________________
संवेगरंगसाला
सारणाद्वारे उत्पन्नरोगस्य औषधादिमिः शमनम् ।
॥७२६॥
इय अकूखंडविहीए, सारीरबलकखए वि भावबलं । अवलंबिऊण धीरो, करेज कालं पुरिससोहो ॥९४६४॥ आसण्णभाविभद्दो हु, जइ परं कोइ किर महासत्तो। इत्थं कहियकमेण, पुरिसो पाणे परिचय ॥९४६५॥ इय पावजलणजलहर-समाए संवेगरंगसालाए । चउमूलद्दाराए, सोग्गइगमपउणपयवीए
॥९४६६॥ आराहणाए पडिदार-नवगमइए समाहिलामम्मि । भणियं चउत्थदारे, बीयं पडिवत्तिदारमिण ॥९४६७।। पडिवत्तिवओ वि कुओ वि, हेऊओ कहवि होज से खोहो । इय तप्पसमनिमित्तं, सारणदारं णिदंसेमि ॥९४६८॥ संथारगट्ठियस्स वि, कहं पि आराहणुञ्जयस्साऽवि । दढधीसंघयणस्स वि, अमिलसियसुदुक्करस्सावि ॥९४६९॥ पयईए चिय परमं, संसारुव्वेयमुव्वहंतस्स । अच्चतमुत्तरोत्तर-वड्दतसुहाऽऽसयस्साऽवि
॥९४७०॥ खमगस्स महामुणिणो, चिरभवदुच्चिन्नकम्मदोसेण । वायाऽऽइखोमओ वा, निसियणउव्वत्तणाऽऽइसु वा ॥९४७१॥ ऊरूदरसिरकरसवण-वयणदसणऽच्छिपद्विपामोकूखे । अंगे कत्य वि उद्वेज, वेयणा झाणविग्धकरी ॥९४७२॥ तो गुणमणिपडहत्थो, हत्थं पोउ व्व मिजए खमगो। मिन्नो य भीमभवसा-यरम्मि सुइरं परिभमइ ॥९४७३॥ तं च तहा दळूण वि, निजामगसद्दमुब्वहतो वि । कुणइ उवेकख जो किर, निद्धम्मो को तओ अन्नो ॥९४७४॥ निजावगसाहुगुणा, जे पुट्विं वनिया इहं आसि । तेसिस होइ दूरे, खवगमुवेकखेज जो मूढो ॥९४७५।। तो तस्स चिगिच्छाजाण-एहिं साहूहि अप्पणा चेव । वेज्जाऽऽएसेणऽहवा, परिकम्मं होइ कायव्वं ॥९४७६॥ वायकफपित्तपमुहं, कारणमुवलकिखऊण वियणाए। फासुयदव्वेहि करेज्ज, झत्ति विज्झवणमुवउत्तो ॥९४७७।।
॥७२६॥
