________________
संवेगरंगसाला
मायामृषावापापस्थानस्वरूपम् ।
॥४९७॥
मायाए कुडिलयाए, संवलियं मोसमालियमिह वयणं । मायामोसं भन्नइ, अच्चतकिलिट्ठयापभवं ॥६४३८॥ एयं च बीय-अट्ठम-पावट्ठाणेसु जइवि उवइटुं । पत्तेयदोसवन्नण-दारेण तहावि दोहिं पि ॥६४३९॥ सविसेसपरपयारण-पहाणनेवत्थछेयभणिईहिं । जेण पयट्टइ पावे, तेण पुढो भण्णइ इमं च ॥६४४०॥ मुद्धजणमणकुरंगाण, वागुरा सीलवंसियालीए । फलसंभवो य पच्छिम-गिरिगमणं नाणसूरस्स ॥६४४१॥ मेत्तीए नासगं विणय-भंसगं कारणं अकित्तीए। जं ता दुग्गइविमुहो, समायरेजा न कहवि बुहो ॥६४४२।। अवि यहम्मउ गिरी सिरेणं, चाविजउ तिकखखग्गधारऽग्गं । पिजउ जलियऽग्गिसिहा, छिजउ अप्पा करकएणं ॥६४४३॥ निवडिजउ जलहिजले, पविसिजउ जममुहम्मि कि बहुणा । एक चिय मा किजउ, मायामोसं निमेसं पि॥६४४४॥ सिरगिरिहणणाऽऽईणि हि, कया वि साहसधणाण धीराण । अवगारीणि न हो ति वि, अदिवसाणिज्झसामत्था ॥६४४५।।
अह अवगारीणि वि होति, तह वि एकम्मि चेव जम्मम्मि । मायामोसविही पुण, अणंतभवदारुणविवागो॥६४४६।। (जह अंबिलेण दुद्ध', सुरालवेण जह पंचगव्वं वा । जाइ विहलं समाया-मोसं तह धम्मकरणं पि ॥६४४७॥ तवउ तवं पढउ सुयं, धरउ वयं तह चिरं चरउ चरणं । जइ ता मायामोसी, गुणाय न तयं तहवि होही॥६४४८॥ मायामोसी अइधम्मिओ य, एवं विरुद्धनामदुगं । एकम्मि चेव पुरिसे, मुद्धाण वि धुवमऽसद्धेयं ॥६४४९॥ को नाम किर सकन्नो, करेज ता अप्पणो हियगवेसी । मायामोसं पोसं, भवस्स सुव्वंतबहृदोसं ॥६४५०॥
॥४९७॥
