Charanoni Seva Nit Nit Chahu

Author(s): Padmaratnasagar
Publisher: Mahavir Jain Aradhana Kendra Koba

Page 242

ભૂલોનો ભાવપૂર્વક મિચ્છામિ દુક્કડમ માગું છું. હે જિનેશ્વર! “અણમોએમિ' દિવસ દરમ્યાન વિશ્વમાં જે કોઈ પણ સત્કાર્યો થયા હોય તે બધાની સાચા દિલથી અનુમોદના કરું છું. હે પરમેશ્વર! “વંદામિ' પરમ વંદનીય એવા પંચ પરમેષ્ઠી ભગવંતોના પાવન ચરણારવિંદમાં મસ્તક નમાવીને ભૂત, ભાવિ, વર્તમાનના ત્રણ કાળના અનંતાનંત પરમેષ્ઠી ભગવંતોને વંદન કરું છું સાચા દિલથી તેમનું શરણ સ્વીકારું છું. ચત્તારિ મંગલ આદિ ગાથાઓ બોલવી પછી બાર નવકાર ગણવા માથે મલ્લિનાથ, કાને કુંથુનાથ, હૈયે પાર્શ્વનાથ, સહાય કરે શાંતિનાથ. એ ચારેને હાથ જોડવા કર્યા કર્મ તોડવા. આદીશ્વર ભગવાનને દેહરે, સોનાનું કોડીયું રૂપાની વાટ. આદીશ્વર ભગવાનનું ધ્યાન ધરું તો સુખે જાય રાત. શિયળ મારે સંથારે, જ્ઞાન મારે ઓશીકે, ભર નિદ્રામાં કાળ કરું તો આહાર ઉપધિ ને દેહ સર્વે મારે વોસિરે વોરિસે વોસિરે. નવકાર મારો ભાઈ, આપણા બેઉની સાચી સગાઈ; અંતકાળે આવી જા, મોક્ષમાર્ગ બતાવી જા. આહાર શરીર ને ઉપધિ, પચ્ચખું પાપ અઢાર; મરણ થાય તો વોસિરે, જીવું તો આગાર.
ભાવવાહી નૂતન ગીતો
ર૩૪