચાલો બેસી જાવ, હું ત્યાં જ જઉં છું, વળી ત્યાંથી હું કલાકમાં પાછો અહીં જ આવવાનો છું તમને લેવા આવીશ.” બેસી ગયા. ત્યાં પહોંચ્યા. ગુરુ મહારાજને મળ્યાં. વંદનની ભાવના ફળી. અડધો કલાક પૂ. શ્રી સાથે ધર્મવિચારણા કરી જીપમાં પાછા પણ આવી ગયા ! ભગવાન શ્રી શંખેશ્વર દાદા ઉપરની પૂર્ણ શ્રધ્ધાએ ચમત્કાર કર્યો ! ધર્મની સાચી ભાવના ફળ્યા વગર રહેતી નથી.
૩૯. ધર્માનુરાગી બાળા મૈત્રી અમદાવાદના ખાનપુરની વતની છે. તેના વિશિષ્ટ પુણ્યની કેટલીક વાતો અહીં કરવી છે. જન્મથી તેણે કાચું પાણી પીધું નથી ! ૧ વર્ષની ઉંમરથી ચઉવિહાર કરે છે ! સાડાબાર વર્ષની ઉંમરે એણે બે પ્રતિક્રમણ મોઢે કરી લીધા !!
તપસ્વીઓના વરઘોડામાં એક દિવસ એ ગઇ હતી. ખૂબ ગરમી હતી. બપોરના બાર વાગી ગયા હતા. મૈત્રીને ખૂબ તરસ લાગી. રડવા માંડી. કોઇએ પૂછતાં તેણે તરસની વાત કરી. પાણી મંગાવી આપ્યું. તેણે કહી દીધું, “હું કાચું પાણી પીતી નથી.” આટલી બાલ ઉંમરે આટલી ભયંકર તરસમાં હું ઉકાળેલું પાણી જ પીશ એવી દઢતા બાળકમાં રહે? ઉકાળેલું પાણી મંગાવી આપ્યું તો જૈન આદર્શ પ્રસંગો-રકુષ્ટિક [ ૯૧]
