________________ श्रीभगवत्यङ्गं श्रीअभय वृत्तियुतम् भाग-२ // 778 // अब्भणुन्नाए समाणे समणस्स भ० म० अंतियं मुंडे भवित्ता आ(अ)गाराओ अणगारियं पव्वइत्तए। 13 तए णं सा जमालिस्स खत्ति० माता तं अणिटुं अकंतं अप्पियं अमणुन्नं अमणामं असुयपुव्वं गिरं सोच्चा निसम्म सेयागय-रोमकूव-पगलंत-विलीणगत्ता सोगभरपवेवियंगमंगी नित्तेया दीणविमणवयणा करयलमलियव्व कमलमाला तक्खणओलुग्ग-दुब्बल-सरीर-लायन्न-सुन्ननिच्छाया गयसिरीया पसिढिल-भूसण-पड़तखुण्णि-यसंचुन्निय-धवलवलय-पन्भट्ठउत्तरिजा मुच्छावस-णट्ठ-चेत-गु(ग)रुईसुकुमाल-विकिन्न-केसहत्था परसुणिय(क)त्त व्व चंपगलया निव्वत्तमहे व्व इंदलट्ठी विमुक्कसंधिबंधणा कोट्टिमतलंसि धसत्ति सव्वंगेहिं संनिवडिया, तएशंसा जमालिस्स खत्ति० माया ससंभमोय(व) त्तियाए तुरियं कंचणभिंगार-मुह-विणिग्गय-सीयलविमलजल-धारा-परिसिंच(सिच्च)माणनिव्व(व्वा)विय गायलट्ठी उक्खेवय-तालियंट-वीयणग-जणिय-वाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालिं खत्ति एवंव. तुमंसिणंजाया! अम्हं एगे पुत्ते इट्टे कंते पिए मणुन्ने मणामे थेन्जे वेसासिए संमए बहुमए अणुमए भंडकरंडगसमाणे रयणे रयणब्भूए जीविऊस(यउस्स)विये हियया(य)नंदिजणणे उंबरपुष्फमि(पुष्पं पि)व दुल्लभेसवणयाए किमंग पुण पासणयाए?,तं नोखलु जाया! अम्हे इच्छामो तुझं खणमवि विप्पओगं, तं अच्छाहि ताव जाया! जाव ताव अम्हे जीवामो, तओ पच्छा अम्हेहिं कालगएहिं समाणेहिं परिणयवये(ओ) वड्डियकुलवंस-तंतुकज़मि निरवयक्खे समणस्स भ० म० अंतियं मुंडे भवित्ता आगाराओ अणगारियं पव्वइहिसि / 14 तए णं से जमाली खत्ति० अम्मापियरो एवं व०-तहाविणं तं अम्म! ताओ! जण्णं तुज्झेमम एवं वदह तुमंसिणंजाया! अम्हं(म्हे) एगे पुत्ते इडे कंते तं चेव जाव पव्वइहिसि, एवं खलु अम्म! ताओ! माणुस्सए भवे अणेग-जाइ-जरामरण-रोग-सारीरमाणुस्सए(माणस प) काम-दुक्ख-वेयण-वसण-सतोवद्दवा-भिभूए अधुए अणितिए असासए संज्झन्भरागसरिसे जलबुब्बुदसमाणे कुसग्गजलबिंदु ९शतके उद्देशक: 33 ब्राह्मणकुण्डग्रामाधिकारः। सूत्रम् 384 जमालेर्मातृपितृनिवेदन हिरण्यादिपरिभोगाग्रहाशाश्वतकथनादिपरस्परसंवाददीक्षाऽनु मत्यादि। // 778 //
