________________
संवेगरंगसाला
विप्रसुतदृष्टान्ते वसन्तवर्णनम् ।
।।५०६॥
कुणमाणो जाइमयं, बधइ जाईए चेव नीयत्तं । सावत्थीवत्थव्यो, विप्पसुओ एत्थ दिढतो ॥६५५४॥ तहाहिसुरभवणवाविदीहिय-पोकखरणिकाणणोलिरम्माए । सावत्थीए पुरीए, बहुपत्थिवपणयपयपउमो ॥६५५५॥ आसी नरेंदसीहो, नामेण महीवई जयपसिद्धो। वेयऽत्थवियारविऊ, पुरोहिओ अमरदत्तो से ॥६५५६॥ पुत्तो य तस्स सुलसो, तारुण्णेणं सुएण विभवेण । नरवइसक्कारेण य, सो परमं गव्वमुबहइ ॥६५५७॥ समवयवयस्सजणपरि-गओ य तियचच्चराऽऽइसु पुरीए । सच्छंदं विहरइ वार-णो व्व अवगणियजणसंको॥६५५८॥ एगम्मि य पत्थावे, सुहाऽऽसणत्थस्स तस्स उवणीया। सहयारमंजरी मालि-एण रणझणिरभमरउला ॥६५५९।। तो वम्महलिहियसहत्थ-पत्तलं पिव पलोइऊणं तं । पत्तो वसंतमासो त्ति, जायहरिसो सहत्थेण ॥६५६०॥ वियरेऊण य से पारि-ओसियं छेयपरियणाऽणुगओ। नंदणवणामिहाणे, उजाणे सो गओ झत्ति ॥६५६१॥ तो कयअन्भुट्ठाणेण, नंदणुजाणपालगेण सयं । भणिओ कुमार! चकू, खिवसु खणं इहपएसम्मि ॥६५६२।। पसरंतबहलपरिमल-मिलतअलिवलयकलियसाहऽग्गा । रुद्दकूखमालहत्था, बउला जोगि व्व रेहति ॥६५६३॥ कंकेल्लिणो वि उम्मिल्ल-पल्लवुल्लिहियनहयलाऽऽभोगा। पजलियजलणपुज व्व, दिति विरहीण संतावं ॥६५६४॥ कमलमुही किसुयकुसुम-अंसुया मल्लियामउलदसणा । पाडलनयणा कोरइय-कुरवयत्थवयथोरथणी ॥६५६५।। फुरियसुसिणिद्धतिलया, वणलच्छी तारपरहुयरवेण । 'उग्गायइ व्य वम्मह-महिवइणो तिजयविजयजसं ॥६५६६॥
१ उग्गायणि पाठां।
॥५०६॥
