________________
रंगसाला
अहिंसाव्रतस्वरूपम् ।
॥६०८॥
एमाऽऽइवियप्पेसु, जीवेसु सया वि नायपरमत्थो। सव्वाऽऽयरमुवउत्तो, अप्पोवम्मेण कुणसु दयं ॥७८९५॥ तहाहिसव्वे वि हु जीवा जीवियं खु, इच्छति नेय मरि जे । ता पाणवहं घोरं, धीरा परिवञ्जयंति सया॥७८९६॥ तन्हाछहाऽऽइपरिताविओ वि, जीवाण घायणं काउं। पडियारं सुमिणम्मि वि, कइयावि हु मा करेजासि ॥७८९७॥ रइअरइहरिसभयऊस-गत्तदीणत्तणाऽऽइजुत्तो वि । भोगपरिभोगद्दे, मा तं चितेसु जीववहं ॥७८९८॥ तेलोक्कजीवियाणं, वरेहि एगयरयं ति देवेहि। भणिए तेलोकं को, वरेज नियजीवियं मोत्तुं ॥७८९९॥ जं एवं तेल्लोकं, णऽग्घइ जीवस्स जीवियं तम्हा । भुवणत्तयलाभाओ वि, दुल्लहं वल्लहं च सया ॥७९००॥ थोवत्थोवेण बहु, संजममज्जिणिय महुयरो व्व महु। तिहुयणसारं हिंसा-महंतकलसेहिं मा चयसु ॥७९०१॥ नत्थि अणूओ अप्पं, आयासाओ महल्लय नस्थि । जह तह जियरकवाओ, अवरं परं न वयमाथि ॥७९०२॥ तहाजह पब्बएसु मेरू, उच्चागो होइ सव्वलोगम्मि । तह जाणसु अइगरुय, सीलेसु वएसु य अहिंसं ॥७९०३॥ जह आयासे लोगो, दीवसमुद्दा जहा य भूमीए । तह जाण अहिंसाए, ठियाणि तवदाणसीलाणि ॥७९०४॥ जं जीववहेण विणा, विसयसुहं नत्थि जीवलोगम्मि । ता जीवदया जायइ, महन्वय विसयविमुहस्स ॥७९०५।। परिचत्तविसयसंगे, फासुयआहारपाणभोइम्मि । मणवयणकायगुत्ते, होइ अहिंसावय' सुद्ध
॥७९०६॥
॥६०८॥
