________________
संवेगरंगसाला
पेज = प्रेमपापस्थानस्वरूपम् ।
॥४६९॥
अणुवयमच्छिसवणा-णमऽवलत्तं तहेव बहिर । परवसगतं च अणप्प-विक्कयं अहह धी! पेज ॥६०६८॥ अवि यअंगुब्वत्त-किसत्तण-परितावुकंपियाणि अवणिदो । असई वियंमियाओ, दिट्ठीए अप्पसनतं ॥६०६९।। मुच्छापलावकरतउ-व्वेवुण्हुण्हदीहनीससणं । इय पेजस्स जरस्स व, मणयं पिन लिंगभेओ त्थि ॥६०७०॥ चिंतइ अचिंतणीयं पि, तह य निच्च असच्चमावि वयइ । पेच्छइ अपेच्छणीयं पि, फुसइ अफरिसणिजं पि॥६०७१॥ भकखइ अभकखणीयं पि, पिबइ अपेयं अगम्ममऽवि जोइ । कुणइ अकज पि नरो, पेञ्जपसंगा कुलीणो वि ॥६०७२।। अन्नं चजइ पेज चिय न भवे, जीवाण विडवणाकरं इह ता । असुइकलमलभरिए, रमेज को माणुसीदेहे ॥६०७३॥ जं असुई दुग्गंधं, बीभच्छं बुहजपणेण परिहरियं । जो रमइ तेण मूढो, अन्यो! विरमेज सो केण ॥६०७४॥ लजाकरं ति जं किर, मंगुलरूवं ठइजए लोए । तं चेव जस्स रम्म, अहो ! विसं महुरयं तस्स ॥६०७५।। ऊससइ ससइ महिला, मउलइ नयणाई नीसहा होइ । तं चिय कुणइ मरंती, रागिस्स तहा वि रमणिजा ॥६०७६।। असुइ अदंसणिज, मलाविलं पूइगंधि दुप्पेच्छ। अच्छतलञ्जणिज', सुगोवणिज अओ चेव ॥६०७७॥ तह असुइपवहमणिसं, बुहनि दियमंऽगदेसमित्थीणं । जं सोंडीरा वि नरा, रमंति ही! रागचरियं तं॥६०७८॥ एवं सरीररागा, अभंगुव्वट्टणाऽऽइणा तस्स । खिजइ न य चिंतइ जमिम-मसुइमेवोवचरियं पि ॥६०७९॥
॥४६९॥
