________________
संवेगरंगसाला
अनुशास्तिद्वारसमाप्तिः चतुःशरणगमनद्वारप्रारम्भःच।
॥६३४॥
जह वा रक्खियवहुया, रक्खियसालीकणा जहत्थकखा। परिजणमण्णा जाया, भोगसुहाई च संपत्ता ॥८२३८॥ तह जो जीवो सम्म, पडिवजित्ता महव्वए पंच । पालेइ निरइयारे, पमायलेसं पि वज्जितो ॥८२३९॥ सो अप्पहिएक्करई, इहलोगम्मि वि विऊहिं पणयपओ। एगंतसुही जायइ, परम्मि मोक्ख पि पावेइ ॥८२४०॥ जह रोहिणी उ सुण्हा, रोवियसाली जहत्थनामा उ। वढित्ता सालिकणे, पत्ता सबस्ससामित्तं ॥८२४१।। तह जो भव्यो पाविय, वयाई पालेइ अप्पणा सम्मं । अन्नेसि वि भव्वाणं, देइ अणेगेसि सुहहेउ ॥८२४२।। सो इह संघपहाणो, जुगप्पहाणो त्ति लहइ संसदं । अप्पपरेसि कल्लाण-कारओ गणहरपहु च ॥८२४३॥ तित्थस्स वुडिढकारी, अक्खेवणओ कुतित्थियाऽऽईणं । विउसनरसेवियकमो, कमेण सिद्धि पि पावेइ ॥८२४४।। एवमऽणुसद्विदारे, सवित्थरत्थं मए समक्खायं । पंचमहव्वयरक्खा-नाम दसमं पडिदारं
॥८२४५॥ एत्तो कमाऽणुपत्त, परमपवित्तत्तजणणसुनिमित्तं । चउसरणगमणनामे-गारसमकखेमि पडिदारं ॥८२४६॥ अरहन्तसिद्धसाहू-जिणधम्मचउक्कमिममऽहो खबग!। सरणत्तेण पवजसु, कयवयरकृखाविहाणो वि ।८२४७॥ तत्थनिट्ठियनाणाऽऽवरणे, अप्पडिहयनाणदंसणपयारे । भीमभवभमणकारण-विद्धसणपत्तअरुहन्ते
॥८२४८॥ सव्वुत्तमचारित्ते, सव्वुत्तमलकखणंऽकियसरीरे । सव्वुत्तमगुणकलिए, सव्वुत्तमपुन्नपब्भारे
।।८२४९॥ सव्वजगजीवहिए, सव्वजगजीवपरमबंधुजणे । अरिहंते भगवंते, सुंदर ! सरणं पवाहि
॥८२५०॥
॥६३४॥
