________________
संवेगरंगसाला
नमस्कारमन्त्रस्य प्रभावः ।
॥५८९॥
अन्न' चएयस्स जहाविहिविहिय-सव्वआराहणापयारस्स । कामियफलसंपायण-पहाणमंतस्स य पभावा ॥७६४४॥ । सत्तू वि होइ मित्तो, तालउडविस पि जायए अमय। भीमाण्डवी वि वियरइ, चित्तरई वासभवणं व ॥७६४५।। चोरा वि रक्खगतं, उति साऽणुग्गहा भवंति गहा । अवसउणा वि हु सुहसउण-साहणिज' जणंति फलं ॥७६४६।। जणणीओ इव न कुणंति, डाइणीओ वि थोवमऽवि पीड। पभवंति न रुदा मंत-तंतजंतप्पयारा वि ॥७६४७॥ पंकयपुजो व्व सिही, सीहो गोमाउओ ब्व वणहत्थी। मिगसावो व्व विहावइ, पंचनमोक्कारसामत्था ॥७६४८॥ । एत्तो चिअ सुमरिजइ, निसियणउट्ठाणखलणपडणेसु । सुरखेयरपभिईहिं वि, एसो परमाए भत्तीए ॥७६४९॥ धण्णाण मणोभवणे, सदाबहुमाणवढिनेहिल्लो। मिच्छत्ततिमिरहरणो, वियरइ नवकारवरदीवो ॥७६५०॥ जाण मणवणणिगुंजे, रमइ णमोकारकेसरिकिसोरो। ताण अणिट्ठदोघट्ट-घट्टघडणा न नियडे वि ॥७६५१॥ ता निविडनिगडघडणा-गुत्ती ता वजपंजरनिरोहो। नो जावजवि जविओ, एस नमोकारवरमंतो ' ॥७६५२।। दप्पिट्ठदुट्ठनिठुर-सुरुद्वंदिट्ठी वि होइ ताव परो। नवकारमंतचिंतण-पुव न पलोइओ जाव ॥७६५३॥ मरणरणऽगणगणसं-गमे गमे गामनगरमाऽऽईण। एय' सुमरंताण', ताण' संमाणणं च भवे
॥७६५४॥ तहाजलमाणमणिपहुफुन्न-फारफणिवइफणागणाहितो। पसरंतकिरणभरभग्ग-भीमतिमिरम्मि पायाले ॥१६५५॥
सं.रं. ५.
॥५८९॥
