Apbhramsa Bharti 1993 03 04

Author(s): Kamalchand Sogani, Gyanchandra Khinduka, Chhotelal Sharma
Publisher: Apbhramsa Sahitya Academy

Page 87

18
अपभ्रंश-भारती-3-4
___ सो सुवण्णयारु भएण कंपमाणु एत्तहे-तेत्तहे अवलोएंतु मग्गि आवणवीहीहिं गच्छंतु जइयहं सागवावारी हट्टसमीव आगउ तइयहुं केण जणेण पक्कचिब्भडु बाहिर पक्खित्तु, तं तु तासु सुवण्णयारस्सु पिट्ठभागे लग्गिउ। तेण णाउ केणावि हउं पहरिउ।पिट्ठदेसि हत्थे फासेइ, तेत्थु चिब्भडस्सु रसु बीआइं च फासेवि विआरिउ-अहो! हउं गाढयरु पहरिउ म्हि। तेण घाएण समउ सोणिउ पि निग्गउ, तासु मझे कीडगा वि समुप्पन्ना। एम अच्चंतभयाउलो तुरन्तें गच्छंतु घरदारे समागउ।
पिहिउ घरदारु पासिवि नियभज्जा आहवणहो उच्चसरे कहेइ - "हे मयणस्सु माया ! दारु उग्घाडे, दारु उग्घाडे।" सा अब्भंतरि थिया सुणंती वि असुणंती व किंचि कालु थिआ। अइ अक्कोसणे सा आगच्छिवि दारु उग्घाडिउ एम पुच्छइ - "किं अइ अक्कोससि ?" सो भयभंतु गिहि पविसिउ भज्जा कहेइ - "दारु तुरन्तें पिहाहि तालगु पि देसु।" ताए सव्वु करिवि पुट्ट - "किं एव नग्गु जाउ?" तेण वुत्तु - "अब्भंतरि अववरइ चलि, पच्छा मई पुच्छ।" गिहसु अंते अववरइ गमेवि निच्चिंतु जाउ। ताए पुणु वि पुट्ठ - "किं एम नग्गु आगउ?" तेण कहिउ - "चोरहिं लुंठिउ, सव्वु अवहरेवि नग्गु कउ।" सा कहेइ - "पुव्वि मई कहिउ - "हे सामि ! पइं एव मज्झरत्तिहिं मंजूसा गहेवि ण आगच्छेव्वउं, तइंण मण्णिउ तेण एम जाउ।" सो कहेइ - "हडं महाबलिट्ठ वि किं करउं ? जइ पंच-छ वा चोरा आगया होज्जा तावेहिं ता सव्वा हउं जाएवं समत्थु, एइ उ सउ थेणा आगया, तेण हउं तहिं सहुं जुज्झमाणु पराजिउ, सव्वु लुंठेवि नग्गु किउ, पिट्ठदेसु य असिएं हउं पहरिउ। पासे पिट्ठदेसु, घाएण समउ कीडगावि उप्पन्ना।"
ताए तासु पिट्ठदेसु पासि णाउ-चिब्भडस्सु रसु बियाइं च इमाई संति। भत्तारहो वि कहिउ-"सामि ! भयभंतेण पई एम जाणिउ - 'केण वि हडं पहरिउ एम तावेहिं सोणित निग्गउ, तेत्थु य कीडगा वि समुप्पन्ना' तं णउ सच्च। तहुं चिब्भडेण पहरिउ सि, तासु रसु बीयाइं च पिट्ठदेसि लग्गाई ति।" तओ (तो) तहो देहपक्खालणस्सु सा जल गहेप्पिणु आगया, नियपइ देहसुद्धि करेवि परिहाणवत्थ अप्पणि ताई चेव वत्थाई अप्पेइ। सो ताई वत्थाई पासि धिट्ठतणेण कहेइ - हुं, हुं, मई तावेहिं च्चिय तुहं णाया, मई चिंतिउ - महु भज्जा किं करेइ ? तेण हर्ड भयभंतो इव तेत्थु थिउ, सव्वाहरणु उवेक्खिउ अण्णहा महु अग्गए इत्थी का सत्ती ? सा कहेइ - " हे भत्तार ! तउ बलु मई तामहिं चेव णाउ, तुई गेहि सूरु अत्थि, तेण अज्जयणाहु तइंमज्झरत्तिहिं मंजूसा गहि कयाविणउ आगच्छेव्वउं" ति भज्जा-वयणु सो अंगीकरेइ।