________________
संवेगरंगसाला
चेटीकथनेन नृपात् सुवर्णस्य याचनम् ।
॥४६७॥
पियमित्तसुओत्ति वियाणिऊण, अज्झावगेण अवगूढो । भणिओ य बच्छ ! गिण्हसु, संऽगोवंग पि चउवेयं ॥६०४१।। कितु समिद्ध धणसेट्ठि-मेत्य भोयणकएण पत्थेसु। अब्भत्थिओय कविलेण, साऽऽयर तेण वि य भणिया॥६०४२।। एगा नियगा चेडी, भुंजावेजासि पाढगमिमं ति । एवं भोयणसुत्थो, वेए सो पढिउमाऽऽद्वत्तो ॥६०४३।। नवर साऽऽयरपइदिण-भोयणदाणेण संथवेणं च । चेडीए उवरि जाओ, अचत तस्स पडिबधो ॥६०४४।। अह तीए सो भणिओ, छणो त्ति कयविविहचारुसिंगारा । नियनियकामुयवियरिय-विसिट्ठवत्थाऽऽइरमणिज्जा ॥६०४५।। पुरवेसाओ नीहिति, कल्लदियहम्मि अच्चि मयणं । तासि च अहं मझे, जंती बीभच्छनेवत्था ॥६०४६।। सहियाहि हसिजिस्सं, ता पिययम ! तं सि पत्थणिजो मे। तह कुणसु कह विजह नो-वहासपयवि पवामि ॥६०४७।। एवं सोउ कविलो, कयत्थिओ अद्धिईए पारद्वो। नट्ठा निसिम्मि निद्दा, पुणो वि चेडीए सो भणिओ ॥६०४८।। पिय ! परिहर संतावं, वच्चसु तं राइणो समीवम्मि । सो किर पइदियह चिय, पढमपबुद्धो पढमदि8 ॥६०४९।। विष्पं सुवन्नमासग-दुगदाणेणाऽमिनंदइ इमं च । आयनिऊण कविलो, अवियाणियरयणिपरिमाणो ॥६०५०।। नीहरिओ गेहाओ बच्चतो दंडवासिएहि तओ। चोरो ति गहिय बद्धो, पच्चूसे दंसिओ रणो ॥६०५१।। आगारिंगियकुसलत्तणेण, साहु त्ति जाणिउ रन्ना । आपुच्छिओ तगो भद्द!, को तुमं ? तेण वि य सब्धो ॥६०५२॥ मूलाओ च्चिय सिट्ठो, नियवुत्तंतो तओ सकरुणेण । रन्ना भणियं भय ! जं मग्गसि तं पयच्छामि ॥६०५३॥
१ नीहिति = गमिष्यन्ति ।
॥४६७०
