Book Title: Agam 24 Chausaranam Padhamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 3
________________ बालब्रह्मचारी श्री नेमिनाथाय नमः नमो नमो निम्मलदंसणस्स ॐ ह्रीं नमो पवयणस्स |चउसरणं - पढमं पइण्णयं [१] सावज्जजोगविरई उक्कित्तण गुणवओ अ पडिवत्ती । खलिअस्स निंदणा वणतिगिच्छ गुणधारणा चेव ।। चारित्तस्स विसोही कीरइ सामाइएण किल इहयं । सावज्जेयरजोगाण वज्जणाऽऽसेवनत्तणओ ।। दंसणयारविसोही चठवीसायत्थएण किच्चइ य । अच्चब्भुअ गुणकित्तण रूवेण जिनवरिंदाणं ।। नाणाईआ 3 गुणा तस्संपन्नपडिवत्तिकरणाओ । वंदणएणं विहिणा कीरइ सोही उ तेसिं तु ।। खलिअस्स य तेसिं पुणो विहिणा जं निंदणाइ पडिकमणं । तेण पडिक्कमणेणं तेसिं पि अ कीरए सोही ।। चरणाइयाइयाणं जहक्कम वणतिगिच्छरुवेणं । पडिकमणासुद्धाणं सोही तह काउसग्गेणं ।। गुणधारणरूवेणं पच्चक्खाणेण तवऽईयारस्स | विरियायारस्स पुणो सव्वेहि वि कीरए सोही ।। गय वसह सीह अभिसेय दाम ससि दिनयरं झयं कुंभं । पउमसर सागर विमानभवन रयणुच्चय सिहिं य ।। अमरिंद नरिंद मुणिंद वंदियं वंदिउं महावीरं । कुसलानुबंधि बंधुर-मज्झयणं कित्तइस्सामि ।। चठसरणगमन दुक्कड-गरिहा सुकडाऽनुमोअणा चेव । एस गणो अनवरयं कायव्वो कुसलहेउ ति ।। [११] अरिहंत सिद्ध साहू केवलिकहिओ सुहावहो धम्मो | एए चउरो चउगइ-हरणा सरणं लहइ धन्नो ।। अह सो जिनभत्ति भरुत्थरंतरोमंचकंचुअकरालो । पहरिसपणउम्मीसं सीसंमि कयंजली भणइ ।। रागद्दोसारीणं हंता कम्मगट्ठगाइअरिहंता । विसयकसायारीणं अरिहंता हंतु मे सरणं ।। [१४] रायसिरिमवक्कसित्ता तवचरणं दुच्चरं अनुचरिता । केवलसिरिमरहंता अरहंता इंतु मे सरणं ।। [१५] थुइवंदनमरहंता अमरिंद नरिंदपुयमरहंता । सासयसुहमहता अरहता हतु में सरणं ।। [दीपरत्नसागर-संशोधितः] [2] [२४|चसरणं]Page Navigation
1 2 3 4 5 6
