________________
संवेगरंगसाला
| श्रुतमदस्वरूपम् ।
॥५२२।।
अह सव्वसेनसहिओ, वारिजंतो वि मंतिवग्गेण । सा गंतु आरद्धो, कमेण पत्तो य तसं ॥६७७०॥ सोउं तस्साऽऽगमणं, वजहरी वि हु समागओ तुरियं । बहुसुहडक्खयजणणं, जायं च परोप्परं जुज्झ ॥६७७१।। दछृणं लोयखयं, वजहरेण भणाविओ इयरो। जब वहसि बलमयं ता, तुममऽहमऽवि दो वि जुज्झामो॥६७७२॥ कि निरवराहलोयकखएण, एएण उभयपकखे वि। पडिवनं तेणेयं, लग्गा अन्नोन्नजुरेण ॥६७७३।। मल्लाणं पिव उट्ठाण-पडणपरियत्तणुव्वलणभीमो। विम्हइयदेवमणुओ, जाओ सिं समरसंमद्दो ॥६७७४|| अह पबलभुयबलेणं, वजहरेणं स निजिओ झत्ति । बलमयकयंतवसगो, इय सो पंचत्तमणुपत्तो ॥६७७५॥ एवंविहदोसविसेस-कारयं बलमयं वियाणित्ता। आराहणाठिओ खमग!, मा तुमं तं करेजासि ॥६७७६।। बलमयनामगमेयं, चउत्थयं कित्तियं मयट्ठाणं । सुयगोयरं पि एत्तो, पंचमगं कि पि साहेमि ॥६७७७॥
संपड़ पसरतनिरंतरोरु-मिच्छत्ततिमिरपब्भारे । पभवंतपबलपरमय-जोइसचक्कप्पयारम्मि ॥६७७८।।
परमप्पमायनिब्भर-विलसंतसुदुब्बियइढघूयम्मि । दंसणपयत्तपरपाणि-निवहहयदि ट्ठिपसरम्मि . ॥६७७९॥ भुवणगयणंऽगणम्मि, सन्नाणदिवायरो अहं चेव । एवं तुमं सुयमयं, मणयं पि करेज मा धोर! ॥६७८०।। किचसुत्तत्थतदुभएहिम्वि, चोद्दसपुवाणि जाण होताणि । छट्ठाणाऽऽवडियत्त, सुव्वइ ताणं पि अन्नोन्नं ॥६७८१।। जइ ता को णु सुयमओ, विसेसओ अञ्जकालियजईणं । जेसि मइतुच्छता, न तहाविहसुयसमिद्धी वि ॥६७८२।।
हाम
॥५२२॥
