________________
संवेगरंगसाला
॥७१३॥
नन्दस्य दर्दुरत्वेन उत्पत्तिः, जिनवन्दनाय गमनं श्रेणिकस्य आगमनं च।
एएसि रोगाणं, एकं पि हु जो ममं पणासेइ । दोगचविच्चुइकर, तस्स बहुं देमि दब्बमऽहं ॥९२८६॥ सोऊणेवं बहवे, चिगिच्छसजा समागया वेजा। पारंभंति तिगिच्छं, हत्थमष्णेगप्पगारेहि
॥९२८७॥ थोवो वि नो विसेसो, उप्पजइ तस्स तो परिस्संतो । लजावसविच्छाया, जहागयं पडिगया वेजा ॥९२८८।। नंदो पुण रोगाऽवेग-वेयणाविहुरिओ मरेऊण । नियपोकूखरिणीए सन्नि-दहरत्तेण उववन्नो ॥९२८९॥ धन्नो गंदो सेट्ठी, जेणेसा कारिय त्ति जणवायं । निसुणतेण य तेणं, नियजाई सुमरिया सहसा ॥९२९०॥ तो सम्वेगोवगतो, मिच्छत्तफलं इमं ति मन्नतो। देसविरइप्पहाणं, पुणो वि अणुसरइ जिणधम्मं ॥९२९१॥ गेण्हइ य इममभिग्गह-मेत्तो छटुं सया वि काहऽमहं । पारणगे भुजिम्स, १फासुगमुबलणिगाइ परं ॥९२९२।। एवं विणिच्छिऊणं, स महप्पा अच्छिउ समारद्वो । अवरम्मि अवसरम्मि, समोसढो तत्थ वीरजिणो ॥९२९३॥ तो पोकखरिणीए जणो, मजतो तीए एवमऽन्नोन्न। जंपइ चलह लहुं चिय, वंदामो जेण जिणवीरं ॥९२९४।। गुणसिलए उजाणे, समोसढं तियसविहियपयपूर्य । सो च दद्दरो इय, संजायाऽतुच्छभत्तिभरो ॥९२९५॥ जिणनाहवंदण?', उक्किट्ठाए गईए निययाए । गुणसिलउजाणं पइ, झडत्ति संपद्वियो गंतुं
॥९२९६॥ अह गुडियकरिघडाऽऽरूढ-सुहडदघडियनिबिडपरिवेढो । तरलतरतुरयपहकर-खरखुरखडियधरावट्ठो ॥९२९७॥ सामंतमंतिसत्थाह-सेडिसेणाहिवेहि परिवरियो। करिकंधराधिरूढो, सिरोवरि धरियसियछत्तो ॥९२९८॥
१ फासुगमुबलणिगाइ = प्रासुकशेवालादि B I
॥७१३॥
पा
