Dashvaikalaik Sutram

Author(s): Aatmaramji Maharaj, Shivmuni
Publisher: Aatm Gyan Shraman Shiv Agam Prakashan Samiti

Page 548

सुकडित्ति सुपक्कित्ति, सुच्छिन्ने सुहडे मडे। सुनिट्ठिए सुलट्ठित्ति, सावजं वजए मुणी॥ [दश.अ.७गा.४१] से भिक्खू वा भिक्खुणी वा जहा वेगइयाई रूवाइं पासेज्जा तंजहा-वप्पाणि वा, जाव भवणगिहाणि वा, तहावि ताई णो एवं वदेज्जा तंजहा, सुकडे इवा, सुट्ट कडे इ वा, साहु कडे इवा, कल्लाणे इ वा, करणिज्जे इ वा। एयप्पगारं भासं सावज्जं जाव णो भासेज्जा। [७८४सू.] (अ.१३उ.२) तहेव मणुसं पसं पक्खिं वा वि सरीसिवं। थूले पमेइले वझे, पाइमि त्ति अनो वए। [दश.अ.७गा.२२] गोणं वा, महिसं वा, मिगं बा, पसुं वा, पक्खिं वा, जलयरं वा सेत्तं परिवूढकायं पेहाए णो एवं वदेजा थुल्ले ति वा, पमेतिले ति वा, वट्टे ति वा, वझे ति वा, पाइमे ति वा / एयप्पगारं भासं सावजं जाव णो भासेज्जा। [७८८सू.] (अ.१३३.२) परिवुड्ढे त्ति णं बूआ, बूआ-उवचिए त्ति / संजाए पीणिए वा वि, महाकाय त्ति आलवे॥ [दश.अ.७गा.२३] से भिक्खू वा भिक्खुणी वा मणुस्सं जाव जलयरं वा से तं परिवुढकायं पेहाए एवं वदेजा परिवूढकाए ति वा, उवचितकाए ति वा, उवचितमंससोणिए ति वा, बहुपडिपुण्णइंदिए ति वा, एयप्पगारं भासं असावजं जाव णो भासेज्जा। .. . [७८९सू.] (अ.१३उ.२) तहेव गाओ दुज्झाओ, दम्मा गोरहग त्ति अ। वाहिमा रहजोगि त्ति, नेवं भासिज पण्णवं। [दश.अ.७गा.२४] से भिक्खू वा भिक्खुणी वा / विरूवरूवाओ गाओ पेहाए णो एवं वदेज्जा, तंजहा, गाओ दोज्झा ति वा, दम्मा इ वा गोहरा, वाहिमाति वा रहजोग्गाति वा। एयप्पगारं भासं सावजं जाव णो भासेज्जा। [७९०सू.] (अ.१३३.२) 487 ] दशवैकालिकसूत्रम् [परिशिष्टम्