________________
संवेगरंगसाला
सुलसपरिहासवचनेन शिवस्प वैराग्य ।
॥६६७॥
एतो चिय नरयसमुत्थ-तिक्खदुक्खोवहम्ममाणंऽगो। अणुसासिओ सिवेणं, जेट्ठो भाया सुलसनामो ॥८६८६॥ तथाहिनगरम्मि दसन्नपुरे, सुलसो य सिवो य भायरो दोन्नि । निवसंति परोप्परपउर-पणयपडिबद्धदढचित्ता ॥८६८७।। नवरं पढमो अइनिबिड-कम्मगंठित्तणेण जिणधम्मं । सद्दहइ न भन्नतं पि, हेउदिवंतजुत्तीहि ॥८६८८॥ बीओ पुण अइलहुकम्मयाए, पडिवन्नतित्थयरधम्मो । जइपज्जुवासणाऽऽइसु, पयट्टइ सिट्टचेट्ठासु ॥८६८९॥ अच्चतपावपडिबद्ध-माणसं जेद्वभाउगं च सया । अणुसासद कीस करेसि, भाय ! असमंजसाई तुम ॥८६९०॥ कि नो पेच्छसि आउ, सछिड़करकमलकलियसलिलं व । गलमाणमऽणुकखणमंग-चंगिमं पि हु पणस्संति ॥८६९१॥ कि' वा न पेच्छसि सिरि, हायति' सरयमेहसोहं व। विहडंतं पियजणसंग-मं पि सरियातरंग व ॥८६९२॥ किवा न पेकखसि सयं, पइदिणमरमाणमाणवसमहं । विविहाऽऽवयाऽवगाद', महासमुदं व जियलोयं ।।८६९३॥ जेणेयं नरयनिवास-कारणं घोरपावमाऽऽयरसि । उजमसि न थेवं पि हु, तवदाणदयाऽऽइधम्मम्मि ॥८६९४॥ सुलसेण जंपियं मुद्ध!, धुत्तलोगेण विनडिओ तं सि । सोसेसि जो नियतणु', तवसा दुहहेउभूएण ॥८६९५।। वियरसि य किलेसज्जिय-मऽत्थं तित्थाऽऽइएसु णिचपि । जीवदयारसियमणो, ठवसि न चरणं पि धरणीए ।।८६९६॥ एवंविहस्स य तुहं, सिक्खादाणेण नऽत्थि मे कज। को पीडइ अप्पाणं, इय सपरिहासभाउग-बयणाई णिसामि सिवो विलिओ। इममेव य वेरग्गं, समुन्वहंतो सुगुरुपूले ॥८६९८॥
॥६६७॥
