________________
हित्ति भणिया ते य सुद्धवासा आणिज्जमाणा कुसुंभरागरत्ता इव अंतरे संजाया उप्पायदोसेण, पभावईए अदाए मुहं णिरि
खंतीए ते वत्था पणामिया, ततो रुट्ठा पभावती भणइ, देवयाययणं पविसंतीए किं मे अमंगलं करेसित्ति ? किमहं वासघरपवेसणित्ति अद्दाएणं दासचेडी संखावत्ते आहया, मया दासचेडी, खणेण वत्थावि साभाविया जाया, पभावती चिंतेति अहो ! मे णिरवराहावि दासचेडी वावातिया, चिराणुपालियं च थूलगपाणातिवायवयं भग्गं, एसो वि मे उप्पाउत्ति, तओ रायाणं विष्णवेइ, तुम्भेहि अणुण्णाया पवज्ज अब्भुडेमि मा अपरिचत्तकामभोगामरामित्ति, रण्णा भणिय जइ मे सद्धम्मो बोहेहिसित्ति, तीए अभुवगर्य, णिक्खता, छम्मासं संजमं अणुपालेत्ता आलोइयपडिकता मया, उचवन्ना वेमाणिएम, तओ पासित्ता पुत्वभवं पुत्वाणुरागेण संसारविमोक्खणत्थं च बहुहिं वेसंतरेहिं रणो जिणधम्मं कहेइ, रायावि तावसभत्तो तं नो पडिवज्जति, ताहे पभावती देवेण तावसवेसो कओ, पुप्फफलोदगहत्थो रणो समीवगं गओ, अतीच एगं रमणीय फलं रण्णो समप्पियं, रण्णा अग्यायं सुरभिगंधंति, फरिसितं मुफासंति, आलोइय चक्खूणा सरूवंति, आसाइयं अमयरसोवमंति, रण्णा य पुच्छिओ तावसो, कत्थ एरिसा फला संभवंति ? तावसेण भणियं-इतो णाइदूरासण्णे तावसासमे एरिसा फला भवंति, रण्णा लवियं, | दंसेहि मे तं तावसासमं, तया रुक्खे तावसेण भणिय-एहि दुअग्गा वि तं वयामो, दो वि पयाता, राया य मउडादिएण सवालंकारविभूसिओ गओ, पेच्छति य मेहणिगुरवभूयं वणसंडं, तत्य पविट्ठो, दिट्ठो तावसासमो, तावसासमे य पिच्छति, सद्दारे पत्तेग चंद वंद द्विए य मंतमाणे निमुणेइ, एस राया एगागी आगओ, सबालंकारो मारे गेण्हामो से आभरणं, राया भीओ, एत्थतो ओसक्किउमारद्धो, तावसेण य कूवियं, चाह धाह एस पलाओ गेण्ड, ताहे सचे तावसाभिसियगणे तिय
