________________
ઈશુવાણી
૮૩
શરીરની હાણથી ડરશો નહીં, આત્માની શનિથી ડરજો. કારણ, આત્માની હાનિ થયે શરીર પણ નરકવાસી જ થશે. - એક ઇંડુંય પ્રભુની આજ્ઞા વિના નીચે પડી શકતું નથી; તમારા માથા પરના એકેએક વાળનીય ઈશ્વરને ત્યાં ગણતરી છે. માટે ચિંતા ન કરો.
હું કાંઈ જગતમાં શાંતિ લાવવા જ નથી આવ્યો. રમખાણ મચાવવા પણ આવ્યો છું. બાપ અને દીકરા વચ્ચે, મા અને દીકરી વચ્ચે, સાસુ અને વહુ વચ્ચે વિરોધ ઊભો થશે. સૌથી મોટો ઝઘડો ઘરમાં જ જાગશે. જે મારા કરતાં માની કે બાપની કે દીકરા-દીકરીની કિંમત વધુ સમજશે. તે મને પામવા યોગ્ય નથી. મને અનુસરવું હોય તો તે પોતાનો જૂસ પોતાને જ ખભે મૂકી ચાલ્યો આવે. જે (નાશવંત) જીવનને બચાવવા જશે તે (અવિનાશી) જીવનને ખોશે! પણ મારે માટે જે (નાશવંત) જીવન ખોશે, તેને (અવિનાશી) જીવન મળશે.
તમે દુનિયાના દીવા છો. લોકો દીવો પેટાવીને ટોપલા નીચે નથી મૂકતા, પણ દીવી ઉપર મૂકે છે; ત્યારે તે ઘરનાં બધાંને અજવાળું આપે છે. એ જ રીતે તમારો પ્રકાશ લોકો આગળ પડવા દો, જેથી તેઓ તમારાં સારાં કૃત્ય જોઈને તમારા પરમપિતાનાં યશોગાન ગાય.
પ્રભુનું ધામ રાઈના દાણા જેવું છે. દેખાવમાં તો એ ઝીણામાં ઝીણું છે; પણ જ્યારે ઊગે છે ત્યારે મોટું વૃક્ષ થાય છે, અને કેટલાંયે પક્ષીઓનું આશ્રયસ્થાન બને છે. વળી પ્રભુનું ધામ ખમીરના જેવું છે, જેનો થોડોક અંશ ઘણા
