________________
संवेगरंगसाला
पुरुष
आगमनम्
॥१२॥
जप
ईय पुव्वभवज्जियभूरि-पुन्नपब्भारपुण्णवंछस्स । वोले ति वासरा तस्स, राइणो विविहकीलाहिं
॥११३॥ अह अन्नया कयाई, अत्थाणीमडवे निसन्नस्स । सव्वेयरतरुणीघुन्च-माणसियचारुचमरस्स
॥११४॥ दूरदिसागयसामंत-मंडलीपणयचलणकमलस्स । अन्नन्नसेवेगजणे, सणिय पक्खित्तचक्खुस्स
॥११५॥ कंपिरतणुणा सियसिररुहेण, सक्खा जरापणिहिण व । कंचुइणा संलत्तं, सिग्धं उवसप्पिउणेवं ॥११६॥
जयउ जयउ देवो, माणमीलंतरामा-मुहकुमुयमयंको, सोक्खवल्लीण कंदो। कुवलयदलदीह-रच्छीलच्छीए लीला-लसभुयपरिसत्तो सव्वसंपत्तिजुत्तो
॥११७॥ विन्नवणिज्जमिमं पहु ! पडिहयपडिवक्रवलक्ख ! अम्हाणं । अंतेउरठियाण, सव्वत्तो दिनदिठीणं ॥११८॥ परपुरिसपलोयणवाउलाण, कत्तो वि झत्ति संपत्तो । वणवारणो व्व एगो, पुरिसो अनिवारणा भीमो ॥११९॥ १विसो व्व खग्गधेणूए, संगतो गिरिवरो व्व गरुयंऽगो । उब्भडभुयदंडुब्बद्ध-वीरवलओ अक्खुद्धमणो ॥१२०॥ कणगवईए देवीए, वासभवणम्मि णिययगेहे व्व । नाहो व्व सो पविट्ठो, अवगन्नियकंचुइसमूहो ॥१२१॥ णिसियऽग्गखग्गघाया वि, तत्थ न कमंति वजथंभे व्व । दप्पुब्भडा वि सुहडा, तम्मुहपवणेण निवडन्ति ॥१२२॥ करुणाए चिए मन्ने, न पहरियं तेण अम्ह पुरिसाणं । अन्नह कयन्तकप्पस्स, तस्स कत्तो भवे खलणा ॥१२३॥ अस्सुयमदिट्ठपुव्वं, इय एरिसकजमिन्हिमावडियं । एत्तो उवरि देवो, आइसइ जयं तयं कुणिमो ॥१२४॥ १ वृष.- कृष्णः ।
॥१२॥
