________________
AL
संवेगरंगसाला
देवत्वे कृतविराधमानां क्षामणा ।
॥६५०॥
एत्थ भवे अण्णत्थ व, सयं परेहि च ते वि खामेसु । तिविहंातविहेणं पि हु, स एस तुह खामणाकालो॥८४५५।। तह जे भूयाऽऽईया, सुरा वि मताऽऽदिसत्तिजोगेण । कत्थइ कयाइ कहवि हु, आगरिसित्ता बला चेव ॥८४५६।। कारावणेण आणाऽऽई, पीडिया अहव पत्तमोइन्ना । जे के वि कीलिया ता-डिया व मोयाविया पत्तं ॥८४५७।। एत्थ भवे अन्नत्थ व, सयं परेहि च ते वि खामेसु । तिविहं तिविहेणं पि हु, स एस तुह खामणाकालो॥८४५८॥ इय तिरियमणुयदेवे, मणुयत्तविरहिए खमावेत्ता । खोमेसु खवग ! संपइ, देवत्तविराहिए सम्मं ॥८४५९॥ भवणवईवाणमंतर-जोइसवेमाणियत्तपत्तेणं । नेरइयतिरियमणुया, दूहविया जे य देवा य
॥८४६०॥ मज्झत्थमणो होउ, तिविहं तिविहेण भावओ खवग!। खामेसु संपयं ते, स एस तुह खामणाकालो ॥८४६१॥ तत्यपरमाहम्मियभावं, गएण दुक्खाई बहुपयारेहिं । नेरइयाणं रइयाई, जाई ताई पि खामेसु ॥८४६२॥ उवभोगपरीभोगाऽऽइ-कारणपुढविकायपभिईणं । तन्निस्सियाण बेइं-दियाऽऽइजीवाण तह जं च ॥८४६३॥ देवत्तणम्मि विहियं, विराहणं रागदोसमोहेहि। खामेसु तं पि सम्म, स एस तुह खामणाकालो ॥८४६४॥ जं च किर माणुसाणं पि, वइरनिजायणाऽऽइकज्जेण । अवहरणं बंधवहछेय-भेयधणहरणमरणाऽई ॥८४६५॥ देवत्तणे च्चिय कय, तिखं दुख कसायकलुसेणं । खामेसु त पि सम्मं, स एस तुह खामणाकालो॥८४६६॥ जं च तियसत्तणे च्चिय, महिड्ढियत्तेण इयरदेवाणं । आएसदाणवाहण-ताडणपरिभवकरणपमुहं ॥८४६७॥
॥६५॥
