________________ श्रीभगवत्यङ्ग श्रीअभय वृत्तियुतम् भाग-२ // 780 // वद्धणप्पग(ब्भु)ब्भ-वप्पभाविणीओ मणाणुकूल-हियइच्छियाओ अट्ठ तुज्झ गुणवल्लहाओ उत्तमाओ निच्चं भावाणुत्तरसव्वंगसुंदरीओभारियाओ, तंभुंजाहि ताव जाया! एताहिं सद्धिं विउले माणुस्सए कामभोगे, तओपच्छा भुत्तभोगी विसयविगयवोच्छिन्नकोउहल्ले अम्हेहिं कालगएहिंजाव पव्वइहिसि / 18 तएणं से जमाली खत्तियकुमारे अम्मापियरो एवं वयासी- तहाविणं तं अम्म! ता(या)ओ! जन्नं तुझे मम एवं वयह इमाओ ते जाया विपुलकुलजावपव्वइहिसि, एवं खलु अम्म! ताओ! माणुस्सय(स्सगा)कामभोगा असुई असासया वंतासवा पित्तासवा खेलासवा सुक्कासवा सोणियासवा उच्चार पासवण-खेलसिंघाणग-वंत-पित्तपूय-सुक्क-सोणियसमुब्भवा अमणुन्नदुरूव-मुत्त-पूइयपुरीसपुन्ना मयगंधुस्सासअसुभनिस्सासा उव्वेयणगा बीभत्था अप्पकालिया लहूसगा कलमलाहिया सदुक्खबहुजणसाहारणा परिकिलेस-किच्छ-दुक्खसज्झा अबुहजणणिसेविया सदा साहुगरहणिज्जा अणंतसंसारवद्धणा कडुगफलविवागा चुडलिव्व अमुच्चमाणदुक्खाणुबंधिणो सिद्धिगमणविग्घा, से के स णं जाणति अम्म ता(या)ओ! के पुव्विंगमणयाए के पच्छा गमणयाए?, तं इच्छामि णं अम्म ता(या)ओ! जाव पव्वइत्तए। 19 तए णं तं जमालिं खत्ति० अम्मापियरो एवं व०- इमे यते जाया! अज्जय-पज्जय-पिउपज्जयागए बहु हिरन्ने य, सुवन्ने य, कंसे य, दूसे य, विउलधणकणग-जाव संतसारसावएजे अ(आ)लाहि जाव आसत्तमाओ कुलवंसाओ पकामं दाउं, पकामं भोत्तुं, पकामं परिभाएर, तं अणुहोहि ताव जाया! विउले माणुस्सए इडिसक्कारसमुदए, तओ पच्छा (अणु) हूयकल्लाणे वडियकुलतंतु(कुलवंश) जाव पव्वइहिसि / 20 तएणं से जमाली खत्तियकुमारे अम्मापियरो एवं व०-तहाविणं तं अम्मताओ! जन्नं तुझे ममं एवं वदह- इमंच तेजाया! अजग-पज्जगजाव पव्वइहिसि, एवं खलु अम्मताओ! हिरन्ने यसुवन्ने यजाव सावएजे अग्गिसाहिए चोरसाहिए रायसाहिए मचुसाहिए दाइयसाहिए अग्गिसामन्ने जाव दाइयसामन्ने अधुवे अणितिए असासए पुव्विं वा पच्छा वा अवस्सविप्पजहियव्वे ९शतके उद्देशक: 33 ब्राह्मणकुण्डग्रामाधिकारः। सूत्रम् 384 जमालेर्मातृपितृनिवेदन हिरण्यादिपरिभोगाग्रहाशाश्वतकथनादिपरस्परसंवाददीक्षाऽनुमत्यादि। // 780 //
