________________
संवेग
रंगसाला
अहद्भगवतः गुणानां स्वरूपं शरण-स्वीकारे उपदेशः च ।
॥६३५॥
सव्वंगनिकलंके, समत्थतेलोकनयलमयंके। परिगलियपावपंके, दुहत्तजयजीवजणयंके परमगरुयाऽणुभावे, परमपयपसाहगे परमपुरिसे । परमप्पाणे परमे-सरे य तह परमकल्लाणे सब्भूयभावपरमत्थ-देसगे भूसगे य भुवणस्स । अरिहंते भगवंते, सुंदर ! सरणं पवजाहि भवियजणकुमुयचंदे, तइलोकपयासणेक्कदिणनाहे । संसारसरणरीणंऽगि-बग्गवीसामथामे य परमाऽइसयसमिद्धे, अणंतबलविरियसत्तसंजुत्ते । भीमभवजलहिमजत-जंतुगणजाणवत्ते य हरिहरवंभपुरंदर-दुम्महवम्महमहाऽरिदप्पहरे। अरिहंते भगवंते, सुंदर ! सरणं पवजाहि तेलोकसिरीतिलए, मिच्छत्ततमोविणासदिवसयरे । तेलोकरंगमज्झे, अतुल्लमल्ले महासत्ते तेलोकपणयपाए, समत्थतेलोक्पसरियपयावे । पसरियपयावखंडिय-पयंडपासंडियपभावे पसरंतकित्तिकमलिणि-वित्थरसंघडसमत्थभुवणसरे। भुवणसररायहंसे, धम्मधुराधरणवरधवले सव्वाश्वत्थपसत्थे, अप्पडिहयसासणे अमियतेए । संपुष्णपुण्णपब्भार-लब्भदंसणविसेसे य सिरिमंते भगवंते, करुणावंते पगिट्ठजयवंते । सव्वे वि हु अरिहंते, सुंदर ! सरणं पवजाहि परिपालिय इह चरणं, काउ'पावाऽऽसवाण संवरणं । मरिउ' पंडियमरणं, निरसिय संसारपरिसरणं सिद्धे कयकिञ्चत्ता, बुद्ध उण विमलकेवलगुणेण । मुक्के भवहेऊहिं, परिनिव्वुडए सुहसिरीए कयसयलदुक्खअंते, सन्नाणाऽऽगुणेहि य अगंते । विरियसिरीए अणंते, अणंतसुहरासिसंकंते
॥८२५१॥ ॥८२५२।। ॥८२५३।। ॥८२५४॥ ॥८२५५|| ।।८२५६॥ ॥८२५७॥ ॥८२५८|| ॥८२५९॥ ॥८२६०॥ ॥८२६१॥ ॥८२६२।। ॥८२६३।। ॥८२६४॥
॥६३५॥
