Bharti Dharma Vich Mukti

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 11

ਅਨੁਵਾਦਕਾਂ ਵੱਲੋਂ ਬੇਨਤੀ:
ਜੈਨ ਅਚਾਰੀਆ ਡਾ: ਸ਼ਿਵ ਮੁਨੀ ਜੀ ਮਹਾਰਾਜ ਸਥਾਨਕ ਵਾਸੀ ਸ਼ਵੇਤਾਂਬਰ ਪ੍ਰੰਪਰਾ ਦੇ ਚੋਥੇ ਅਚਾਰੀਆ ਦੇ ਨਾਲ ਨਾਲ ਮਹਾਨ ਵਿਦਵਾਨ ਹਨ। ਆਪ ਦਾ ਜਨਮ 18 ਸਤੰਬਰ 1942 ਨੂੰ ਮਲੋਟ ਮੰਡੀ ਜ਼ਿਲ੍ਹਾ ਫਰੀਦਕੋਟ ਵਿਖੇ ਮਾਤਾ ਵਿਦਿਆ ਦੇਵੀ ਜੈਨ ਅਤੇ ਪਿਤਾ ਸ਼੍ਰੀ ਚਿਰੰਜੀ ਲਾਲ ਜੈਨ ਦੇ ਘਰ ਹੋਇਆ। ਬਚਪਨ ਤੋਂ ਹੀ ਆਪ ਨੂੰ ਸੰਸਾਰ ਨਾਲ ਕੋਈ ਮੋਹ ਨਹੀਂ ਸੀ। ਆਪ ਛੋਟੀ ਉਮਰ ਵਿੱਚ ਹੀ ਜੈਨ ਮੁਨੀਆਂ ਦੇ ਸੰਪਰਕ ਵਿੱਚ ਆ ਗਏ ਸਨ। ਘਰ ਵਿੱਚ ਰਹਿ ਕੇ ਆਪ ਨੇ ਡਬਲ ਐਮ. ਏ. ਕੀਤੀ ਅਤੇ ਫੇਰ ਡੂੰਘੇ ਵੈਰਾਗ ਕਾਰਨ 17 ਮਈ 1972 ਨੂੰ ਆਪ ਨੇ ਅਚਾਰੀਆ ਆਤਮਾਂ ਰਾਮ ਜੀ ਦੇ ਵਿਦਵਾਨ ਚੇਲੇ ਸ਼੍ਰੋਮਣ ਸੰਘ ਦੇ ਸਲਾਹਕਾਰ ਸ਼੍ਰੀ ਗਿਆਨ ਮੁਨੀ ਜੀ ਮਹਾਰਾਜ ਤੋਂ ਸਾਧੂ ਜੀਵਨ ਗ੍ਰਹਿਣ ਕੀਤਾ।
ਦੀਖਿਆ ਤੋਂ ਬਾਅਦ ਆਪ ਜੀ ਦਾ ਪਹਿਲਾ ਚੋਮਾਸਾ ਮਾਲੇਰਕੋਟਲਾ ਵਿਖੇ ਹੋਇਆ ਇਸੇ ਚੋਮਾਸੇ ਵਿੱਚ ਸਾਡੀ ਮੁਲਾਕਾਤ ਇੱਕ ਨੋਜਵਾਨ ਪੜ੍ਹੇ ਲਿਖੇ ਸਾਧੂ ਨਾਲ ਹੋਈ ਜਿਸ ਦਾ ਨਾਂ ਮੁਨੀ ਸ਼ਿਵ ਕੁਮਾਰ ਸੀ। ਇਸ ਤੋਂ ਪਹਿਲਾਂ ਜੈਨ ਸਮਾਜ ਵਿੱਚ ਕਿਸੇ ਵਿਅਕਤੀ ਨੇ ਏਨ੍ਹੀ ਪੜ੍ਹਾਈ ਕਰਨ ਤੋਂ ਬਾਅਦ ਸਾਧੂ ਜੀਵਨ ਗ੍ਰਹਿਣ ਨਹੀਂ ਕੀਤਾ। ਸਾਨੂੰ ਆਪ ਦੇ ਰੂਹਾਨੀ ਨੂਰ ਪ੍ਰਤੀ ਇੱਕ ਅਧਿਆਤਮਿਕ ਆਕਰਸ਼ਨ ਹੋ ਗਿਆ। ਅਸੀਂ ਰੋਜ਼ਾਨਾ ਦੁਪਿਹਰ ਨੂੰ ਜੈਨ ਸਥਾਨਕ ਵਿੱਚ ਆਪ ਜੀ ਦੇ ਦਰਸ਼ਨ ਅਤੇ ਧਰਮ ਚਰਚਾ ਕਰਨ ਜਾਂਦੇ। ਕਈ ਵਾਰ ਸਾਨੂੰ ਜਾਪਿਆ ਕਿ ਨਵੇਂ ਬਣੇ ਜੈਨ ਮੁਨੀ ਗਿਆਨ ਪ੍ਰਤੀ ਬਹੁਤ ਅਭਿਲਾਸ਼ੀ ਹਨ। ਅਸੀਂ ਆਪ ਜੀ ਨੂੰ ਬੇਨਤੀ ਕੀਤੀ ਕਿ ਆਪ ਐਮ. ਏ. ਤਾਂ ਹੋ ਜੇ ਆਪ ਪੀ. ਐਚ. ਡੀ ਕਰ ਲਵੋਂ ਤਾਂ ਆਪ ਸੰਸਾਰ ਦੇ ਧਰਮਾਂ ਦਾ ਤੁਲਨਾਤਮਕ ਅਧਿਐਨ ਕਰ ਲਵਾਂਗੇ। ਸਾਡੀ ਗਲ ਪ੍ਰਤੀ ਮੁਨੀ ਜੀ ਨੇ ਹਾਮੀ ਭਰੀ ਅਸੀਂ ਪੰਜਾਬੀ ਯੂਨਿਵਰਸਿਟੀ ਦੇ ਧਰਮ ਅਧਿਐਨ ਵਿਭਾਗ ਦੇ ਰਿਡਰ ਪ੍ਰਸਿੱਧ ਬੋਧ ਵਿਦਵਾਨ ਡਾ: ਐਲ. ਐਮ. ਜੋਸ਼ੀ ਨਾਲ ਇਸ ਵਿਸ਼ੇ ਤੇ ਚਰਚਾ ਕੀਤੀ। ਡਾ: ਐਲ. ਐਮ. ਜੋਸ਼ੀ ਕੋਲ ਉਸ ਸਮੇਂ ਇੱਕ ਜਰਮਨ ਦਾ ਬੋਧ ਭਿਕਸ਼ੂ ਪੀ. ਐਚ. ਡੀ ਕਰ ਰਿਹਾ ਸੀ। ਉਨ੍ਹਾਂ ਸਾਰੀ ਗਲ ਸੁਣ ਕੇ ਆਖਿਆ
VIII