Davinder Satva

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 10

ਦੇਵਿੰਦਰਸਤਵ
ਪ੍ਰਸਤਾਵਨਾ ਤਿੰਨ ਲੋਕ ਦੇ ਗੁਰੂ, ਗੁਣਾ ਨਾਲ ਸੰਪੂਰਨ, ਦੇਵਤਿਆਂ ਅਤੇ ਮਨੁਖਾਂ ਨਾਲ ਪੂਜਿਤ, ਰਿਸ਼ਵ ਪ੍ਰਭੂ ਜਿਨਵਰ ਅਤੇ ਆਖਰੀ ਤੀਰਥੰਕਰ ਮਹਾਂਵੀਰ ਨੂੰ ਨਮਸ਼ਕਾਰ ਕਰਕੇ ਨਿਸ਼ਚੇ ਹੀ ਆਗਮ ਦਾ ਜਾਣਕਾਰ ਕੋਈ ਉਪਾਸਕ ਸਵੇਰ ਦੇ ਸਮੇਂ, ਜਿਹਨਾਂ ਨੇ ਅਹੰਕਾਰ ਨੂੰ ਜਿੱਤ ਲਿਆ ਹੈ ਅਜਿਹੇ ਵਰਧਮਾਨ ਦੀ ਮਨੋਹਰ ਉਪਾਸ਼ਨਾ ਕਰਦਾ ਹੈ ਅਤੇ ਉਸ ਉਪਾਸਨਾ ਕਰਦੇ ਹੋਏ ਉਪਾਸਕ ਦੀ ਪਤਨੀ ਸੁਖ ਪੁਰਵਕ ਸਾਹਮਣੇ ਬੈਠੀ ਹੋਈ ਸਮਭਾਵ ਦੇ ਨਾਲ ਦੋਹੇਂ ਹੱਥ ਜੋੜਕੇ ਉਸ ਵਰਧਮਾਨ ਦੀ ਸਤੁਤੀ ਸੁਣਦੀ ਹੈ। ॥1-3॥
ਤਿਲਕ ਰੂਪੀ ਰਤਨ ਅਤੇ ਸੁਭਾਗ ਦੇ ਚਿੰਨ੍ਹ ਨਾਲ ਸੁਸ਼ੋਭਿਤ ਇੰਦਰ ਦੀਆਂ ਪਤਨੀਆਂ ਨਾਲ ਅਸੀਂ ਵੀ, ਜਿਹਨਾਂ ਨੇ ਅਹੰਕਾਰ ਨੂੰ ਨਸ਼ਟ ਕਰ ਦਿਤਾ ਹੈ ਅਜਿਹੇ ਵਰਧਮਾਨ ਦੇ ਚਰਨਾ ਵਿੱਚ ਮਸਤਕ ਝੁਕਾ ਕੇ ਨਮਸਕਾਰ ਕਰਦੇ ਹਾਂ। ॥4॥
ਵਿਨੈ ਨਾਲ ਪ੍ਰਨਾਮ ਕਰਨ ਦੇ ਕਾਰਨ ਢਿੱਲੇ ਹੋ ਗਏ ਦੇਵਤਿਆਂ ਦੇ ਮੁਕਟ ਅਤੇ ਅਦੂਤੀ ਜਸ ਵਾਲੇ, ਕਰੋਧ ਨੂੰ ਸ਼ਾਂਤ ਕਰਨ ਵਾਲੇ ਵਰਧਮਾਨ ਦੇ ਚਰਨਾਂ ਵਿੱਚ ਨਮਸ਼ਕਾਰ ਕੀਤਾ ਗਿਆ ਹੈ। ॥5॥
ਜਿਨ੍ਹਾਂ ਗੁਣਾ ਦੇ ਰਾਹੀਂ 32 ਦੇਵਿੰਦਰ ਪੂਰੀ ਤਰ੍ਹਾਂ ਹਰਾ ਦਿੱਤੇ ਹਨ ਇਸ ਲਈ ਉਹਨਾਂ ਕਲਿਆਨ ਭਾਰੀ ਚਰਨਾ ਦੀ ਸੁੰਦਰਤਾ ਦਾ ਧਿਆਨ ਕਰਦੇ ਹਾਂ। ॥6॥ 32 ਦੇਵਿੰਦਰਾਂ ਦੇ ਵਿਸ਼ੇ ਬਾਰੇ ਪ੍ਰਸ਼ਨ
ਉਹ ਉਪਾਸ਼ਕ ਦੀ ਪਤਨੀ ਅਪਣੇ ਪਤੀ ਨੂੰ ਆਖਦੀ ਹੈ, “ਇਸ ਪ੍ਰਕਾਰ ਜੋ 32 ਦੇਵਿੰਦਰ ਆਖੇ ਗਏ ਹਨ ਉਹਨਾਂ ਦੇ ਸੰਬਧ ਵਿੱਚ ਮੇਰੇ ਪ੍ਰਸ਼ਨ ਦੀ ਖਾਸ ਵਿਆਖਿਆ ਕਰੋ”। ॥7॥