________________
संवेगरंगसाला
सिद्धस्य स्वरूपं सौख्यं च।
॥७४९॥
सव्वं खवेइ तं पुण, निल्लेवं किंचि दुचरिमए समए । किचि व्व होइ चरिमे, सेलेसीए तयं वोच्छं ॥९७७०॥ मणुयगइजाइतसबाय-रं च पजत्तसुभगमाऽएजं । अन्नयरवेयणिज्ज, नराउमुच्च जसो नाम
॥९७७१॥ संभवओ जिणनाम, नराऽणुपुब्बी य चरिमसमयम्मि। सेसा जिणसंताओ, दुचरिमसमयम्मि निद्दिति ॥९७७२।। ओरालियाऽऽइसव्वाहि, चयइ विप्पजहणाहिं जं भणियं । निस्सेसतया न जहा, देसच्चारण सो पुब्बिं ॥९७७३॥ तस्सोदइया भावा, भव्वत्तं च विणियत्तए समयं । सम्मत्तनाणदंसण-सुहसिद्धत्ताणि मोत्तूर्ण
॥९७७४॥ रिजुसेडिं पडिवनो, समयपएसंऽतरं अफुसमाणो। एगसमएण सिज्झइ, अह सागारोवउत्तो सो ॥९७७५॥ उड्ढं बंधणमुक्को, तहा सहावत्तओ य सो जाइ । जह एरंडस्स फलं, बंधणमुक समुफिडइ
॥९७७६॥ परओ धम्माऽभावा, तस्स गई नत्थि कम्ममुक्कस्स । होइ अधम्मेण ठिई, साइअणतं च से कालं ॥९७७७॥ इह देहतिगं मोत्तुं, सिज्झइ गंतुं तहिं सहावत्यों। चरिमतणुतिभागूणं, अवगाहमुवेइ जीवघणं ॥९७७८॥ ईसीपब्भाराए, सीयाए जोयणेण लोगऽतो। सिद्धाणोगाहणया, उक्कोसं कोसछब्भाओ
॥९७७९॥ तेलोकमत्थयत्थो, सो सिद्धो दव्वपञ्जवसमेयं । जाणइ पासइ भगवं, तिकालजुत्तं जयमऽसेसं ॥९७८०॥ भावे समविसमत्थे, सूरो जुगवं जहा पयासेइ । लोगमलोगं च तहा, निव्वाणगओ पयासेइ ॥९७८१॥ जं नत्थि सबबाहाओ, तस्स सव्वं पि जाणइ जयं जं । जं च निरुस्सुगभावो, परमसुही तेण सुपसिद्धो ॥९७८२॥ परमिड्ढीपत्ताण, मणुजाणं नत्थि तं सुहं लोगे। अव्वाबाहमऽणुवर्म, जं सोक्खं तस्स सिद्धस्स ॥९७८३॥
।७४९॥
